பஞ்சாப் மாநில கல்வித் துறை அரசு பள்ளிகளில் நர்சரி வகுப்புகளையும் துவங்க திட்டமிட்டு இருக்கிறது.
நர்சரி பள்ளி:
பஞ்சாப் மாநிலத்தில் மாநிலக் கல்வித் துறை 2024-25 ஆம் கல்வியாண்டில் இருந்து நர்சரி வகுப்புகளை அறிமுகப்படுத்த திட்டமிட்டுள்ளது. அதாவது, மாநிலத்தில் தற்போது மழலையர் பள்ளி மற்றும் மேல் மழலையர் பள்ளி வகுப்புகள் இயங்கி வரும் நிலையில் தற்போது நர்சரி வகுப்புகளையும் அறிமுகப்படுத்த அரசு திட்டமிட்டுள்ளது. இந்த நர்சரி அரசு பள்ளிகளில் சேர்வதற்கான குறைந்தபட்ச வயது 3 எனவும் நிர்ணயம் செய்யப்பட்டிருக்கிறது. மேலும், குழந்தைகள் ஆறு வயதில் ஒன்றாம் வகுப்பிற்கு நுழைவதற்கு முன்பாக இந்த மூன்று வருட அறக்கட்டளை மூலமான வகுப்புகளை மாணவர்கள் முடித்திருக்க வேண்டும் எனவும் அரசு அறிவித்துள்ளது.
சென்னையில் காத்திருக்கும் மத்திய அரசு வேலைவாய்ப்பு – சம்பளம்: ரூ.142400/-
அதே நேரத்தில் 2024-25 ஆம் கல்வி ஆண்டிலிருந்து முதல் நர்சரி வகுப்பில் சேர்வதற்கான வயது 3 முதல் 4 ஆண்டுகளாக இருக்க வேண்டும் எனவும், எல்கேஜி சேரும் மாணவர்களின் வயது 4 முதல் 5 ஆகவும், யுகேஜி சேரும் மாணவரின் வயது 5 முதல் 6 ஆகவும் இருக்க வேண்டும் என அரசு அறிவித்துள்ளது. 6 வயது பூர்த்தியான மாணவர்கள் மட்டுமே 1ம் வகுப்பில் சேர்க்கப்படுவார்கள் எனவும், ஏப்ரல் 1, 2024 ஆம் தேதி அடிப்படையில் வயது கணக்கீடு செய்யப்படும் எனவும் அறிவிக்கப்பட்டுள்ளது. மேலும், இந்த நர்சரி வகுப்புகளுக்கான வழிகாட்டுதல் அடுத்தடுத்த நாட்களில் வெளியிடப்படும் எனவும் அறிவிக்கப்பட்டிருக்கிறது.
