நீட் தேர்வு 2021 விண்ணப்ப பதிவு – இன்றே கடைசி நாள்!
தேசிய தேர்வு முகமை சார்பில் நடத்தப்படும் மருத்துவ படிப்பிற்கான நீட் நுழைவு தேர்வு வருகிற செப்டம்பர் 12 ஆம் தேதி நடைபெறும் என தெரிவிக்கப்பட்ட நிலையில், அதற்கு விண்ணப்பிக்க இன்றே (ஆகஸ்ட் 10) கடைசி நாள் ஆகும்.
நீட் தேர்வு:
தேசிய தேர்வு முகமை சார்பில் ஆண்டுதோறும் எம்பிபிஎஸ், பிடிஎஸ், சித்தா, ஆயுர்வேதா, யுனானி, ஓமியோபதி உட்பட இளநிலை மருத்துவ படிப்புகளுக்கு நீட் எனப்படும் தேசியத் தகுதி மற்றும் நுழைவுத் தேர்வு நடத்தப்படும். இந்த தேர்வில் தேர்ச்சி பெற்றவர்களுக்கு மட்டுமே நாடு முழுவதும் மருத்துவ கல்லூரிகளில் மாணவர் சேர்க்கை வழங்கப்படும். இந்நிலையில் 2021 ஆம் ஆண்டுக்கான நீட் தேர்வு கொரோனா பரவல் காரணமாக ஒத்திவைக்கப்பட்டு செப்டம்பர் 12 ஆம் தேதி நடைபெற உள்ளதாக தெரிவிக்கப்பட்டுள்ளது.
ஆகஸ்ட் 17 ஆம் தேதி வரை முழு ஊரடங்கு நீட்டிப்பு – மாநில அரசு அறிவிப்பு!
2021 ஆம் ஆண்டுக்கான நீட் தேர்வு விண்ணப்ப பதிவு ஜூலை 13 ஆம் தேதி முதல் தொடங்கப்பட்டுள்ளது. முன்னதாக ஆகஸ்ட் 5 ஆம் தேதி வரை இந்த தேர்வுக்கு விண்ணப்பிக்கலாம் என தெரிவிக்கப்பட்ட நிலையில் ஆகஸ்ட் 10 ஆம் தேதி வரை கால அவகாசம் நீட்டிக்கப்பட உள்ளதாக தேசிய தேர்வு முகமை அண்மையில் அறிவிப்பு வெளியிட்டது.
இந்நிலையில் இந்த ஆண்டிற்கான நீட் தேர்வுக்கு விண்ணப்பிக்க இன்று (ஆகஸ்ட் 10) கடைசி நாள் ஆகும். எனவே இதுவரை விண்ணப்பிக்காத மாணவர்கள் விண்ணப்பம் செய்து கொள்ளுமாறு தெரிவிக்கப்பட்டுள்ளது. மேலும் நாளை முதல் ஆகஸ்ட் 14 ஆம் தேதி வரை விண்ணப்பங்களில் திருத்தம் இருப்பின் அதனை செய்து கொள்ள அனுமதி வழங்கப்பட்டுள்ளது. கொரோனா பரவல் காரணமாக இந்த ஆண்டு நீட் தேர்வு கூடுதல் மையங்களில் நடைபெற உள்ளதாக தெரிவிக்கப்பட்டுள்ளது குறிப்பிடத்தக்கது. மேலும் வினாத்தாளிலும் சில மாற்றங்கள் கொண்டு வரப்பட்டு உள்ளன.
 கடைசி நாள் ஆகும்.){kind=link}