இரட்டிப்பாகும் முழு ஊரடங்கு கட்டுப்பாடுகள் – நகர நிர்வாகம் அதிரடி நடவடிக்கை!
சீனாவின் நிதி மையமான ஷாங்காயில் 15,698 உள்ளூர் அறிகுறியற்ற கொரோனா வைரஸ் வழக்குகள் பதிவாகி இருக்கும் நிலையில் கொரோனா ஊரடங்கு கட்டுப்பாடுகளை இரட்டிப்பாக்க நகர நிர்வாகம் முடிவு செய்துள்ளது.
முழு ஊரடங்கு
ஷாங்காய் நகர அதிகாரிகள் கொரோனா வைரஸ் பாதிப்புகளுக்கு எதிரான தங்கள் தாக்குதலை இரட்டிப்பாக்கி, புதிய சுற்று நகர அளவிலான சோதனையை தொடங்கியுள்ளனர். இப்போது 25 மில்லியன் மக்கள் தொகை கொண்ட ஷாங்காய் நகரம், மூன்று வார ஊரடங்கு கட்டுப்பாடுகளை தொடர்ந்து கடைபிடிக்கும் என்று தகவல்கள் வெளியாகியுள்ளது. இது தொடர்பாக ஷாங்காய் அரசாங்கம் அதன் அதிகாரப்பூர்வ WeChat கணக்கில், நகரத்தின் தொற்றுநோய் நேர்மறையான போக்கை காட்டுவதாகவும் கொரோனா பரவுவதைத் தடுக்க கடுமையான விதிகளை மக்கள் கடைப்பிடிக்கும் வரை வாழ்க்கை இயல்பு நிலைக்கு திரும்பாது என்று குறிப்பிட்டுள்ளது.
தமிழக அரசு ஊழியர்களுக்கு பழைய ஓய்வூதிய திட்டம் அமல் – வலுக்கும் கோரிக்கை!
சில ஷாங்காய் மாவட்டங்கள் ஊரடங்கு கட்டுப்பாடுகளை கடுமையாக்கியிருந்தாலும், மக்கள் தங்கள் வீடுகளை விட்டு வெளியேற அனுமதிக்கப்படுவதற்கான அளவுகோல்களை அளித்துள்ளது. இருப்பினும் கட்டுப்பாடுகளை பூர்த்தி செய்யாத சுற்றுப்புறங்களில் உள்ள அதிகாரிகள் பல வார ஊரடங்கு கட்டுப்பாடுகளுக்கு மத்தியில் குடியிருப்பாளர்களை வெளியேற அனுமதிக்காததால் அவர்கள் கோபத்தையும், விரக்தியையும் தெரிவித்துள்ளனர். ஆனால் எங்கள் இலக்கு சமூக கொரோனா பூஜ்ஜிய-நிலையை விரைவில் அடைய வேண்டும் என்று அரசாங்கம் கூறுகிறது.
ExamsDaily Mobile App Download
இதற்கு முன்னதாக ஷாங்காயில் நோய்த்தொற்றுகள் அதிகரிக்கத் தொடங்கிய பின்னர் ஏப்ரல் தொடக்கத்தில் அதன் 25 மில்லியன் மக்களை தங்கள் வீடுகளுக்குள் பூட்டி வைத்தது. இதனால் குடியிருப்பாளர்கள் வருமான இழப்புகள், உணவு கிடைப்பதில் சிரமம், குடும்பப் பிரிவினைகள் மற்றும் தனிமைப்படுத்தலில் சில மோசமான நிலைமைகளை எதிர்கொண்டுள்ளனர். இதற்கிடையில் கடுமையான கட்டுப்பாடுகளின் மீதான விரக்தி இந்த வாரம் புதிய உச்சத்தை எட்டியுள்ளது. ஏனென்றால் கட்டுப்பாடுகளை இரட்டிப்பாக்க ஷாங்காய் நிர்வாகம் முடிவு செய்துள்ளது.
அந்த வகையில் இன்று (ஏப்ரல்.22) முதல் நகர அளவிலான தினசரி சோதனை, தனிமைப்படுத்தப்பட்ட மையங்களுக்கு இடமாற்றங்களை விரைவுபடுத்துதல், மக்கள் நடமாட்டத்தைக் குறைத்தல் மற்றும் விதிகளை அமல்படுத்துவதை உறுதி செய்தல் ஆகியவற்றை மேற்கொள்ள இருக்கிறது. இப்போது சீன நிதி மையம் 15,698 புதிய உள்ளூர் அறிகுறியற்ற கொரோனா வைரஸ் வழக்குகளைப் பதிவு செய்துள்ளது. இது ஒரு நாளைக்கு முன்பு 15,861 ஆக இருந்தது. தனிமைப்படுத்தப்பட்ட பகுதிகளுக்கு வெளியேயும் இந்த எண்ணிக்கை 250 ஆக காணப்படுகிறது குறிப்பிடத்தக்கது.