பேருந்துகள் இயங்க அனுமதி, இரவு நேர முழு ஊரடங்கு அமல் – மாநில அரசு அறிவிப்பு!
கொரோனா நோய்த்தொற்று பரவல் நிலவரத்தை கருத்தில் கொண்டு குஜராத் மாநில அரசு 18 நகரங்களில் இரவு நேர ஊரடங்கு உத்தரவின் நேரத்தை 1 மணிநேரம் குறைத்துள்ளது. மேலும் 60 சதவீத பயணிகளுடன் பேருந்துகள் இயங்க அனுமதி அளித்துள்ளது.
ஊரடங்கு தளர்வுகள்:
குஜராத் மாநில அரசு புதிய உத்தரவை பிறப்பித்து, வாபி, அங்கலேஷ்வர், மெஹ்சானா, காந்திநகர் உள்ளிட்ட 18 நகரங்களில் இரவு ஊரடங்கு உத்தரவு நேரம் தினமும் இரவு 10 மணி முதல் காலை 8 மணி வரை என 1 மணிநேரம் குறைக்கப்பட்டுள்ளதாக தெரிவித்துள்ளது. மேலும் கொரோனா பாதிப்பு நிலவரத்தை பொறுத்து எட்டு மாநகராட்சிகளில் இரவு ஊரடங்கு உத்தரவை நீட்டித்து உள்ளது. இந்த மாத தொடக்கத்தில், மாநில அரசு இரவு ஊரடங்கு உத்தரவை ஜூன் 26 வரை நீட்டித்தது.
தமிழகத்தில் ஜூலை 5 வரை முழு ஊரடங்கு நீட்டிப்பு? முதல்வர் இன்று ஆலோசனை!
ஆனால் மாநிலத்தில் வழக்குகள் குறைந்து வருவதால் கட்டுப்பாடுகளை தளர்த்தி வருகிறது. இந்த உத்தரவில், குஜராத் அரசாங்கம் ஹோட்டல்கள், உணவகங்கள், ஜிம்கள் மற்றும் மத வழிபாட்டு தலங்களை சில கட்டுப்பாடுகளுடன் மீண்டும் திறக்க அனுமதித்துள்ளது. தவிர, ஜூன் 11 முதல் ஜூன் 26 வரை அரசியல் மற்றும் பிற கூட்டங்களுக்கும் அனுமதி அளிக்கப்பட்டு இருந்தது. தற்போது மேலும் சில ஊரடங்கு தளர்வுகள் அறிவிக்கப்பட்டு உள்ளன. அவை,
- ஹோட்டல்கள் காலை 9 மணி முதல் இரவு 7 மணி வரை இயங்கலாம்.
- இந்த காலகட்டத்தில் நள்ளிரவு வரை உணவு டோர் டெலிவரி செய்ய அனுமதிக்கப்படும்.
- அரசியல், சமூக, மத மற்றும் கலாச்சார நிகழ்ச்சிகளுக்கு அதிகபட்சம் 50 பேர் கலந்து கொள்ள அனுமதி.
- ஊரடங்கு உத்தரவு காலத்தில் அனைத்து மத வழிபாட்டு இடங்களிலும் 50 பார்வையாளர்களுடன் திறந்திருக்க அனுமதி.
- கடைகள் போன்ற வணிக நிறுவனங்கள் காலை 9 மணி முதல் இரவு 7 மணி வரை செயல்பட அனுமதிக்கப்படுகின்றன.
- ஜிம்கள் 50% திறனுடன் மீண்டும் திறக்க முடியும்.
- மாநில போக்குவரத்து பேருந்துகள் உள்ளிட்ட பொது பேருந்து சேவைகள் 60% பயணிகளுடன் தொடர்ந்து இயங்க முடியும்.
