தமிழக அரசு பள்ளிகளில் 1,598 காலிப்பணியிடங்கள் – முன்னாள் படைவீரர்களுக்கு ஒதுக்கீடு!!
தமிழ்நாடு ஆசிரியர் தேர்வு வாரியம் சார்பில் நடத்தப்படும் சிறப்பு ஆசிரியர்களுக்கான தேர்வுகளில் முன்னாள் படைவீரர்களுக்கு 74 பணியிடங்கள் ஒதுக்கீடு செய்யப்பட்டு உள்ளதாக தெரிவிக்கப்பட்டுள்ளது.
ஆசிரியர் தேர்வு வாரியம்:
தமிழகத்தில் அரசு பள்ளிகளில் காலியாக உள்ள 1,598 கைவினை பயிற்றுவிப்பாளர், தையல் ஆசிரியர், இணை ஆசிரியர், உடற்கல்வி சிறப்பாசிரியர் பணிகளுக்கான தேர்வுகளை ஆசிரியர் தேர்வு வாரியம் நடத்துகிறது. இதில் இந்திய ராணுவத்தில் பணிபுரிந்த முன்னாள் படைவீரர்களுக்கு 74 பணியிடங்கள் ஒதுக்கீடு செய்யப்பட்டுள்ளதாக தெரிவிக்கப்பட்டுள்ளது.
TN Job “FB 
Group” Join Now
இந்த பணியிடங்களில் சேர ராணுவ வீரர்கள் 10 மற்றும் 12 ஆம் வகுப்பு தேர்ச்சி பெற்று குறிப்பிட்ட சிறப்பு ஆசிரியர் பாடப்பிரிவு பட்டயப் படிப்பில் தேர்ச்சி பெற்று இருக்க வேண்டும். இந்த பணிகளுக்கு தகுதியான படைவீரர்கள் மார்ச் மாதம் 25 ஆம் தேதிக்குள் விண்ணப்பிக்க வேண்டும் என தெரிவிக்கப்பட்டுள்ளது. இந்த தேர்வுகளுக்கான விண்ணப்பங்கள் https://www.trb.tn.nic.in என்ற இணையதளத்தில் வெளியிடப்பட்டுள்ளது.
அடுத்தடுத்து 5 நாட்கள் வங்கிகள் விடுமுறை – பொதுமக்கள் அச்சம்!!
தகுதி உடையவர்கள் அதில் விண்ணப்பிக்கலாம். அல்லது இது குறித்து மேலும் விவரங்கள் அறிய ஈரோடு காந்திஜி ரோடு ஜவான்ஸ் பவன் கட்டிடத்தில் உள்ள மாவட்ட முன்னாள் படைவீரர் நல துணை இயக்குனர் அலுவலகத்தை நேரில் அணுகலாம்.
