UPI கட்டணம் வருமா?
சின்ன தொகை பரிவர்த்தனைகளுக்கு கட்டணம் இல்லை – புதிய தகவல்!

UPI பரிவர்த்தனைகளுக்கு கட்டணம் விதிக்கப்படலாம் என்ற விவாதம் பரபரப்பை ஏற்படுத்தியுள்ள நிலையில், சிறிய தொகை UPI பரிவர்த்தனைகளுக்கு கட்டணம் விதிக்கப்படாது என தகவல்கள் தெரிவிக்கின்றன.

யாருக்கு கட்டணம் வரலாம்?

பெரிய வணிக நிறுவனங்கள் மேற்கொள்ளும் அதிக மதிப்புள்ள UPI பரிவர்த்தனைகளில் merchant fee அல்லது MDR வசூலிப்பது குறித்து பரிசீலிக்கப்பட்டு வருகிறது. இதன் மூலம் UPI கட்டமைப்பு, சைபர் பாதுகாப்பு உள்ளிட்டவற்றுக்கான செலவுகளை சமாளிக்க முடியும் என தெரிவிக்கப்படுகிறது.

சாமானிய மக்களுக்கு பாதிப்பா?

பொதுமக்கள் மற்றும் சிறு வணிகர்களின் வழக்கமான சிறிய தொகை UPI பரிவர்த்தனைகளுக்கு கட்டணம் விதிக்கப்படாது என கூறப்படுகிறது. இதனால் தினசரி டீ, மளிகை, உணவு உள்ளிட்ட சிறிய கொள்முதல்களுக்கு UPI பயன்படுத்துபவர்கள் கவலைப்படத் தேவையில்லை.

ஏன் கட்டணம் குறித்து பேசப்படுகிறது?

UPI பயன்பாடு வேகமாக அதிகரித்து வரும் நிலையில், அதன் உள்கட்டமைப்பு மற்றும் பராமரிப்புக்கான செலவுகளை சமாளிக்க புதிய வருவாய் வழிகள் தேவைப்படுவதாகத் தெரிவிக்கப்படுகிறது. குறிப்பாக அதிக மதிப்புள்ள பரிவர்த்தனைகளில் கட்டணம் வசூலிப்பது குறித்து ஆலோசனை நடைபெற்று வருகிறது.

முக்கியமாக, UPI பயனர்களிடம் நேரடியாக கட்டணம் வசூலிப்பது தொடர்பாக இறுதி நடைமுறை இன்னும் தெளிவுபடுத்தப்படவில்லை.