ஜனவரி 6 முதல் 21ம் தேதி வரை இரவு ஊரடங்கு உத்தரவு – மாநில அரசு அறிவிப்பு!
பீகார் மாநிலத்தில் கோவிட்-19 வழக்குகள் அதிகரித்து வருவதால் அரசு நேற்று புதிய கட்டுப்பாடுகளை அறிவித்துள்ளது. அதன்படி, இரவு 10 மணி முதல் காலை 5 மணி வரை இரவு ஊரடங்கு உத்தரவை ஜனவரி 6 முதல் ஜனவரி 21 வரை அமல்படுத்தவும், அனைத்து பூங்காக்கள், ஜிம்கள், நீச்சல் குளங்கள் மற்றும் மால்களை மூடவும் முடிவு செய்துள்ளது.
கோவிட் கட்டுப்பாடுகள்:
பீகார் மாநிலத்தில் முன்னதாக கொரோனா தொற்றின் 2ம் அலை பாதிப்புகள் குறைந்திருந்தது. இதனால் ஊரடங்கு கட்டுப்பாடுகளில் தளர்வுகளை அரசு அறிவித்தது. சமீபத்தில் பீகார் மாநிலம் முழுவதும் கொரோனா தொற்று பரவலாகி அதிகரித்து வருகிறது. இது அதிக அபாயத்தை அளிக்க வாய்ப்பிருப்பதால் நேற்று மாலை முதல்வர் நிதிஷ் குமார் தலைமையில் நெருக்கடி மேலாண்மைக் குழு (சிஎம்ஜி) கூட்டம் நடைபெற்றது. இக்கூட்டத்தில் புதிய ஊரடங்கு கட்டுப்பாடுகள் நோய் தடுப்பு நடவடிக்கையாக அறிவிக்கப்பட்டுள்ளது.
தமிழக அரசின் பொங்கல் பரிசுக்கான டோக்கன் பெறாதோர் கவனத்திற்கு – முக்கிய அறிவிப்பு வெளியீடு!
ஆனால் முழு ஊரடங்கு விதிப்பதற்கு எதிரான முடிவுகள் எடுக்கப்பட்டது. திங்கள்கிழமை முதல்வரின் ஜனதா தர்பாரில் கலந்து கொண்ட 11 பேருக்கு கொரோனா தொற்று இருப்பது உறுதி செய்யப்பட்டது. இதனால் முதல்வரின் சமூக பிரச்சார சுற்றுப்பயணம் மற்றும் அவரது வாராந்திர ஜனதா தர்பார் ஆகியவை ரத்து செய்யப்பட்டுள்ளதாக அதிகாரிகள் தெரிவித்தனர். அதன்படி இரவு 10 மணி முதல் காலை 5 மணி வரை இரவு ஊரடங்கு உத்தரவை ஜனவரி 6 முதல் ஜனவரி 21 வரை அமல்படுத்தவும், அனைத்து பூங்காக்கள், ஜிம்கள், நீச்சல் குளங்கள் மற்றும் மால்களை மூடவும் முடிவு செய்துள்ளது. 8 ஆம் வகுப்பு வரையிலான பள்ளிகளை மூடுவதாக ஏற்கனவே அறிவித்திருந்த மாநில அரசு 9 முதல் 12 ஆம் வகுப்பு வரையிலான மாணவர்களுக்கு 50% வருகையுடன் வகுப்புகளை அனுமதிக்க முடிவு செய்துள்ளது.
இரவு நேர ஊரடங்கு மேலும் 2 மணி நேரம் நீட்டிப்பு – மாநில அரசு அறிவிப்பு! ஓமிக்ரான் எதிரொலி!
இருப்பினும், 8 ஆம் வகுப்பு வரையிலான மாணவர்களுக்கு வகுப்புகளை ஆன்லைனில் நடத்தலாம். பயிற்சி நிறுவனங்களில் ஆன்லைனில் வகுப்புகளை நடத்தலாம். அரசு மற்றும் தனியார் அலுவலகங்களில் வருகைப்பதிவை 50% ஆகக் குறைக்கவும், வெளியாட்களை அலுவலகங்களுக்கு அனுமதிக்கக் கூடாது என்றும் கூட்டத்தில் முடிவு செய்யப்பட்டது. உணவகங்கள் 50% திறனுடன் செயல்படும். மத வழிபாட்டு தலங்களில் பக்தர்களுக்கு அனுமதி இல்லை. திருமணச் சடங்குகளுக்கு 50 பேரும், இறுதிச் சடங்குகளுக்கு 20 பேரும் வரலாம் என்ற கட்டுப்பாடு அமலில் இருக்கும். 50% திறன் கொண்ட சமூக, மத, கலாச்சார செயல்பாடுகளை அதிகபட்சமாக 50 நபர்களுடன் நடத்த அரசு அனுமதித்துள்ளது.
