TNPSC Annual Planner 2026: குரூப் 4 மற்றும் குரூப் 2 தேர்வு தேதிகள்!

தமிழ்நாடு அரசுப் பணியாளர் தேர்வாணையம் (TNPSC) 2026 ஆம் ஆண்டில் நடத்தவிருக்கும் பல்வேறு முக்கியத் தேர்வுகளுக்கான அதிகாரப்பூர்வ திருத்தப்பட்ட ஆண்டுத் திட்டத்தை (Revised Annual Planner) வெளியிட்டுள்ளது. தமிழக அரசுத் துறைகளில் உள்ள காலிப்பணியிடங்களை நிரப்புவதற்காகத் தயாராகி வரும் லட்சக்கணக்கான தேர்வர்களுக்கு இந்த அறிவிப்பு ஒரு முறையான திட்டமிடலுக்கு வழிவகுக்கும்.இந்த ஆண்டின் மிக முக்கியத் தேர்வுகளான குரூப் 1, குரூப் 2/2A மற்றும் குரூப் 4 ஆகிய சிவில் சர்வீஸ் தேர்வுகளுக்கான அறிவிப்பு நாள் மற்றும் தேர்வு தேதிகள் குறித்த அதிகாரப்பூர்வ விவரங்களைக் கீழே விரிவாகக் காண்போம்.

துணை ஆட்சியர் (Deputy Collector), துணைக் காவல் கண்காணிப்பாளர் (DSP) போன்ற உயரிய பதவிகளுக்கான குரூப் 1 தேர்விற்கு ஜூன் 23, 2026 அன்று அதிகாரப்பூர்வ அறிவிப்பு வெளியாகிறது. இதற்கான முதன்மை எழுத்துத் தேர்வு செப்டம்பர் 6, 2026 அன்று நடைபெறும். 

உதவிப் பிரிவு அலுவலர் (ASO), நகராட்சி ஆணையர் (Municipal Commissioner) போன்ற நேர்முகத் தேர்வு மற்றும் நேர்முகத் தேர்வு அல்லாத பதவிகளுக்கான குரூப் 2 அறிவிப்பு ஆகஸ்ட் 11, 2026 அன்றும், அதற்கான தேர்வு அக்டோபர் 25, 2026 அன்றும் நடைபெறும். 

தமிழகத்தில் மிக அதிகமான தேர்வர்கள் எழுதும் கிராம நிர்வாக அலுவலர் (VAO), இளநிலை உதவியாளர் (Junior Assistant) மற்றும் தட்டச்சர் (Typist) பதவிகளுக்கான குரூப் 4 தேர்வு இந்த ஆண்டின் இறுதியில் நடைபெறுகிறது. இதற்கான அதிகாரப்பூர்வ அறிவிப்பு அக்டோபர் 6, 2026 அன்று வெளியாகி, எழுத்துத் தேர்வு டிசம்பர் 20, 2026 அன்று நடைபெறும்.