பெண் குழந்தைகளின் கல்வி மற்றும் எதிர்காலத்தை பாதுகாக்கும் 3 உன்னத அரசு திட்டங்கள்!
இந்தியாவில் பெண் கல்வியை ஊக்குவிக்கவும், அவர்கள் பொருளாதார ரீதியாகச் சுதந்திரம் அடையவும் மத்திய மற்றும் மாநில அரசுகள் பல்வேறு சிறப்புத் திட்டங்களைச் செயல்படுத்தி வருகின்றன. பெண் குழந்தைகள் தங்களின் பள்ளி மற்றும் உயர்கல்வியைத் தடையின்றித் தொடரவும், அவர்களின் திருமணச் செலவுகளுக்குப் பெற்றோர்கள் கடனாளியாக மாறாமல் இருக்கவும் இந்த நிதி உதவித் திட்டங்கள் பெரிதும் உதவுகின்றன.பெண் குழந்தைகளைப் பெற்ற ஒவ்வொரு பெற்றோரும் கண்டிப்பாகத் தெரிந்து கொள்ள வேண்டிய 3 மிக முக்கியமான அரசுத் திட்டங்களைப் பற்றி இந்த பதிவில் விரிவாகக் காண்போம்.
1. செல்வமகள் சேமிப்புத் திட்டம்
(Sukanya Samriddhi Yojana – SSY)
பெண் குழந்தைகளின் எதிர்காலக் கல்வி மற்றும் திருமணச் செலவுகளுக்காக மத்திய அரசால் தொடங்கப்பட்ட மிகச் சிறந்த நீண்ட காலச் சேமிப்புத் திட்டம் இதுவாகும்.
- தகுதி:
10 வயதுக்குட்பட்ட பெண் குழந்தைகளின் பெயரில் அவர்களின் பெற்றோர்கள் அல்லது சட்டப்பூர்வ பாதுகாவலர்கள் இந்த கணக்கைத் தொடங்கலாம். ஒரு குடும்பத்தில் அதிகபட்சமாக இரண்டு பெண் குழந்தைகளுக்கு மட்டுமே இத்திட்டம் பொருந்தும். - முதலீடு மற்றும் வட்டி:
ஒரு நிதியாண்டில் குறைந்தபட்சம் ₹250 முதல் அதிகபட்சமாக ₹1.5 லட்சம் வரை இதில் சேமிக்கலாம். மற்ற சிறுசேமிப்புத் திட்டங்களை விட இதற்கு மிக அதிக வட்டி விகிதம் அரசாங்கத்தால் வழங்கப்படுகிறது. - முதிர்வுக் காலம்:
இக்கணக்கு தொடங்கி 21 ஆண்டுகள் நிறைவடைந்தவுடன் அல்லது பெண் குழந்தைக்கு 18 வயது நிறைவடைந்த பின் திருமணம் நடக்கும் போது கணக்கை முடித்து முழுத் தொகையையும் பெற்றுக் கொள்ளலாம். மேலும், 18 வயது பூர்த்தியானவுடன் உயர்கல்விச் செலவுக்காக 50% தொகையைப் பகுதியாக எடுத்துக்கொள்ளும் வசதியும் உள்ளது.
2. பாலிகா சம்ரித்தி யோஜனா (Balika Samriddhi Yojana – BBY)
வறுமைக் கோட்டிற்கு கீழ் உள்ள (BPL) குடும்பங்களில் பிறக்கும் பெண் குழந்தைகளின் கல்வி மற்றும் வாழ்வாதாரத்தை மேம்படுத்துவதற்காக இத்திட்டம் செயல்படுத்தப்பட்டு வருகிறது.
- நிதி உதவி:
இத்திட்டத்தின் கீழ் பெண் குழந்தை பிறந்தவுடன், அந்தப் பாப்பாவின் பெயரில் ஒருமுறை நிதி உதவியாக ₹500 நேரடியாக வங்கிக் கணக்கில் டெபாசிட் செய்யப்படும். - கல்வி ஊக்கத்தொகை (Scholarship):
இக்குழந்தை பள்ளிக்குச் செல்லத் தொடங்கும் போது, 1-ஆம் வகுப்பு முதல் 10-ஆம் வகுப்பு வரை ஒவ்வொரு ஆண்டும் குறிப்பிட்ட அளவு கல்வி உதவித்தொகை (ஆண்டுக்கு ₹300 முதல் ₹1,000 வரை) அரசாங்கத்தால் நேரடியாக வழங்கப்படும். - முதிர்வு:
இந்த சேமிப்புத் தொகை அனைத்தும் வட்டியுடன் சேர்ந்து, அந்தப் பெண் குழந்தைக்கு 18 வயது நிறைவடையும் போது முழுமையாகப் பெற்றுக்கொள்ளலாம்.
3. சிபிஎஸ்இ உதான் திட்டம் (CBSE UDAAN Scheme)
பெண் மாணவிகள் அறிவியல், தொழில்நுட்பம் மற்றும் கணிதம் (STEM) சார்ந்த உயர்கல்விப் படிப்புகளில் அதிகளவில் சேர வேண்டும் என்பதற்காக மத்திய கல்வி அமைச்சகம் மற்றும் சிபிஎஸ்இ இணைந்து நடத்தும் சிறப்புத் திட்டம் இதுவாகும்.
- நோக்கம்:
இந்தியாவின் மிக உயரிய கல்வி நிறுவனங்களான IIT, NIT மற்றும் முதன்மைப் பொறியியல் கல்லூரிகளில் பெண் மாணவிகளின் சேர்க்கை விகிதத்தை அதிகரிப்பது இதன் முக்கிய நோக்கமாகும். - பலன்கள்:
11 மற்றும் 12-ஆம் வகுப்பு படிக்கும் தகுதியான பெண் மாணவிகளுக்கு ஆன்லைன் மூலமாக ஐஐடி பேராசிரியர்களைக் கொண்டு இலவச நுழைவுத் தேர்வு (JEE Main/Advanced) பயிற்சிகள் மற்றும் பிரத்யேகப் பாடக் குறிப்புகள் (Study Materials) வழங்கப்படுகின்றன.
