தமிழக பள்ளிகளுக்கு காலாண்டு விடுமுறை.. இத்தனை நாட்களா?? பள்ளிக்கல்வித்துறை அறிவிப்பு!!
தமிழகத்தில் 1 முதல் 12 ஆம் வகுப்பு மாணவர்களுக்கான காலாண்டு தேர்வு குறித்தான பட்டியலை சமீபத்தில் பள்ளி கல்வித்துறை வெளியிட்டு இருந்தது. அதன்படி +1, +2 மாணவர்களுக்கு நேற்று (செப்டம்பர் 19) காலாண்டு தேர்வு தொடங்கிய நிலையில், இன்று (செப்டம்பர் 20) முதல் மற்ற வகுப்பு மாணவர்களுக்கு தேர்வு தொடங்குகிறது.
இதை தொடர்ந்து, வருகிற செப்டம்பர் 27ம் தேதியுடன் அனைத்து வகுப்பினருக்கும் தேர்வுகள் முடிவடைகின்றன. இதையடுத்து வரும் செப்டம்பர் 28ஆம் தேதி முதல் அக்டோபர் 2 ஆம் தேதி வரை காலாண்டு விடுமுறை அறிவிக்கப்பட்டுள்ளது. மேலும், மாணவர்களுக்கு காலாண்டு விடுமுறை முடிவடைந்து அக்டோபர் 3 ஆம் தேதி பள்ளிகள் துவங்கும் எனவும் தெரிவிக்கப்பட்டுள்ளது.
