SBI வங்கி வாடிக்கையாளர்கள் தொலைபேசியில் சேவைகளை பெறுவது எப்படி? முழு விபரம் இதோ!
SBI வங்கியின் வாடிக்கையாளர்கள் வங்கி தொடர்பான சேவைகளை பெற்றுக்கொள்வதற்கு கிளைகளுக்கு செல்ல வேண்டிய அவசியமில்லை என்றும் இனி தொலைபேசி மூலமாகவே சேவைகளை பெற்றுக்கொள்ளலாம் என்று அறிவிக்கப்பட்டுள்ளது.
வங்கி சேவைகள்
இந்தியாவின் மிகப்பெரிய பொதுத்துறை வங்கியான ஸ்டேட் பேங்க் ஆஃப் இந்தியா (SBI) நிறுவனம் வாடிக்கையாளர்கள் எளிய முறையில் வங்கி சேவையை பெறுவதற்காக இரண்டு புதிய இலவச இலவச எண்களை சமீபத்தில் அறிமுகப்படுத்தியுள்ளது. அந்த வகையில், எஸ்பிஐ அறிமுகம் செய்துள்ள புதிய கட்டணமில்லா எண்கள் வாடிக்கையாளர்களின் வங்கி சேவைகளை எளிதாக்கவும், தடையற்ற அனுபவத்தை வழங்கவும் உதவும் என்று தெரிவிக்கப்பட்டுள்ளது. இதன் மூலம் இனி பயனர்கள் வங்கி தொடர்பான வேலைகளுக்கு கிளைக்கு செல்ல வேண்டிய அவசியமில்லை.
Exams Daily Mobile App Download
தவிர, SBI வாடிக்கையாளர்கள் ஞாயிறு மற்றும் விடுமுறை நாட்களிலும் இந்த சேவைகளைப் பெற முடியும் என்று அறிவிக்கப்பட்டுள்ளது. அந்த வகையில் பாரத ஸ்டேட் வங்கியின் வாடிக்கையாளர்கள் 1800 1234 அல்லது 1800 2100 என்ற இரண்டு புதிய இலவச இலவச எண்களை டயல் செய்வதன் மூலம், தங்கள் வங்கி தொடர்பான தேவைகளைப் பூர்த்தி செய்து கொள்ளலாம். இது குறித்து வெளியிடப்பட்ட ஒரு ட்வீட்டில், ‘உங்கள் வங்கித் தேவைகளைப் பூர்த்தி செய்ய SBI தொடர்பு மையத்தை 1800 1234 அல்லது 1800 2100 என்ற எண்ணில் இலவசமாக அழைக்கவும்’ என்று குறிப்பிடப்பட்டுள்ளது.
இது தவிர எஸ்பிஐ வங்கியின் இந்த கட்டணமில்லா சேவை எண்கள், கார்டுகளை செயலிழக்க வைப்பது மற்றும் கார்டுகளை கோருவது உள்ளிட்ட பல வங்கிச் சேவைகளை வழங்குகிறது. இந்த சேவைகள் 24×7 நேரமும் கிடைக்கும். அதாவது வாடிக்கையாளர்கள் ஞாயிற்றுக்கிழமை மற்றும் விடுமுறை நாட்களில் கூட கிளைக்கு செல்லாமல் SBI வங்கி சேவைகளைப் பெறலாம். அந்த வகையில் SBI இலவச எண்கள் மூலம் பெறக்கூடிய சேவைகள் கீழே பட்டியலிடப்பட்டுள்ளது.
Post Office ல் மாதம் ரூ.2500 வரை வட்டி கிடைக்கும் சூப்பரான திட்டம் – முழு விவரம் இதோ!
- SBI கட்டணமில்லா எண்களான 1800 1234 மற்றும் 1800 2100ஐ டயல் செய்வதன் மூலம் வாடிக்கையாளர்கள் தங்கள் கணக்கு இருப்பை சரிபார்த்து, அவர்களின் கடைசி ஐந்து பரிவர்த்தனைகளை தெரிந்து கொள்ளலாம்.
- ஏடிஎம் கார்டு பிளாக் செய்வது மற்றும் கார்டு அனுப்பும் நிலை ஆகியவற்றையும் அறிந்து கொள்ளலாம்.
- எஸ்பிஐ கட்டணமில்லா எண்ணை டயல் செய்வதன் மூலம், வாடிக்கையாளர்கள் தங்கள் காசோலை புத்தகங்களின் நிலையை சரிபார்த்து, முந்தைய ஏடிஎம் கார்டை சில காரணங்களால் தடுத்திருந்தால் புதிய ஏடிஎம் கார்டையும் கோரலாம்.
- வாடிக்கையாளர்கள் தங்கள் டிடிஎஸ் விவரங்கள் மற்றும் டெபாசிட் வட்டி சான்றிதழை எஸ்பிஐ இலவச எண்ணைப் பயன்படுத்தி மின்னஞ்சல் மூலம் பெறலாம்.
இப்போது பாரத ஸ்டேட் வங்கி அளித்துள்ள தகவலின்படி, நாடு முழுவதும் உள்ள லேண்ட்லைன்கள் மற்றும் மொபைல் போன்களில் இருந்து இந்த இலவச எண்களை அழைக்கலாம் என்று அறிவிக்கப்பட்டுள்ளது. இது குறித்து வெளியிடப்பட்ட ட்வீட்டில் ‘SBI வங்கியின் 24X7 ஹெல்ப்லைன் எண்ணை அழைக்கவும். அதாவது 1800 1234 (டோல்-ஃப்ரீ), 1800 11 2211 (டோல்-ஃப்ரீ), 1800 425 3800 (டோல்-ஃப்ரீ), 1800 2100 (டோல்-ஃப்ரீ- 25089090) ஆகிய எண்களுக்கு நாட்டில் உள்ள அனைத்து லேண்ட்லைன்கள் மற்றும் மொபைல் போன்களில் இருந்து இலவச அழைப்பை பெறலாம்’ என்று குறிப்பிடப்பட்டுள்ளது.
