TRB முதுகலை ஆசிரியர் தேர்வு ஹால் டிக்கெட் வெளியீடு – பதிவிறக்கம் செய்ய நேரடி லிங்க் இதோ
தமிழ்நாடு ஆசிரியர் தேர்வாணையம் (TRB) நடாத்தும் முதுகலை ஆசிரியர் (Post Graduate Assistant) தேர்வு எழுத உள்ள மாணவர்களுக்கு மிக முக்கியமான அறிவிப்பு வெளியாகியுள்ளது. TRB தற்போது அதிகாரப்பூர்வமாக ஹால் டிக்கெட்டை வெளியிட்டுள்ளது. இதன் மூலம் தேர்வர்கள் தங்களது பதிவு எண் மற்றும் பிறந்த தேதியை (Date of Birth) பயன்படுத்தி தங்களது ஹால் டிக்கெட்டை TRB அதிகாரப்பூர்வ இணையதளமான [www.trb.tn.gov.in] வழியாக எளிதாக பதிவிறக்கம் செய்யலாம். இத்தேர்வு மாநிலம் முழுவதும் பல்வேறு தேர்வு மையங்களில் கணினி அடிப்படையிலான (Computer Based Test – CBT) முறையில் நடைபெறவுள்ளது. தேர்வு தேதிகள், நேரம், மையம், மற்றும் முக்கிய வழிமுறைகள் அனைத்தும் ஹால் டிக்கெட்டில் தெளிவாக குறிப்பிடப்பட்டுள்ளன. தேர்வர்கள் ஹால் டிக்கெட்டில் காணப்படும் விவரங்களை சரிபார்த்து, எந்தவொரு பிழையும் இருந்தால் உடனடியாக TRB அலுவலகத்தை தொடர்புகொள்ளுமாறு அறிவுறுத்தப்பட்டுள்ளது.
IIT திருப்பதி வேலைவாய்ப்பு 2025 – Project Manager பணிக்கு ஆன்லைனில் விண்ணப்பிக்கவும்
மேலும், தேர்வு நாளில் ஹால் டிக்கெட்டின் அச்சு பிரதியுடன் (printout), செல்லுபடியாகும் அடையாள அட்டை (Aadhaar / Voter ID / Driving License) ஒன்றையும் கட்டாயமாக கொண்டு வர வேண்டும். இன்றி தேர்வு மையத்திற்குள் அனுமதி வழங்கப்படமாட்டாது. தேர்வர்கள் தேர்வு மையத்திற்கு குறைந்தது ஒரு மணி நேரத்திற்கு முன்பே வருமாறு TRB அறிவுறுத்தியுள்ளது. இந்தத் தேர்வு மூலம் மாநிலம் முழுவதும் அரசுப்பள்ளிகளில் முதுகலை ஆசிரியர் (PG Assistant), Physical Director, மற்றும் Computer Instructor Grade-I போன்ற பல்வேறு பதவிகள் நிரப்பப்படவுள்ளன. எனவே, ஹால் டிக்கெட் பதிவிறக்கம் செய்த பிறகு தேர்வுக்கான பாடத்திட்டம் மற்றும் பழைய வினாத்தாள்களைப் பார்த்து மீளாய்வு செய்யுமாறும் TRB ஆலோசனை வழங்கியுள்ளது.
