மாநகராட்சி பள்ளி மாணவர்களுக்கு அடையாள அட்டை வழங்கும் பணிகள் விரைவில் தொடக்கம்!
சென்னை மாநகராட்சிக்குட்பட்ட அனைத்து அரசு மற்றும் மாநகராட்சி பள்ளி மாணவர்களுக்கும் புதிய அடையாள அட்டைகள் வழங்கும் பணிகள் விரைவில் தொடங்கவுள்ளதாக கல்வித்துறை அதிகாரிகள் தெரிவித்துள்ளனர். மாணவர்களின் பெயர், வகுப்பு, பள்ளி குறியீடு, பெற்றோர் விவரம், ரத்த வகை, அவசர தொலைபேசி எண் போன்ற முக்கிய தகவல்களுடன் அடையாள அட்டை தயாரிக்கப்படும் எனவும் கூறப்பட்டுள்ளது. இந்த அடையாள அட்டை மூலம் மாணவர்களின் தகவல் மையப்படுத்தப்பட்ட தரவுத்தளத்தில் பதிவாகி, எதிர்கால கல்வி மற்றும் நலத்திட்டங்களில் சுலபமாக பயன்படும்.
ஆர்.டி.இ. திட்டத்தில் மாணவர்கள் சேர்க்கை தனியார் பள்ளிகளுக்கு சுற்றறிக்கை
மேலும், இவ்வாண்டுக்குள் அனைத்து மாணவர்களுக்கும் அடையாள அட்டைகள் வழங்கும் பணியை நிறைவு செய்யும் இலக்கு நிர்ணயிக்கப்பட்டுள்ளது. பள்ளி தலைமையாசிரியர்கள் மூலமாக மாணவர்களின் புகைப்படம் மற்றும் தேவையான ஆவணங்கள் சேகரிக்கும் பணி தொடங்கியுள்ளது. இதன் மூலம் மாணவர்களின் பாதுகாப்பு, கல்வித் தரவுத்துறை இணைப்பு ஆகியவை வலுவடையும் என எதிர்பார்க்கப்படுகிறது.
