அரசு ஊழியர்களுக்கு 20% வரை சம்பள உயர்வு – மாநில அரசு முடிவு!
இமாச்சலப் பிரதேச அரசு தனது ஊழியர்களுக்கு 15 முதல் 20 சதவிகிதம் வரையிலான புதிய ஊதிய விகிதங்களை சமீபத்தில் அறிவித்துள்ளது. மேலும், புதிய ஊதிய விகிதங்கள் ஜனவரி 1, 2016 முதல் நடைமுறைக்கு வரும் ஜனவரி 2022-க்கான ஊதியம் திருத்தப்பட்ட ஊதிய விகிதங்களின்படி பிப்ரவரியில் வழங்கப்படும் அறிவிக்கப்பட்டுள்ளது.
புதிய ஊதிய விகிதம்:
மத்திய அரசு தனது ஊழியர்களுக்கு சமீபத்தில் ஊதிய உயர்வினை அமல்படுத்தியது. மத்திய அரசின் முடிவை தொடர்ந்து மாநில அரசுகளும் படிப்படியாக தனது ஊழியர்களுக்கான ஊதிய உயர்வினை அறிவித்து வருகிறது. இந்நிலையில், ஹிமாச்சலப் பிரதேச அரசு தனது ஊழியர்களுக்கு ஊதிய உயர்வினை வழங்குவது குறித்து ஆலோசித்து வந்தது. இதனால் ஹிமாச்சலப் பிரதேச அரசிதழ் அல்லாத ஊழியர் சம்மேளனத்தின் பிரதிநிதிகளிடம் தாக்கூர் ஆலோசனை நடத்தினார். அப்போது, புதிய ஊதிய விகிதங்கள் ஜனவரி 1, 2016 முதல் நடைமுறைக்கு வரும். ஜனவரி 2022-க்கான ஊதியம் திருத்தப்பட்ட ஊதிய விகிதங்களின்படி பிப்ரவரியில் வழங்கப்படும் என்று அறிவித்துள்ளார்.
மீண்டும் கர்ப்பமாகும் கண்ணம்மா? ‘பாரதி கண்ணம்மா’ சீரியலின் அடுத்தகட்ட கதைக்களம்!
மாநில அரசின் இந்த திருத்தப்பட்ட சம்பளம் மற்றும் ஓய்வூதிய அறிவிப்பு மூலம் அரசிற்கு ஆண்டுக்கு ரூ.6,000 கோடி கூடுதல் சுமை ஏற்படும். மாநில முதல்வர் அவர்கள் மாநிலம் தனது மொத்த பட்ஜெட்டில் சுமார் 43 சதவீதத்தை ஊழியர்கள் மற்றும் ஓய்வூதியதாரர்களுக்காக செலவழித்து வருகிறது, இது ஆறாவது ஊதியக் குழுவை அமல்படுத்திய பிறகு 50 சதவீதமாக உயரும் என்று கூறியுள்ளார். அரசு தனது ஊழியர்களுக்கு 15 முதல் 20 சதவிகிதம் வரையிலான புதிய ஊதிய விகிதங்களை சமீபத்தில் அறிவித்துள்ளது. அரசு முறைப்படுத்துவதற்கான ஒப்பந்தப் பணியின் காலத்தை மூன்றிலிருந்து இரண்டாகக் குறைத்துள்ளது.
அனைத்து ஓய்வூதியதாரர்களுக்கும் ஜனவரி 1, 2016 முதல் திருத்தப்பட்ட ஓய்வூதியம் மற்றும் பிற சலுகைகள் வழங்கப்படும். திருத்தப்பட்ட ஊதிய விகிதங்கள் மற்றும் திருத்தப்பட்ட ஓய்வூதியத்தில் அகவிலைப்படி மற்றும் அகவிலை நிவாரணம் வழங்கப்படும் என்று அறிவிக்கப்பட்டுள்ளது. தாகூர் மே 15, 2003 முதல் புதிய ஓய்வூதிய முறையை அமல்படுத்துவதாக அறிவித்துள்ளார். இதனால் அரசுக்கு கூடுதலாக ரூ.250 கோடி நிதி சுமை ஏற்படும். தினக்கூலி பணியாளர்கள், பகுதி நேர பணியாளர்கள், நீர் காவலர்கள் மற்றும் தண்ணீர் கேரியர்கள் ஆகியோருக்கும் ஒப்பந்த சேவையில் அவர்களின் பணிக்காலம் ஒரு ஆண்டு குறைக்கப்படும். மேலும், நிலுவையில் உள்ள மருத்துவக் கட்டணத்தை வசூலிக்க கூடுதலாக ரூ.10 கோடி வழங்குவதாக அறிவித்துள்ளார்.
தமிழகத்தின் 14 மாவட்டங்களில் பள்ளிகளுக்கு விடுமுறை அறிவிப்பு – அரசு உத்தரவு!
மேலும், கருணை அடிப்படையில் பணி நியமனம் செய்வதற்கான குழுவை அமைக்க முதல்வர் முடிவு செய்துள்ளார். இந்த குழுவினர் அடுத்த அமைச்சரவைக் கூட்டத்தில் தனது விளக்கத்தை அளிக்கும். பழங்குடியினர் பகுதிகளில் பணியாற்றும் தினக்கூலி மற்றும் ஒப்பந்த ஊழியர்களுக்கு பழங்குடியின உதவித்தொகை வழங்குவது குறித்தும் அரசு பரிசீலிக்கும். நான்காண்டுகளில், அரசு ஊழியர்கள் மற்றும் ஓய்வூதியதாரர்களின் அகவிலைப்படியை 22 சதவீதம் உயர்த்தி, அவர்களுக்கு ரூ.1,320 கோடி பலன்கள் வழங்கப்பட்டதாக முதல்வர் அறிவித்துள்ளார்.