இஷான் உதய் ஸ்காலர்ஷிப் 2026: வடகிழக்கு மாநில மாணவர்களுக்கான UGC-ன் சிறப்பு நிதியுதவித் திட்டம்!
மத்திய பல்கலைக்கழக மானியக் குழு (UGC) மூலம் வழங்கப்படும் இஷான் உதய் ஸ்காலர்ஷிப் (Ishan Uday Special Scholarship Scheme) என்பது இந்தியாவின் ஒரு மிக முக்கிய கல்வித் திட்டமாகும்.
திட்டத்தின் நோக்கம்
இந்தியாவின் வடகிழக்கு மாநிலங்களைச் (North Eastern Region – NER) சேர்ந்த பொருளாதாரத்தில் பின்தங்கிய மாணவர்களின் உயர்கல்வி விகிதத்தை அதிகரிக்கவும், அவர்களை நாட்டின் பிற பகுதிகளுக்கு இணையாக உயர்த்தவும் இத்திட்டம் உருவாக்கப்பட்டுள்ளது. ஆண்டுதோறும் புதியதாக 10,000 மாணவர்கள் இத்திட்டத்தின் கீழ் தேர்வு செய்யப்படுகின்றனர்.
தகுதி வரம்புகள் (Eligibility Criteria)
- விண்ணப்பதாரர் அசாம், அருணாச்சல பிரதேசம், மணிப்பூர், மேகாலயா, மிசோரம், நாகாலாந்து, சிக்கிம் மற்றும் திரிபுரா ஆகிய வடகிழக்கு மாநிலங்களில் ஏதேனும் ஒன்றின் நிரந்தர குடியிருப்பாளராக (Domicile) இருக்க வேண்டும்.
- மாணவர்கள் தங்கள் 12-ஆம் வகுப்பை வடகிழக்கு மாநிலங்களில் உள்ள ஏதேனும் ஒரு அங்கீகரிக்கப்பட்ட பள்ளியில் படித்து முடித்திருக்க வேண்டும்.
- இந்தியாவின் ஏதேனும் ஒரு அங்கீகரிக்கப்பட்ட பல்கலைக்கழகம் அல்லது கல்லூரியில் பொதுப் பட்டப்படிப்பு (General Degree) அல்லது தொழில்நுட்ப/தொழில்முறை படிப்புகளில் (Technical/Professional/Medical) முதலாம் ஆண்டு சேர்ந்திருக்க வேண்டும்.
- பெற்றோரின் மொத்த ஆண்டு வருமானம் அனைத்து வழிகளிலும் சேர்த்து ₹4.5 லட்சத்திற்கு மிகாமல் இருக்க வேண்டும்.
யாரெல்லாம் விண்ணப்பிக்க முடியாது?
திறந்தநிலை பல்கலைக்கழகங்கள் (Open University / Distance Education) மூலம் படிப்பவர்கள் மற்றும் ஏற்கனவே ஏதேனும் ஒரு அரசு உதவித்தொகை பெறுபவர்கள் இதற்கு விண்ணப்பிக்க தகுதியற்றவர்கள்.
உதவித்தொகை தொகை எவ்வளவு? (Scholarship Amount)
தேர்வு செய்யப்படும் மாணவர்களுக்கு அவர்களின் படிப்பு காலத்திற்கு ஏற்ப (3 முதல் 5 ஆண்டுகள் வரை) மாதந்தோறும் உதவித்தொகை வழங்கப்படும்:
- பொதுவான பட்டப்படிப்பு (General Degree Courses):
மாதம் ₹5,400 (ஆண்டுக்கு ₹64,800) வழங்கப்படும். - தொழில்நுட்ப மற்றும் தொழில்முறை படிப்புகள் (Technical/Medical/Professional Courses): மாதம் ₹7,800 (ஆண்டுக்கு ₹93,600) வழங்கப்படும்.
தேவையான ஆவணங்கள் (Documents List)
- அங்கீகரிக்கப்பட்ட அதிகாரி வழங்கிய இருப்பிடச் சான்றிதழ் (PRC / Domicile Certificate).
- தகுதியான வருமானச் சான்றிதழ் (Income Certificate).
- கல்லூரி சேர்க்கை சான்று மற்றும் போனஃபைட் சான்றிதழ் (Admission Proof).
- 12-ஆம் வகுப்பு மதிப்பெண் பட்டியல் (12th Marksheet).
விண்ணப்பிப்பது எப்படி? (How to Apply)
- இந்த ஸ்காலர்ஷிப்பிற்கு National Scholarship Portal (NSP) வழியாக மட்டுமே ஆன்லைனில் விண்ணப்பிக்க முடியும்.
- புதிய மாணவர்கள் முதலில் OTR பதிவு செய்து, அதன் பின் லாகின் செய்து ‘UGC Schemes’ பிரிவின் கீழ் உள்ள ‘Ishan Uday Scholarship’-ஐ தேர்வு செய்து தங்கள் விண்ணப்பத்தை சமர்ப்பிக்கலாம்
