தமிழகத்திற்கு குறைந்த மத்திய தொகுப்பு மின்சாரம் – அதிகரிக்கும் தேவையால் நெருக்கடி!
தமிழகத்திற்கு மத்திய தொகுப்பு மின் நிலையங்களில் இருந்து வழக்கமாக தினமும் சராசரியாக 5,000 மெகாவாட் மின்சாரம் கிடைத்து வந்தது. தற்போது அது 3,400 முதல் 3,500 மெகாவாட்டாக குறைந்துள்ளது.
மின்சாரம் குறைந்ததற்கு காரணம் என்ன?
தெலுங்கானாவில் உள்ள ராமகுண்டம் மின் நிலையத்தில் பராமரிப்பு பணிகள் நடைபெற்று வருகின்றன. அதேபோல், நெய்வேலி மின் நிலையத்தின் 3 அலகுகளில் பழுது ஏற்பட்டுள்ளதாக தெரிவிக்கப்பட்டுள்ளது. இதனால் தமிழகத்திற்கு கிடைக்கும் மத்திய தொகுப்பு மின்சாரம் குறைந்துள்ளது.
தமிழகத்திற்கு நெருக்கடி
தமிழகத்தில் வெயில் அதிகரித்து வருவதால் மின் தேவையும் தொடர்ந்து உயர்ந்து வருகிறது. இந்த நிலையில் மத்திய தொகுப்பில் இருந்து மின்சார வரத்து குறைந்துள்ளதால், மின் தேவையை சமாளிப்பதில் தமிழக மின் வாரியத்திற்கு கூடுதல் சவால் ஏற்பட்டுள்ளது.
தமிழகத்திற்கு மத்திய மின் நிலையங்களில் இருந்து தினமும் 7,000 மெகாவாட் மின்சாரம் ஒதுக்கப்பட்டுள்ள நிலையில், தற்போது அதில் சுமார் பாதியளவு மட்டுமே கிடைத்து வருவது குறிப்பிடத்தக்கது.
