NTA NEET Alert:
நீட் மறுதேர்வு போலி வினாத்தாள் மோசடி!
ரூ.25,000 வரை பறிக்கும் கும்பல்
NTA அவசர எச்சரிக்கை
இந்தியாவில் வரும் ஞாயிற்றுக்கிழமை (ஜூன் 21, 2026) அன்று நீட் மறுதேர்வு (NEET UG Re-exam) நடைபெற உள்ள நிலையில், தேசிய தேர்வு முகமை (NTA) இன்று மாணவர்களுக்கும் பெற்றோர்களுக்கும் ஒரு மிக முக்கியமான அவசர எச்சரிக்கையை விடுத்துள்ளது News On AIR,சமூக ஊடகங்கள் மற்றும் மெசேஜிங் செயலிகளில் உலா வரும் போலி வினாத்தாள் விற்பனை செய்யும் மோசடி நெட்வொர்க்குகளின் தந்திரங்களை ஆதாரங்களுடன் அம்பலப்படுத்தியுள்ள NTA, மாணவர்கள் யாரும் இதில் சிக்கி ஏமாற வேண்டாம் எனக் கேட்டுக்கொண்டுள்ளது.
டெலிகிராம் போலி வினாத்தாள் மோசடி:
நடப்பது என்ன?
தேசிய தேர்வு முகமையின் (NTA) இயக்குநர் ஜெனரல் அபிஷேக் சிங் இன்று வெளியிட்டுள்ள அதிகாரப்பூர்வ அறிவிப்பின்படி, சமூக ஊடகங்களில் நீட் மறுதேர்வு வினாத்தாள்கள் கசிந்துவிட்டதாகப் பரவி வரும் செய்திகள் அனைத்தும் 100% முற்றிலும் போலியானவை மற்றும் வதந்திகள் ஆகும்
மோசடி கும்பல்கள் பயன்படுத்தும் தந்திரம்
(The Telegram Trick):
- பணம் பறிப்பு:
டெலிகிராமில் “PAPER LEAKED NEET”, “Re-NEET 2026”, “Private Mafia” போன்ற பெயர்களில் போலியான சேனல்களை உருவாக்கி, ஜூன் 21 மறுதேர்வின் அசல் வினாத்தாள் தங்களிடம் இருப்பதாகக் கூறி ₹14,000 முதல் ₹25,000 வரை (சில இடங்களில் லட்சக்கணக்கில்) மோசடி கும்பல்கள் பணம் கேட்டு வருகிறார்கள். - போலி ஆதார வீடியோக்கள்:
டெலிகிராமில் உள்ள மெசேஜ் எடிட்டிங் (Message Editing) வசதியைப் பயன்படுத்தி, பழைய தேதியில் அனுப்பப்பட்ட மெசேஜ்களை மாற்றி, தேர்வு நடப்பதற்கு முன்பே தங்களுக்கு வினாத்தாள் கிடைத்தது போல் போலியான சாட் ஸ்கிரீன்ஷாட்களையும் வீடியோக்களையும் அட்மின்கள் உருவாக்கி ஏமாற்றுகிறார்கள். - அபாயம்:
இந்த மோசடி கும்பல்களிடம் நீங்கள் பணத்தை அனுப்பிய அடுத்த கணமே அவர்கள் உங்களைத் தடுத்து (Block) விடுவார்கள். மேலும் உங்களது ஹால் டிக்கெட் விவரங்களைப் பெற்று அடுத்த மாணவர்களை மிரட்டவும் பயன்படுத்துகிறார்கள்.
டெலிகிராம் தடைக்கான காரணம்:இத்தகைய போலி மோசடிகள் மூலமாக மாணவர்களிடையே தேவையற்ற மன அழுத்தமும் வதந்திகளும் பரவுவதைத் தடுக்கவே, இந்திய அரசு தகவல் தொழில்நுட்பச் சட்டம் பிரிவு 69A இன் கீழ் ஜூன் 22 வரை இந்தியாவில் டெலிகிராம் செயலியைத் தற்காலிகமாகக் கட்டுப்படுத்தியுள்ளது.
பாதுகாப்பை பலப்படுத்தியுள்ள மத்திய அரசு
இந்த முறை எந்தவொரு குளறுபடிகளும் நடக்கக் கூடாது என்பதில் என்டிஏ (NTA) உறுதியாக உள்ளது. “மறுதேர்வு வினாத்தாள்களைத் தயாரிப்பது, மொழிபெயர்ப்பது, அச்சிடுவது மற்றும் தேர்வு மையங்களுக்குக் கொண்டு சென்று பாதுகாப்பாகச் சேமிப்பது என அனைத்து நிலைகளிலும் கூடுதல் டிஜிட்டல் பாதுகாப்பு அடுக்குகள் (Layers of Security) சேர்க்கப்பட்டுள்ளன” என்று NTA இயக்குநர் தெரிவித்துள்ளார். எனவே, எந்தவொரு தனிநபரோ அல்லது அமைப்போ அசல் வினாத்தாளை முன்கூட்டியே பெற முடியாது.
புதிய ‘மோசடி புகார் போர்டல்’ அறிமுகம்
(NTA Anti-Fraud Portal)
போலி வினாத்தாள் கசிவு மற்றும் மோசடிகளைத் தடுக்க, NTA MyGov தளத்தின் கீழ் ஒரு பிரத்யேகப் புகார் போர்ட்டலைத் தொடங்கியுள்ளது மாணவர்கள் அல்லது பெற்றோர்கள் ஆன்லைனில் தங்களுக்கு வரும் போலி வினாத்தாள் சலுகைகள் அல்லது மோசடி சேனல்களின் லிங்க்குகளைப் பின்வரும் தளத்தில் நேரடியாகப் புகாரளிக்கலாம்.
மாணவர்களுக்கான செய்தி:
தேர்வு நெருங்கும் இந்த இறுதி நேரத்தில் இத்தகைய வதந்திகள் உங்களது கவனத்தைச் சிதறடிக்கக் கூடும் “உங்களது கடின உழைப்பும் தயாரிப்பும் மட்டுமே உங்களை இந்தத் தேர்வில் வெற்றி பெற வைக்கும்; எந்தவொரு போலி டெலிகிராம் சேனலும் அல்ல” என்று NTA அறிவுறுத்தியுள்ளது. மாணவர்கள் அதிகாரப்பூர்வ National Testing Agency (NTA) இணையதள அறிவிப்புகளை மட்டுமே நம்ப வேண்டும்
 ????? ???? 17 ??????????? ????????????? ?????????? ??????.){kind=link}