Petrol Price Today Tamil Nadu: இன்றைய பெட்ரோல், டீசல் விலை நிலவரம்! (ஜூலை 03, 2026)

இந்தியாவில் பொதுத்துறை எண்ணெய் நிறுவனங்கள் தினசரி காலை 6 மணிக்கு எரிபொருள் விலையை மாற்றி அமைத்து வருகின்றன. அந்த வகையில், இன்று (ஜூலை 03, 2026) தமிழ்நாட்டின் முக்கிய நகரங்களில் பெட்ரோல் மற்றும் டீசல் விலையில் எந்தவொரு மாற்றமும் இன்றி நேற்றைய விலையிலேயே நீடிக்கிறது.

கடந்த மே 25 ஆம் தேதிக்கு பிறகு எரிபொருள் விலையில் பெரிய அதிரடி மாற்றங்கள் எதுவும் இல்லாததால், வாகன ஓட்டிகள் ஓரளவிற்கு நிம்மதி அடைந்துள்ளனர். தமிழ்நாட்டின் முக்கிய மாவட்டங்களின் இன்றைய துல்லியமான விலை பட்டியலை கீழே உள்ள அட்டவணையில் பார்க்கலாம்.

கடந்த சில தினங்களாக உலகளாவிய கச்சா எண்ணெய் சந்தையில் சில சாதகமான மாற்றங்கள் ஏற்பட்டுள்ளன. சர்வதேச சந்தையில் பிரெண்ட் கச்சா எண்ணெய் (Brent Crude) பேரலுக்கு 72.2 டாலராகவும், அமெரிக்க டபிள்யூ.டி.ஐ (WTI Crude) 69 டாலராகவும் வர்த்தகமாகி வருகிறது.மத்திய கிழக்கு நாடுகளில் நிலவி வந்த பதற்றங்கள் தணிந்து வருவதால் உலகளவில் கச்சா எண்ணெய் விலை சற்று குறைந்துள்ளதாக குறிப்பிட்டுள்ளது. இதன் தொடக்கமாக, கடந்த ஜூலை 1 முதல் வணிக ரீதியான எல்பிஜி (Commercial LPG) சிலிண்டர்களின் விலை ₹183.50 வரை குறைக்கப்பட்டுள்ளது. இருப்பினும், இந்திய பொதுத்துறை எண்ணெய் நிறுவனங்கள் பெட்ரோல், டீசல் சில்லறை விற்பனை விலையை இன்னும் குறைக்காமல் பழைய விலையிலேயே தக்க வைத்துள்ளன.

கடந்த சில வருடங்களாகவே இந்திய சந்தையில் எரிபொருள் விலை பெரிய மாற்றங்கள் இன்றி நிலையாகவே இருந்து வந்தது. ஆனால், கடந்த மே மாத இறுதியில் நுகர்வோருக்கு சற்று அதிர்ச்சியளிக்கும் வகையில் பெட்ரோல் மற்றும் டீசல் விலையில் முறையே ₹2.61 மற்றும் ₹2.71 வரை உயர்த்தப்பட்டது.அதற்குப் பிறகு, கடந்த ஒரு மாதத்திற்கும் மேலாக விலையில் பெரிய சரிவோ அல்லது ஏற்றமோ இல்லாமல் ஒரே சீரான நிலையில்  நகர்ந்து கொண்டிருக்கிறது. சர்வதேச எண்ணெய் விலை தொடர்ந்து வீழ்ச்சியடைந்தால், வரும் நாட்களில் பெட்ரோல் விலையும் குறைய வாய்ப்புள்ளதாக பொருளாதார நிபுணர்கள் கருதுகின்றனர்.