நீலகிரி புத்தகத் திருவிழாவில் கோளரங்கம் நிகழ்ச்சி மாணவர்களும் பொதுமக்களும் ஆர்வமுடன் கலந்துகொண்டனர்!
நீலகிரி மாவட்டத்தில் நடைபெற்று வரும் புத்தகத் திருவிழாவில் கோளரங்கம் (Planetarium) நிகழ்ச்சி பெரும் வரவேற்பைப் பெற்றுள்ளது. அறிவியல் மற்றும் விண்வெளி ஆர்வலர்களுக்காக நடத்தப்பட்ட இந்த நிகழ்ச்சி, குழந்தைகள் மற்றும் மாணவர்களிடையே பெரும் ஆர்வத்தை ஏற்படுத்தியுள்ளது. கோள்களின் இயக்கம், சூரிய குடும்பம், விண்வெளி ரகசியங்கள் குறித்து நிகழ்த்தப்பட்ட சிறப்பு காட்சிகள் அனைவரையும் கவர்ந்தன.
மாவட்ட நிர்வாகம், பள்ளி கல்வித்துறை இணைந்து ஏற்பாடு செய்திருந்த இந்த நிகழ்ச்சியில், மாணவர்கள் நேரடியாக கேள்விகள் எழுப்பி விஞ்ஞானிகளிடமிருந்து பதில்கள் பெற்றனர். புத்தக வாசிப்பு ஆர்வத்தை ஊக்குவிப்பதோடு, விண்வெளி அறிவியலின் முக்கியத்துவத்தையும் புரியவைக்கும் வகையில் கோளரங்கம் சிறப்பாக அமைந்தது.
