இளம் வயதில் புதிய சாதனை:
துலீப் டிராபியில் வரலாறு படைத்த வைபவ் சூர்யவன்ஷி
15 வயதான இந்திய இளம் கிரிக்கெட் வீரர் வைபவ் சூர்யவன்ஷி, துலீப் டிராபி வரலாற்றில் மிகக் குறைந்த வயதில் அரைசதம் அடித்த வீரர் என்ற சாதனையை படைத்துள்ளார்.
East Zone அணிக்காக Central Zone அணிக்கு எதிரான அரையிறுதிப் போட்டியில் விளையாடிய அவர், வெறும் 42 பந்துகளில் அரைசதத்தை கடந்தார். தொடர்ந்து அதிரடியாக விளையாடிய சூர்யவன்ஷி 81 பந்துகளில் 92 ரன்கள் எடுத்தார். இதில் 7 பவுண்டரிகள் மற்றும் 7 சிக்ஸர்கள் அடங்கும்.
57 ஆண்டுகள் பழமையான சாதனை முறியடிப்பு
இந்த சாதனையின் மூலம் 1969-ம் ஆண்டு 16 வயது 23 நாட்களில் துலீப் டிராபியில் அரைசதம் அடித்த லக்ஷ்மண் சிங்கின் 57 ஆண்டுகால சாதனையை சூர்யவன்ஷி முறியடித்துள்ளார்.
சதத்தை தவறவிட்டார்
சூர்யவன்ஷி 92 ரன்களில் ஆட்டமிழந்ததால், துலீப் டிராபியில் மிகக் குறைந்த வயதில் சதம் அடிக்கும் வாய்ப்பை 8 ரன்களில் தவறவிட்டார். இருந்தாலும், அவரது அதிரடி ஆட்டம் இந்திய உள்நாட்டு கிரிக்கெட்டில் பெரும் கவனத்தை ஈர்த்துள்ளது.
இந்த சாதனை மூலம் இந்திய கிரிக்கெட்டின் வளர்ந்து வரும் இளம் நட்சத்திரங்களில் சூர்யவன்ஷியின் பெயர் மேலும் முக்கியத்துவம் பெற்றுள்ளது.
