உங்ககிட்ட ‘PAN’ கார்ட் இல்லையா..? அவசரமா வேணுமா.. அப்போ இத பண்ணுங்க..
உங்களது பான் கார்டை விண்ணப்பிக்க முதலில், https://www.incometax.gov.in/ என்ற அதிகாரப்பூர்வ வருமான வரி போர்ட்டலுக்கு சென்று “Instant e-PAN” என்ற ஆப்ஷனை கிளிக் செய்யவும். பின்னர் தோன்றும் முகப்புப் பக்கத்தில், “Get New e-PAN” என்ற விருப்பத்தை தேர்வு செய்து உங்கள் ஆதார் எண்ணை உள்ளிடவும். இதை தொடர்ந்து, உங்கள் ஆதாரில் பதிவு செய்யப்பட்ட மொபைல் எண்ணுக்கு ஒரு OTP அனுப்பப்படும். அந்த OTP-ஐ உள்ளிட்ட உடன் ஆதார் விவரங்களை சரிபார்த்து மின்னஞ்சல் முகவரியை உள்ளிடவும். இந்த சரிபார்ப்புக்கு பிறகு, e-PAN உருவாக்கப்பட்டு உங்களது பதிவு செய்யப்பட்ட மின்னஞ்சல் முகவரிக்கு அனுப்பப்படும். மின்னஞ்சல் முகவரி கொடுக்காதவர்கள் e-filing போர்ட்டலில் உள்ள “Instant e-PAN” பகுதிக்கு சென்று “Download PAN” என்பதைக் கிளிக் செய்து உங்கள் ஆதார் எண்ணையும், பதிவுசெய்யப்பட்ட மொபைல் எண்ணில் பெறப்பட்ட OTP-யையும் உள்ளிடவும். இவ்வாறு செய்வதன் மூலம் உங்கள் e-PAN-ஐ PDF வடிவத்தில் டவுன்லோடு செய்து கொள்ளலாம் என்று தெரிவிக்கப்பட்டுள்ளது.
