Dr. Rajendra Prasad Scholarship 2026–27 – 10ஆம் வகுப்பு முடித்த மாணவர்களுக்கு ₹30,000 உதவித்தொகை!
பள்ளிப் படிப்பை முடித்துவிட்டு மேல்நிலைக் கல்வி அல்லது தொழில்முறை குறுகிய காலப் படிப்புகளில் சேர விரும்பும் நலிவடைந்த பிரிவு மாணவர்களுக்கு உதவும் வகையில் புதிய கல்வி உதவித்தொகை அறிவிப்பு வெளியாகியுள்ளது. அதன்படி, நடப்பு கல்வி ஆண்டிற்கான (2026–27) டாக்டர் ராஜேந்திர பிரசாத் கல்வி உதவித்தொகை (Dr. Rajendra Prasad Scholarship) திட்டத்திற்குத் தகுதியான மாணவர்களிடமிருந்து விண்ணப்பங்கள் வரவேற்கப்படுகின்றன.பொருளாதாரப் பின்தங்கிய சூழலிலும் கல்வியில் சிறந்து விளங்கும் மாணவர்களின் பள்ளிப் படிப்பு எக்காரணம் கொண்டும் தடைபடக் கூடாது என்ற நோக்கில் இந்த நிதியுதவி வழங்கப்படுகிறது. இதற்கான முழு விவரங்களை இங்கே பார்ப்போம்.
திட்டத்தின் சுருக்கம்
- தகுதியான மாணவர்கள்:
10-ஆம் வகுப்பு முடித்துவிட்டு தற்போது 11, 12, ITI அல்லது Diploma முதலாமாண்டு பயில்பவர்கள். - உதவித்தொகைத் தொகை:
ஆண்டுக்கு ₹30,000/- வரை நேரடியாக வங்கிக் கணக்கில் செலுத்தப்படும். - கல்வித் தகுதி:
10-ஆம் வகுப்பு பொதுத்தேர்வில் குறைந்தபட்சம் 60% மதிப்பெண்கள். - வருமான வரம்பு:
குடும்ப ஆண்டு வருமானம் ₹2.5 லட்சத்திற்குள் இருக்க வேண்டும்.
தேவையான முக்கிய ஆவணங்கள்:
- 10-ஆம் வகுப்பு அசல் மதிப்பெண் சான்றிதழ் (Mark Sheet).
- நடப்பு கல்வி ஆண்டில் (11th/Diploma) சேர்ந்ததற்கான சேர்க்கை சான்றிதழ் அல்லது கட்டண ரசீது.
- வருவாய் துறையினரால் 2026 ஏப்ரலுக்குப் பின் வழங்கப்பட்ட வருமானச் சான்றிதழ் (Income Certificate).
- மாணவரின் ஆதார் அட்டை மற்றும் ஆதார் இணைக்கப்பட்ட வங்கிக் கணக்கு விபரங்கள் (Aadhaar Seeded Bank Account).
விண்ணப்பிக்கும் முறை:
தகுதியுள்ள மாணவர்கள் தேசிய உதவித்தொகை இணையதளம் (NSP Portal) அல்லது சம்பந்தப்பட்ட அதிகாரப்பூர்வ அறக்கட்டளை போர்ட்டல் மூலமாக ஆன்லைனில் மட்டுமே விண்ணப்பிக்க முடியும். ஆவணங்களைச் சரிபார்த்து தகுதியின் (Merit-cum-Means) அடிப்படையில் மாணவர்கள் தேர்வு செய்யப்படுவார்கள்.
