IPL T20 லீக்: சென்னை சூப்பர் கிங்ஸ் ரசிகர்கள் கவனத்திற்கு – அணியின் பலம் & பலவீனம் ஒரு பார்வை!
கிரிக்கெட் ரசிகர்கள் பலரும் ஆவலுடன் எதிர்பார்த்து வரும் IPL போட்டிகள் இன்னும் 4 நாட்களில் துவங்க இருக்கும் நிலையில் சென்னை சூப்பர் கிங்ஸ் அணியின் பலம் மற்றும் பலவீனம் குறித்த ஒரு சில தகவல்களை இப்பதிவில் காணலாம்.
CSK அணி
இந்த சீசனுக்கான இந்தியன் பிரீமியர் லீக் (ஐபிஎல்) போட்டியில் சென்னை சூப்பர் கிங்ஸ் (CSK) அணியை மகேந்திர சிங் தோனி வழிநடத்த இருக்கிறார். கடந்த ஆண்டு நடைபெற்ற ஐபிஎல் 2021 போட்டியில் வெற்றி பெற்ற நடப்பு சாம்பியனான CSK அணி இந்த ஆண்டுக்கான முதல் போட்டியை துவங்கி வைக்க இருக்கிறது. அந்த வகையில் கடந்த சீஸனின் இறுதிப் போட்டியில் மோதிய கொல்கத்தா நைட் ரைடர்ஸ் மற்றும் CSK அணிகள் வரும் மார்ச் 26ம் தேதியன்று மீண்டும் நேருக்கு நேர் மோதுகிறது. இதற்கு முன்னதாக நான்கு முறை சாம்பியனான CSK அணி ஐபிஎல் 2022 மெகா ஏலத்தில் சில முக்கிய வீரர்களை மீண்டும் தங்களது அணியில் தக்கவைத்துக் கொண்டது.
IPL 2022 லீக்: சென்னை சூப்பர் கிங்ஸ் ரசிகர்கள் கவனத்திற்கு – அணி விவரம் & போட்டி அட்டவணை வெளியீடு!
சில வீரர்களை திரும்ப பெற்றது. இப்போது IPL டி20 லீக்கின் பதினைந்தாவது பதிப்பில் விளையாட இருக்கும் சென்னை சூப்பர் கிங்ஸ் அணியின் பலம், பலவீனங்கள் உள்ளிட்ட விஷயங்களை இப்போது விரிவாக காண்போம். இதில் முதலாவதாக CSK அணியின் கேப்டன் எம்.எஸ். தோனி இந்த அணிக்கு ஒரு மிகப்பெரிய பலம் என்று சொன்னால் அது மிகையாகாது. இந்த முறையும் CSK நிர்வாகத்தால் தக்கவைக்கப்பட்ட மூத்த விக்கெட் கீப்பர்-பேட்ஸ்மேன் தோனி அணியின் பலத்தின் தூணாகவும், மாஸ்டர் வியூகவாதியாகவும் இருந்து வருகிறார்.
ஒரு சில ஏமாற்றங்களுக்கு பிறகு 2020ம் லீக்கில் CSK அணி சாம்பியன் பட்டத்தை வென்றதன் மூலம், தோனி சிறந்த கேப்டன்களில் ஒருவர் என்பதை மீண்டும் நிரூபித்திருக்கிறார். அதன் படி தோனியின் இருப்பு, அணி வீரர்களுக்கு மீண்டும் ஒரு அமைதியான விளைவை ஏற்படுத்தும் என்று தெரிகிறது. இப்போது சூரத்தில் வலைப் பயிற்சி ஆட்டத்தில் ஈடுபட்டு வரும் தோனி, IPL லீக்கின் முதல் நான்கு ஆட்டங்களில் வெற்றி பெறுவதை இலக்காக கொண்டு செயல்பட்டு வருகிறார். அடுத்தப்படியாக CSK அணிக்கு பலமாக இருப்பது வலுவான பேட்டிங் வரிசை தான்.
அதாவது சென்னை சூப்பர் கிங்ஸின் பேட்டிங் பிரிவில் சில நிரூபிக்கப்பட்ட மேட்ச்-வின்னர்கள் உள்ளனர். அந்த வகையில் பேட்டிங் வரிசையில் ருதுராஜ் கெய்க்வாட், டெவான் கான்வே, அம்பதி ராயுடு, ராபின் உத்தப்பா, மொயின் அலி, ரவீந்திர ஜடேஜா, டுவைன் பிராவோ மற்றும் தோனி போன்ற சில மேட்ச் வின்னர்கள் உள்ளனர். இந்த அனைத்து வீரர்களும் பல ஆண்டுகளாக T20 வடிவத்தில் தங்கள் திறனை நிரூபித்துள்ளனர். இப்போது ராயல் சேலஞ்சர்ஸ் பெங்களூர் அணியை வழிநடத்தும் ஃபாஃப் டு பிளெசிஸுக்குப் பதிலாக மூத்த நியூசிலாந்தின் வீரர் CSK அணிக்கு வருகை தர இருக்கிறார்.
IPL 2022 திருவிழா: MS தோனி ஒரு சிறந்த ஃபினிஷர்? இந்திய அணியின் முன்னாள் வீரர் கருத்து!
தவிர ஷிவம் துபே, கிறிஸ் ஜோர்டான், மிட்செல் சான்ட்னர் மற்றும் தீபக் சாஹர் ஆகிய சில தரமான ஆல்-ரவுண்டர்களை CSK அணி கொண்டுள்ளது. அவர்கள் சில நேரங்களில் மாற்று வீரர்களாகப் பயன்படுத்தப்படலாம். பந்து வீச்சை பொருத்தளவு ரவீந்திர ஜடேஜா, மொயீன் அலி, மிட்செல் சான்ட்னர் மற்றும் இலங்கையின் ஆஃப் ஸ்பின்னர் மகேஷ் தீக்ஷனா ஆகியோர் தரமான சுழற்பந்து வீச்சாளர்களாக உள்ளனர். தவிர விளையாடும் XI அணியில் ஜடேஜாவும், மொயீன் அலியும் ஒரு வழக்கமான அம்சமாக இருப்பார்கள்.
மேலும், CSK அணியின் பலவீனம் குறித்து பார்க்கும் போது தீபக் சாஹர் இல்லாதது இதில் ஒரு முக்கிய பங்கு வகிக்கிறது. வலது கை வேகப்பந்து வீச்சாளரான தீபக் சாஹர் தனது உடற்தகுதியை மீட்டெடுப்பதற்கு முன்பு போட்டியின் முதல் கட்டத்தை இழக்க வாய்ப்புள்ளது. சாஹர் இல்லாத நிலையில், கேப்டன் தோனி கேஎம் ஆசிப் அல்லது துஷார் தேஷ்பாண்டேவிடம் செல்ல வேண்டிய கட்டாயம் ஏற்படும். நியூசிலாந்தின் வேகப்பந்து வீச்சாளர் ஆடம் மில்னே, பிராவோ, ஷிவம் துபே மற்றும் இளம் இந்திய U19 வேகப்பந்து வீச்சாளர் ராஜ்வர்தன் ஹங்கர்கேகர் ஆகியோருடன் இணைந்து CSK அணி தனது வேகத்தை செயல்படுத்த வேண்டும்.
கடந்த மாதம் நடந்த ஐபிஎல் ஏலத்தில் அதிக விலைக்கு வாங்கப்பட்ட சாஹர் இல்லாததை ஈடுசெய்வது தோனிக்கு மிகப்பெரிய சவாலாக இருக்கும். மற்றொரு பலவீனம் என்று பார்த்தால் எம்.எஸ். தோனியின் ஃபார்ம் தான். இப்போது கேப்டன் தோனியின் அணுகுமுறைகள் நன்றாக இருந்தாலும், பேட்டர் தோனியின் ஃபார்ம் குறித்து கவலை எழுந்துள்ளது. தோனி தற்போது ஐபிஎல் போட்டிகளில் மட்டுமே விளையாடுவதால் அவர் முன்பு போல் பேட் செய்வது எளிதாக இருக்காது. ஆனால், தோனி தனது பேட்டிங்கிலும் சில ஆட்டங்களில் வெற்றி பெறுவார் என்று அணி நம்புகிறது. இல்லையெனில் அவர் ஒரு பெரிய பொறுப்பாக மாறுவார்.
உத்தேச XI அணி:
- ருதுராஜ் கெய்க்வாட்
- டெவோன் கான்வே
- அம்பதி ராயுடு
- மொயின் அலி
- ரவீந்திர ஜடேஜா
- எம்எஸ் தோனி
- சிவம் துபே
- டுவைன் பிராவோ
- ஆடம் மில்னே
- தீபக் சாஹர் /கேஎம் ஆசிப்
- ராஜ்வர்தன் ஹங்கர்கேகர்/துஷார் தேஷ்பாண்