அரசு ஊழியர்களுக்கு ரூ.11000 தீபாவளி போனஸ் – அமைச்சர் முக்கிய உத்தரவு!
புதுச்சேரி அரசு ஊழியர்களுக்கு தீபாவளி போனஸ் குறித்த அறிவிப்பை வெளியிட்டுள்ளது. அதில் லாபத்தில் இயங்கும் அரசு சார்பு நிறுவன ஊழியர்களுக்கு அதிகபட்சமாக ரூ.11,000 வரை தீபாவளி போனஸ் வழங்கப்பட இருக்கிறது.
தீபாவளி போனஸ்
இந்தியாவில் தீபாவளிக்கு இன்னும் 3 நாட்கள் மட்டுமே இருக்கிறது. இந்நிலையில் சில நாட்களுக்கு முன் மத்திய அரசு ஊழியர்களுக்கு தீபாவளி போனஸ் குறித்த அறிவிப்பு வெளியானது. அதில் அரசிதழ் பதிவு பெறாத குரூப் பி மற்றும் சி பிரிவு ஊழியர்களுக்கு ரூ.6 ஆயிரத்து 908-ம் தற்காலிக ஊழியர்களுக்கு ரூ.1,184 வழங்கப்படும் என தெரிவிக்கப்பட்டது. இந்த தொகை யூனியன் பிரதேச அரசு ஊழியர்களுக்கு பொருந்தும் என அறிவிக்கப்பட்டது.
Join Our WhatsApp 
Group” for Latest Updates
அந்த வகையில் புதுச்சேரி அரசு ஊழியர்களுக்கு அதே அளவிலான போனஸ் குறித்த அறிவிப்பை நிதித்துறை சார்பு செயலாளர் அர்ஜுன் ராமகிருஷ்ணன் வெளியிட்டுள்ளார். அதில் தீபாவளி போனஸை அரசிதழ் பதிவு பெறாத அரசு ஊழியர்கள் சுமார் 18 ஆயிரம் பேர், தினக்கூலி ஊழியர்கள் சுமார் 5 ஆயிரம் பேர் பெற இருக்கின்றனர்.
தமிழகத்தில் தொடர்ந்து உயரும் காய்கறிகளின் விலை – இன்றைய நிலவரம் இதோ!
இதனால் அரசுக்கு ரூ.13 கோடி செலவாகும். மேலும் புதுச்சேரியில் லாபத்தில் இயங்கும் அரசு சார்பு நிறுவன ஊழியர்களுக்கு அதிகபட்சமாக ரூ.11,000 ஆயிரம் வரை தீபாவளி போனஸாக வழங்கலாம் என அரசு அறிவிப்பு வெளியிட்டுள்ளது. மேலும் கருணை தொகை குறைந்தபட்சம் ரூ.7000 வழங்க இருப்பதாக வழிகாட்டு நெறிமுறைகள் வெளியாகி இருக்கிறது.
