Vidyadhan Scholarship 2026:
10-ஆம் வகுப்பு முடித்த மாணவர்களுக்கு ₹10,000 முதல் ₹75,000 வரை கல்வி உதவித்தொகை!
ஆன்லைனில் விண்ணப்பிப்பது எப்படி?
சரோஜினி தாமோதரன் அறக்கட்டளை (Sarojini Damodaran Foundation) மற்றும் தமிழ்நாடு அரசுடன் இணைந்து பொருளாதார ரீதியாகப் பின்தங்கிய திறமையான மாணவர்களை ஊக்குவிக்க “வித்யாதன் கல்வி உதவித்தொகை திட்டம்” (Vidyadhan Scholarship Scheme) செயல்படுத்தப்பட்டு வருகிறது. இத்திட்டத்தின் கீழ் 10-ஆம் வகுப்பு முடித்துவிட்டுத் மேல்நிலைப்பள்ளி (Class 11 & 12) மற்றும் கல்லூரிப் படிப்பைத் தொடரும் தகுதியான மாணவர்களுக்கு ஆண்டுக்கு ₹10,000 முதல் ₹75,000 வரை நேரடி நிதியுதவி வழங்கப்படுகிறது. தற்போது புதிய கல்வி ஆண்டு சேர்க்கை காலத்தைக் கருத்தில் கொண்டு, இதற்கான தகுதிகள், ஆவணங்கள் மற்றும் ஆன்லைனில் விண்ணப்பிக்கும் எளிய வழிமுறைகள் கீழே தெளிவாகத் தொகுக்கப்பட்டுள்ளன.
கல்வி உதவித்தொகை விவரங்கள் (Scholarship Amount)
- 11 மற்றும் 12-ஆம் வகுப்பு மாணவர்கள்:
மேல்நிலைப்பள்ளிப் படிப்புச் செலவுகளுக்காக ஆண்டுக்கு ₹10,000/- வழங்கப்படும். - உயர்கல்வி (கல்லூரி மாணவர்கள்):
12-ஆம் வகுப்பு முடித்துவிட்டு வழக்கமான மருத்துவப் படிப்பு, பொறியியல், நர்சிங் அல்லது இதர பட்டப் படிப்புகளைத் தொடரும் மாணவர்களுக்கு ஆண்டுக்கு ₹10,000 முதல் ₹75,000/- வரை முழுமையான கல்வி நிதியுதவி வழங்கப்படும்.
விண்ணப்பிப்பதற்கான தகுதிகள் (Eligibility Criteria)
- வசிப்பிடம்:
விண்ணப்பதாரர் தமிழ்நாட்டைச் சேர்ந்தவராக இருக்க வேண்டும். - மதிப்பெண் வரம்பு:
நடப்பு 2026-ஆம் ஆண்டில் 10-ஆம் வகுப்பு (SSLC) பொதுத்தேர்வில் குறைந்தபட்சம் 85% மதிப்பெண்கள் அல்லது அதற்கு மேல் பெற்றிருக்க வேண்டும்
(சிபிஎஸ்இ மாணவர்கள் 9.0 CGPA பெற்றிருக்க வேண்டும்). - மாற்றுத்திறனாளி மாணவர்கள்:
மாற்றுத்திறனாளி மாணவர்களுக்கு 10-ஆம் வகுப்பில் குறைந்தபட்சம் 65% மதிப்பெண்கள் இருந்தால் போதுமானது. - குடும்ப வருமானம்:
மாணவரின் குடும்ப ஆண்டு வருமானம் ₹2,00,000/-க்கு மிகாமல் இருக்க வேண்டும்.
தேவையான முக்கிய ஆவணங்கள் (Required Documents)
- 10-ஆம் வகுப்பு அசல் அல்லது தற்காலிக மதிப்பெண் சான்றிதழ்
(Class 10 Marksheet). - நடப்பு ஆண்டில் தகுதிவாய்ந்த அதிகாரியிடம் பெறப்பட்ட பெற்றோரின் வருமான சான்றிதழ் (Income Certificate).
- மாணவரின் பாஸ்போர்ட் அளவு புகைப்படம் (Passport Size Photo).
ஆன்லைனில் விண்ணப்பிக்கும் எளிய வழிமுறைகள் (Step-by-Step Guide)
படி 1: புதிய பயனர் பதிவு (Registration)
- முதலில் வித்யாதன் அமைப்பின் அதிகாரப்பூர்வ இணையதளமான
Vidyadhan Official Portal (vidyadhan.org) பக்கத்திற்குச் செல்லவும். - முகப்புப் பக்கத்தில் உள்ள “Apply for Scholarship” என்ற பகுதியைக் கிளிக் செய்யவும்.
- உங்களது பெயர், மின்னஞ்சல் முகவரி (Email ID) மற்றும் புதிய கடவுச்சொல்லை உள்ளிட்டு “Register” என்பதைத் தேர்வு செய்யவும்.
- உங்கள் மின்னஞ்சலுக்கு வரும் கணக்குச் சரிபார்ப்பு லிங்க்கை (Account Activation Link) கிளிக் செய்து கணக்கை உறுதிப்படுத்தவும்.
படி 2: விண்ணப்பப் படிவத்தை நிரப்புதல் (Application Filling)
உங்களது மின்னஞ்சல் ஐடி மற்றும் கடவுச்சொல்லைப் பயன்படுத்தித் தளத்தில் உள்நுழையவும் (Login).
- திரையில் தோன்றும் திட்டங்களின் பட்டியலில் “Tamil Nadu 11th Std Scholarship Program” என்பதைத் தேர்ந்தெடுக்கவும்.
- விண்ணப்பப் படிவத்தில் கேட்கப்படும் தனிப்பட்ட விவரங்கள், 10-ஆம் வகுப்பு மதிப்பெண் விவரங்கள் மற்றும் பள்ளி முகவரிகளைச் சரியாக உள்ளிடவும்.
- கேட்கப்படும் 10-ஆம் வகுப்பு மதிப்பெண் பட்டியல் மற்றும் வருமானச் சான்றிதழைத் தெளிவாக ஸ்கேன் செய்து பதிவேற்றவும் (Upload Documents).
- விவரங்கள் அனைத்தும் சரியாக இருப்பதை உறுதி செய்த பின் “Submit” பொத்தானைக் கிளிக் செய்யவும்.
அதிகாரப்பூர்வ நேரடி இணைப்பு (Official Direct Link)
- முதன்மை விண்ணப்ப போர்டல்:
Vidyadhan Scholarship Portal
