ஆசிரியர்களுக்கு அதிரடி உத்தரவு: குறைதீர்க்கும் முகாம் மனுக்களுக்கு 5 நாட்களில் தீர்வு!

தமிழ்நாட்டில் உள்ள அரசுப் பள்ளி ஆசிரியர்களின் நீண்ட கால கோரிக்கைகள் மற்றும் நிர்வாக ரீதியான பிரச்சனைகளை உடனுக்குடன் தீர்ப்பதற்குப் பள்ளிக்கல்வித் துறை பல்வேறு அதிரடி நடவடிக்கைகளை எடுத்து வருகிறது.

இதன் தொடர்ச்சியாக, இன்று ஜூன் 18 அன்று தமிழ்நாடு தொடக்கக் கல்வி இயக்குநர் (Director of Elementary Education) அனைத்து மாவட்ட கல்வி அதிகாரிகளுக்கும் (DEOs & CEOs) ஒரு முக்கியமான சுற்றறிக்கையை அனுப்பியுள்ளார். இனி ஆசிரியர்கள் குறைதீர்க்கும் முகாம்களில் அளிக்கப்படும் மனுக்கள் மீது நீண்ட நாட்கள் தாமதம் செய்யக் கூடாது என்றும், மிகக் குறுகிய காலத்திற்குள் நடவடிக்கை எடுக்க வேண்டும் என்றும் உத்தரவிடப்பட்டுள்ளது.

இந்த புதிய உத்தரவின்படி, வட்டார மற்றும் மாவட்ட அளவில் நடத்தப்படும் ஆசிரியர்கள் குறைதீர்க்கும் முகாம்களில் (Teachers Grievance Day Camp) ஆசிரியர்களால் சமர்ப்பிக்கப்படும் கோரிக்கை மனுக்கள் மீது, சரியாக 5 வேலை நாட்களுக்குள் (5 Working Days) அந்தந்த அதிகாரிகள் தீர்வு காண வேண்டும்.

ஆசிரியர்களின் பணிப்பதிவேடு மற்றும் வாழ்வாதாரம் சார்ந்த பின்வரும் முக்கிய கோரிக்கைகளுக்கு இந்த முகாம்களில் முன்னுரிமை அளிக்கப்படும்:

வழக்கமாக ஆசிரியர்கள் கொடுக்கும் மனுக்கள் மீது மாதக்கணக்கில் முடிவுகள் எடுக்கப்படாமல் தேங்கிக் கிடப்பதாகப் புகார்கள் எழுந்த வண்ணம் இருந்தன. இதைக் கட்டுப்படுத்தவே இந்த ‘5 நாட்கள் கெடு’ விதிக்கப்பட்டுள்ளது 

குறிப்பிட்ட காலக்கெடுவுக்குள் மனுக்களைப் பரிசீலித்து, அதற்கான தீர்வு அல்லது உரிய பதிலை ஆசிரியர்களுக்கு வழங்கத் தவறும் அதிகாரிகள் மீது துறை ரீதியான கடுமையான ஒழுங்கு நடவடிக்கை எடுக்கப்படும் என்றும் இந்த புதிய சுற்றறிக்கையில் எச்சரிக்கப்பட்டுள்ளது.

கல்வித்துறையில் கற்பிக்கும் ஆசிரியர்களின் நலன் காக்கப்பட்டால் தான் மாணவர்களின் கல்வியும் சிறக்கும். அந்த வகையில், தொடக்கக் கல்வித்துறையின் இந்த 5 நாட்கள் அதிரடி உத்தரவு ஒட்டுமொத்த ஆசிரியர் சமூகத்தினரிடையே மிகப்பெரிய வரவேற்பைப் பெற்றுள்ளது