தமிழகத்தில் சிறுபான்மையின மாணவர்களுக்கான கல்வி உதவித்தொகை – முழு விபரம் இதோ!
தமிழகத்தில் சிறுபான்மையின மாணவ, மாணவிகளுக்கு பல்வேறு நலத்திட்டங்கள் செயல்படுத்தப்பட்டு வருகிறது. அந்த வகையில் தற்போது கல்வி உதவித்தொகை குறித்த அறிவிப்பை திருவாரூர் மாவட்ட ஆட்சியர் வெளியிட்டுள்ளார்.
கல்வி உதவித்தொகை
தமிழகத்தில் சிறுபான்மையின மாணவ, மாணவிகள் கல்வி படிப்பை மேற்கொள்ள அரசு பல்வேறு வகையான நலத்திட்டங்களை அறிமுகப்படுத்தி வருகிறது. அந்த வகையில் சிறுபான்மையின மாணவ, மாணவிகளுக்கு கல்வி உதவித்தொகை குறித்த அறிவிப்பை திருவாரூர் மாவட்ட ஆட்சியர் வெளியிட்டுள்ளார். இந்த அறிவிப்பில் தெரிவிக்கப்பட்டுள்ளதாவது, திருவாரூர் மாவட்டத்தில் அரசு, அரசு உதவி பெறும் மற்றும் மத்திய, மாநில அரசால் அங்கீகரிக்கப்பட்ட தனியார் கல்வி நிலையங்களில் படிக்கும் இஸ்லாமிய, கிறித்துவர், சீக்கியா், புத்த மதத்தினர், பார்சி, ஜெயின் மதம் உள்ளிட்ட மாணவா்களுக்கு கல்வி உதவித்தொகை வழங்கப்படுகிறது.
TNPSC குரூப் 1 தேர்வர்கள் கவனத்திற்கு – முக்கிய அறிவிப்பு!
மேலும் இந்த உதவித்தொகை நடப்பு கல்வியாண்டில் 1 முதல் 10ம் வகுப்பு வரை பயிலும் மாணவ, மாணவிகளுக்கு பள்ளி படிப்பிற்க்கான உதவித்தொகை வழங்கப்பட உள்ளது. இதே போல் 11ம் வகுப்பு, 12ம் வகுப்பு, ஐடிஐ, ஐடிசி, வாழ்க்கைத் தொழிற்கல்வி, பாலிடெக்னிக், செவிலியர், ஆசிரியர் பட்டயப் படிப்பு, இளங்கலை, முதுகலை பட்டப்படிப்புகள் உள்ளிட்ட படிப்பை பயிலும் மாணவர்களுக்கு பள்ளி மேற்படிப்புக்காக கல்வி உதவித்தொகை வழங்கப்பட உள்ளது. இதே போல் தொழிற்கல்வி மற்றும் தொழில்நுட்பக் கல்வி படிப்பை மேற்கொள்பவர்களுக்கு தகுதி மற்றும் வருவாய் அடிப்படையில் உதவித்தொகை வழங்கப்பட உள்ளது.
இதற்கான உதவித்தொகைக்கு விண்ணப்பிக்க மத்திய அரசின் தேசிய கல்வி உதவித்தொகை இணையதளத்தில் பதிவு செய்யப்பட வேண்டும் என்று அறிவிக்கப்பட்டுள்ளது. அத்துடன் பள்ளி படிப்பு கல்வி உதவித்தொகைக்கு வருகிற செப்டம்பர் 30ம் தேதிக்குள் விண்ணப்பிக்க வேண்டும். இதே போல் பள்ளி மேற்படிப்புக்கான உதவித்தொகைக்கு அக்டோபர் மாதம் 31ம் தேதிக்குள் விண்ணப்பிக்க வேண்டும். மேலும் இது தொடர்பான கூடுதல் தகவல்களை பெற திருவாரூர் மாவட்ட ஆட்சியர் வளாகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை தொடர்பு கொள்ள வேண்டும்.
To Subscribe => Youtube Channel கிளிக் செய்யவும்
To Join => Whatsapp கிளிக் செய்யவும்
To Join => Facebook கிளக் செய்யவும்
To Join => Telegram Channel கிளிக் செய்யவும்