நடப்பு நிகழ்வுகள் – 25 மார்ச் 2023
தேசிய செய்திகள்
ரேபிஸ் நோயைத் தடுப்பதற்கும் கட்டுப்படுத்துவதற்கும் இந்திய அரசு NRCP ஐ அறிமுகப்படுத்துகிறது
- ரேபிஸ் நோயைத் தடுப்பதற்கும் கட்டுப்படுத்துவதற்கும் மத்திய அரசு தேசிய ரேபிஸ் கட்டுப்பாட்டுத் திட்டத்தை (NRCP) தொடங்கியுள்ளது.
- தேசிய ரேபிஸ் கட்டுப்பாட்டுத் திட்டத்தின் நோக்கம் :
- ரேபிஸ் தடுப்பூசி மற்றும் ரேபிஸ் இம்யூனோகுளோபுலினை தேசிய இலவச மருந்து முயற்சிகள் மூலம் வழங்குதல்
- ரேபிஸ் தடுப்பு மற்றும் கட்டுப்பாடு, கண்காணிப்பு மற்றும் இடைநிலை ஒருங்கிணைப்பு பற்றிய பயிற்சி வழங்குதல்
- விலங்குகள் கடித்தல் மற்றும் ரேபிஸ் இறப்புகள் பற்றிய கண்காணிப்பை வலுப்படுத்துதல்
- நாய்களின் எண்ணிக்கையைக் கட்டுப்படுத்த விலங்கு பிறப்பு கட்டுப்பாடு (நாய்கள்) விதிகள், 2023ஐ திறம்பட செயல்படுத்துமாறும் சம்பந்தப்பட்ட அதிகாரிகளிடம் கோரிக்கை விடுத்தல் .
சர்வதேச செய்திகள்
உலகின் தலைசிறந்த நிதி மையங்களின் பட்டியல் வெளியிடப்பட்டுள்ளது
- திங்க்-டேங்க் Z/Yen வெளியிட்ட பட்டியலின்படி, நியூயார்க் உலகின் சிறந்த நிதி மையமாக முதலிடத்தில் உள்ளது.முதல் 10 நிதி மையங்களின் பட்டியலில் லண்டன், சிங்கப்பூர், ஹாங்காங், சான் பிரான்சிஸ்கோ, லாஸ் ஏஞ்சல்ஸ், ஷாங்காய், சிகாகோ, பாஸ்டன் மற்றும் சியோல் ஆகியவை உள்ளது.
- இந்த பட்டியலில் மும்பை 61வது இடத்தையும், புது டெல்லி 65வது இடத்தையும், குஜராத்தின் GIFT City 67வது இடத்தையும் பிடித்துள்ளது.
மாநில செய்திகள்
தமிழ்நாட்டின் முதல் மிதவை உணவகம்
- தமிழகத்தில் முதன்முறையாக சென்னையை அடுத்த செங்கல்பட்டு மாவட்டம் முட்டுக்காடு பகுதியிலுள்ள ஏரியில் மிதக்கும் உணவகத்தினை தமிழக சுற்றுலாத்துறை அமைக்கவுள்ளதாக சுற்றுலாத்துறை செயலாளர் சந்திரமோகன் தெரிவித்துள்ளார்.
- ரூ.5கோடி மதிப்பீட்டில் அமைய உள்ள இந்த உணவகம் தனியார் நிறுவன பங்களிப்புடன் செயல்பட உள்ளது. இரண்டடுக்கு கொண்டு உருவாக்கப்படவுள்ள இந்த படகு உணவகம் முழுவதும் ஏசிவசதி செய்யப்படவுள்ளது. ஏரியில் நீரின் ஆழம் குறைந்தாலும் மிதக்கும் படி இப்படகு கட்டமைக்கப்பட உள்ளது.
கதகளிக்கு பெயர் பெற்ற கேரள கிராமம் நடன வடிவத்தின் பெயர்
- கேரளாவின் அய்ரூர் கிராமம் இனி ‘அயிரூர் கதகளி கிராமம் என பெயர் மாற்றப்பட்டுள்ளது. 200 ஆண்டுகள் பழமையான கதகளி களரிகளுக்கு பெயர் பெற்ற கேரளாவின் அய்ரூர் கிராமம் இனி ‘அயிரூர் கதகளி கிராமம்’ என அதிகாரப்பூர்வமாக அழைக்கப்படுகிறது.
- பெயர் மாற்றத்திற்கு 2010 இல் பஞ்சாயத்து குழு ஒப்புதல் அளித்தது, ஆனால் நடைமுறைகளை முடிக்க 13 ஆண்டுகள் ஆனது.பம்பை ஆற்றின் கரையில் அமைந்துள்ள இந்த கிராமமானது, இந்து புராணங்கள் மற்றும் பைபிளில் உள்ள கதைகளின் கதகளி நிகழ்ச்சிகளுக்கு மிகவும் பிரபலமானவை என்பது குறிப்பிடப்பட்டது.
நியமனங்கள்
சென்னை உயர் நீதிமன்ற நீதிபதியாக மாவட்ட நீதிபதி நியமனம்
- சென்னை உயர் நீதிமன்றத்திற்கு கூடுதலாக ஒரு நீதிபதியை நியமிக்கவும், ஆந்திரா மற்றும் தெலங்கானாவிலிருந்து இரண்டு நீதிபதிகளை இடமாற்றம் செய்யவும் குடியரசுத் தலைவர் உத்தரவிட்டுள்ளார்.
- மாவட்ட நீதிபதியாக உள்ள பி.வடமலை சென்னை உயர் நீதிமன்றத்திற்கு நீதிபதியாக நியமிக்கபட உள்ளார். மேலும் ஆந்திரா நீதிபதி பட்டு தேவ்ஆனந்த் மற்றும் தெலங்கானா நீதிபதி தேவராஜூ நாகார்ஜூன் ஆகியோர் சென்னை உயர் நீதிமன்ற நீதிபதிகளாக இடமாற்றம் செய்ய உள்ளனர்.
தொல்லியல் ஆய்வுகள்
மானாமதுரை அருகே பழமையான உருக்காலை எச்சங்கள் கண்டுபிடிக்கப்பட்டுள்ளது
- சிவகங்கை மாவட்டம் மானாமதுரையில் உள்ள காட்டூரணி அய்யனார் கோயில் அருகே பழங்கால இரும்பு உருக்காலை எச்சங்கள் இருப்பது கண்டுபிடிக்கப்பட்டுள்ளது.இந்த பகுதியில் ஏராளமான இரும்பு உருக்கு கழிவுகள் காணப்படுகிறது.
- இந்த பாறையில் இரும்பிற்கான மூலப்பொருள் இருப்பதையும் அதனை எரியூட்டி உருக்கினால் இரும்புப்பொருட்கள் செய்யலாம் என்பதையும் அறிய முடிகிறது, 2000 ஆண்டுகளுக்கு முன்பு இரும்பு காலத்தைச் சேர்ந்த ஆதிமனிதர்களின் வாழ்விடப் பகுதியாக இப்பகுதி இருந்திருக்கலாம் எனவும் அறியமுடிகிறது.
விளையாட்டு செய்திகள்
கியூப் விளையாட்டில் புதிய சாதனை படைத்த சீன சிறுவன்
- சீனாவை சேர்ந்த இளம் வீரரான யிஹெங், கியூப் விளையாட்டில் புதிய வேக சாதனையை படைத்துள்ளார்.இதற்கு முன்னதாக, 4.86 வினாடிகளில் கூட்டாக சாதனை படைத்த மேக்ஸ் பார்க்மற்றும் டைமன் கொலாசின்ஸ்கி ஆகியோரை யிஹெங் வீழ்த்தியுள்ளார்.
- கின்னஸ் உலக சாதனையின்படி ஸ்பீட் க்யூபிங் பிராடிஜி யிஹெங் வாங் 3x3x3 என்கிற கணக்கில் புதிர் கன சதுரத்தை 4.69 வினாடிகளில் முடித்து சாதனையை முறியடித்துள்ளார்.
முக்கிய தினம்
உலக காசநோய் தினம்
- காச நோய் என்பது நுரையீரல் சம்பந்தப்பட்ட ஒரு பாக்டீரிய தொற்று நோயாகும்.இந்த நோய் தொடர்பான விழிப்புணர்வை ஏற்படுத்தும் வகையில் ஒவ்வொரு ஆண்டும் மார்ச் 24 ஆம் தேதி உலக காசநோய் தினம் கடைபிடிக்கப்பட்டு வருகிறது.
- உலக காசநோய் தினம் 2023 இன் கருப்பொருள் :”Yes, We can end TB”.
Download PDF
To Subscribe => Youtube Channel கிளிக் செய்யவும்
To Join => Whatsapp கிளிக் செய்யவும்
To Join => Facebook கிளக் செய்யவும்
To Join => Telegram Channel கிளிக் செய்யவும்
