வீட்டிலிருந்து வேலை (WFH) பார்ப்பவரா நீங்கள்? ஆரோக்கியத்தை பேணும் எளிய வழிகள் இதோ!
இப்போது வீடுகளில் இருந்து அலுவலக வேலைகளை பார்க்கும் நபர்கள் உடல் ஆரோக்கியத்தை பேணுவதற்காகவும், வேலையை செய்யும் போது சுறுசுறுப்பாகவும் இருக்க இப்பதிவில் கொடுக்கப்பட்டுள்ள சில குறிப்புகளை பின்பற்றலாம்.
உடல் ஆரோக்கியம்
கொரோனா நோய்த்தொற்று காலத்திற்கு பிறகு உலகம் முழுவதும் உள்ள பல லட்சக்கணக்கான ஊழியர்கள் தங்கள் வீடுகளில் இருந்தபடியே அலுவலக வேலைகளை மேற்கொண்டு வருகின்றனர். இந்த வேலை முறை பலருக்கும் நெகிழ்வுத் தன்மையை உருவாக்கி இருப்பதால் அவர்கள் இதனை தொடர வேண்டும் என்று விரும்புகின்றனர். ஆனால், வீட்டில் இருந்து வேலை செய்பவர்களுக்கு அவ்வப்போது உடல் ரீதியான சில பிரச்சனைகள் ஏற்படுகிறது. அதனால் வீட்டிலிருந்து வேலை செய்யும் போது நீங்கள் ஆரோக்கியமாக இருக்க உதவும் 6 வழிகளை இப்போது பார்க்கலாம்.
Exams Daily Mobile App Download
பெரும்பாலான தொலைதூர வேலைகள் கணினியிலோ அல்லது தொலைபேசியிலோ அமர்ந்து செய்யப்படுகின்றன. இதனால் ஊழியர்கள் நீண்ட நேரம் ஒரே இடத்தில் சிக்கித் தவிப்பதைக் காணலாம். குறிப்பாக அலுவலகங்களில் மீட்டிங் அல்லது சக பணியாளர்கள் அருகில் இருந்தால் அவ்வப்போது எழுந்து செல்ல நேரிடும். ஆனால் WFH முறையில் இதற்கான அவசியம் ஏற்படாததால் ஊழியர்கள் உடல் ரீதியாக பாதிக்கப்படுகின்றனர். இவை அனைத்தும் ஆரோக்கியமற்ற வாழ்க்கை முறைக்கு பங்களிக்கும். எனவே, உங்கள் வேலையை செய்யும்போது சுறுசுறுப்பாக இருக்க சில குறிப்புகளை நீங்கள் பின்பற்றலாம்.
முதலில் ஸ்ட்ரெச் செய்வதுடன் நாளைதொடங்குங்கள்:
உங்கள் வீட்டு அலுவலக நாற்காலியில் ஓய்வெடுத்து உங்கள் மூட்டுகள் மற்றும் தசைகள் நகரும் வகையில் நீட்டவும். அதாவது, நீண்ட நேரம் உட்கார்ந்திருப்பதால் ஏற்படும் மூட்டு மற்றும் தசை வலிகளைக் குறைக்க இந்த முறை உதவுகிறது.
உடற்பயிற்சி உபகரணங்களை அருகில் வைத்திருங்கள்:
நடைப்பயணங்கள் அல்லது படிக்கட்டு ஏறுதல்களை திட்டமிடுவதைத் தவிர, எடை தூக்குவது, உடற்பயிற்சி விரிப்புகள், புஷ்அப் பார்கள் ஆகியவற்றை உபயோகப்படுத்தலாம். அதாவது, உங்கள் மடிக்கணினியில் இருந்து ஓய்வு கிடைக்கும் போது எடையை தூக்கலாம் அல்லது புஷ்அப்கள் மற்றும் கால் பயிற்சிகளை செய்யலாம்.
ஒரு வழக்கத்தை உருவாக்குங்கள்:
பழக்கவழக்கங்கள் மற்றும் சடங்குகள் மிகவும் சக்திவாய்ந்த நடத்தை முறைகள் ஆகும். அதனால் வீட்டிலிருந்து பணிபுரியும் போது, தனக்கென வழக்கமான பழக்கவழக்கங்களை உருவாக்குவது மிகவும் முக்கியமானது. வழக்கமான வேலை நேரத்தை அமைத்து, உங்கள் வேலை மற்றும் இடைவேளைகளை திட்டமிடுங்கள்.
மாநிலத்தில் டிகிரி முடித்த பட்டதாரிகள் கவனத்திற்கு – வேலைவாய்ப்பு முகாம் அறிவிப்பு!
அடிக்கடி எழுந்திருங்கள்:
வெளியே சென்று சாப்பிடுவது அல்லது வீட்டில் ஏதாவது தயாரிப்பது ஆரோக்கியமானதாகக் கருதப்படுகிறது. ஏனெனில் அது உங்களை எழுந்து சுற்றி நடக்க வைக்க காரணமாகிறது.
நடந்து கொண்டே இருங்கள்:
உட்கார்ந்து கொண்டே வேலை செய்யும் போது ஆங்காங்கே நகர்வது அற்புதமாக உணர வைக்கும். அது மட்டுமல்லாமல் நடப்பது உடலில் இரத்த ஓட்டத்தை அதிகரிக்கிறது. இது செறிவுக்கு உதவுகிறது. அதனால் வீடியோ அல்லாத கான்ஃபரன்ஸ் அழைப்பை எடுக்கும்போது, வெளியே நடக்க முயற்சிக்கவும்.
வேளையில் கவனம் செலுத்த இடைவேளை எடுங்கள்:
25 அல்லது 55 நிமிடங்களுக்கு டைமரை அமைக்கவும். பிறகு ஒரு முக்கிய இலக்கில் கவனம் செலுத்துங்கள். உங்கள் அலாரம் அடிக்கும்போது வேலையில் இருந்து எழுந்து முற்றிலும் மாறுபட்ட ஒன்றைச் செய்யுங்கள். உலா செல்லுங்கள், நண்பரிடம் பேசுங்கள் அல்லது ஏதாவது சிந்தியுங்கள். உங்கள் மூளையும் உடலும் ரீசார்ஜ் செய்யப்பட்டு, பின்வரும் பணியில் கவனம் செலுத்தும் உங்கள் திறன் கணிசமாக மேம்படும்.