இந்திய பயணிகள் விமானங்களுக்கு செப்.21 வரை தடை – கனடா அரசு அறிவிப்பு!
கனடாவில் கொரோனா வைரஸ் நோய்த்தொற்று பரவும் அச்சம் காரணமாக இந்திய விமானங்களுக்கான தடை வரும் செப்டம்பர் 21 ஆம் தேதி வரை நீட்டிக்கப்படுவதாக அந்நாட்டு போக்குவரத்து அமைச்சகம் அறிவித்துள்ளது.
விமானங்களுக்கு தடை:
உலகம் முழுவதும் கொரோனா இரண்டாம் அலை தீவிரமாக பரவி அதிக பாதிப்புகளை ஏற்படுத்தி வருகிறது. இதனால் அனைத்து நாடுகளும் நோய் தடுப்பு பணிகளை மேற்கொண்டு வருகிறது. முழு ஊரடங்கை விதித்து மக்கள் நடமாடுவதை முற்றிலும் அரசுகள் தடை செய்து வருகிறது. அதனை தொடர்ந்து வெளிநாட்டு பயணிகள் மூலம் தொற்று மேலும் அதிகரிக்கும் என்ற அச்சத்தால் சர்வதேச பயணிகள் விமானங்களுக்கு பல்வேறு நாட்டு அரசுகள் தடை விதித்து வருகிறது.
தமிழக அரசு பள்ளிகளில் 400 முதுகலை ஆசிரியர் பணியிடங்கள் – கல்வித்துறை அறிக்கை!
குறிப்பாக இந்தியாவில் கொரோனா இரண்டாம் அலை பெரும் தாக்கத்தை ஏற்படுத்துவதால் ஐக்கிய அரபு அமீரகம், பாகிஸ்தான், பிரான்ஸ், இங்கிலாந்து, நியூசிலாந்து, உள்ளிட்ட நாடுகளை தொடர்ந்து கனடா அரசும் இந்திய பயணிகள் விமானத்திற்கு தடை விதித்துள்ளது. இந்தியா முழுவதும் டெல்டா வகை வைரஸ் அதிகம் பரவுவதால் கனடா அரசு ஏற்கனவே கடந்த ஏப்ரல் மாதம் முதல் இந்திய விமானங்களுக்கு தடையை அறிவித்திருந்தது. இந்த நிலையில் விமான தடை முடிவடையவுள்ளதால் கனடா அரசு மேலும் தடையை நீட்டித்துள்ளது.
CBSE 10, 12ம் வகுப்பு மாணவர்கள் கவனத்திற்கு – தேர்வு அட்டவணை இன்று வெளியீடு!
அதன்படி வரும் செப்டம்பர் மாதம் 21 ஆம் தேதி வரை இந்திய பயணிகள் விமானத்திற்கான தடை நீடிக்கும் என அந்நாட்டு போக்குவரத்து அமைச்சகம் தெரிவித்துள்ளது. மேலும் சரக்கு விமானத்திற்கு எவ்வித தடையும் இல்லை, வழக்கம் போல் இயங்கலாம் என்றும் கனடா அரசு தெரிவித்துள்ளது. மேலும் கனடாவில் கொரோனா நோய் பரவல் அதிகரிப்பதால் அந்நாட்டு மக்களுக்கு அரசு கடும் கட்டுப்பாடுகளை விதித்துள்ளது. அதனை தொடர்ந்து தடுப்பூசிகள் மக்களுக்கு செலுத்தப்பட்டு வருகிறது.
