இந்தியா – உஸ்பெகிஸ்தான் இடையே 11 ஒப்பந்தங்கள் கையெழுத்து
உஸ்பெகிஸ்தான் அதிபர் ஷவ்கத் மிர்சியோயேவ் மற்றும் பிரதமர் நரேந்திர மோடி இடையிலான பேச்சுவார்த்தைக்குப் பிறகு, இந்தியா மற்றும் உஸ்பெகிஸ்தான் இடையே 11 முக்கிய ஒப்பந்தங்கள் கையெழுத்தாகியுள்ளன. தாஷ்கண்டில் நடைபெற்ற இந்த சந்திப்பில் இரு நாடுகளின் உறவை மேலும் வலுப்படுத்துவது குறித்து ஆலோசிக்கப்பட்டது.
எந்தெந்த துறைகளில் ஒப்பந்தங்கள்?
வர்த்தகம், பாதுகாப்பு, எரிசக்தி, கலாச்சாரம், உயர் கல்வி, அறிவியல் ஆராய்ச்சி, ஆயுர்வேதம், சுற்றுச்சூழல் பாதுகாப்பு, சுற்றுலா, கனிம வளம் உள்ளிட்ட பல்வேறு துறைகளில் ஒப்பந்தங்கள் மேற்கொள்ளப்பட்டுள்ளன.
குறிப்பாக, நீண்டகால அடிப்படையில் இந்தியாவுக்கு யுரேனியம் வழங்குவதற்கான ஒப்பந்தம் முக்கியத்துவம் பெற்றுள்ளது.
விரிவான மூலோபாய கூட்டாண்மை
இரு நாடுகளும் தங்களது உறவை Comprehensive Strategic Partnership என்ற விரிவான மூலோபாய கூட்டாண்மை நிலைக்கு உயர்த்தியுள்ளன. மேலும், 2030-ம் ஆண்டுக்குள் இருதரப்பு வர்த்தகத்தை 5 பில்லியன் அமெரிக்க டாலருக்கு மேல் உயர்த்த இலக்கு நிர்ணயிக்கப்பட்டுள்ளது.
இந்தியா – உஸ்பெகிஸ்தான் இடையேயான 11 ஒப்பந்தங்கள், வர்த்தகம், பாதுகாப்பு, எரிசக்தி, கல்வி மற்றும் தொழில்நுட்பம் உள்ளிட்ட பல துறைகளில் இருதரப்பு ஒத்துழைப்பை மேலும் வலுப்படுத்தும் முக்கிய நடவடிக்கையாக பார்க்கப்படுகிறது.
