நடப்பு நிகழ்வுகள் ஜூலை – 18, 2019
TNPSC Group 4 OnlineTestSeries 2019
முக்கியமான நாட்கள்
ஜூலை 18: நெல்சன் மண்டேலா சர்வதேச தினம்.
- மண்டேலா தினம் என்றும் அழைக்கப்படும் நெல்சன் மண்டேலா சர்வதேச தினம் ஒவ்வொரு ஆண்டும் ஜூலை 18 அன்று அனுசரிக்கப்படுகிறது. மோதல்களுக்கான தீர்வு, ஜனநாயகம், மனித உரிமைகள், அமைதி மற்றும் நல்லிணக்கத்தை நோக்கி செயல்பட்டதில் மண்டேலாவின் சாதனைகளை நினைவுகூரும் விதமாக இந்நாள் கொண்டாடப்படுகிறது.
ஜூலை 18 – உலக கேட்கும் நாள்
- உலக கேட்கும் நாள் 2010 ஆம் ஆண்டிலிருந்து உலக கேட்கும் திட்டத்தின் மூலம் தொடங்கப்பட்ட உலகளாவிய நிகழ்வாகும். பிரபல கனட நாட்டு இசையமைப்பாளர், இசைக் கல்வியாளர் மற்றும் எழுத்தாளர் ஆர். முர்ரே ஷாஃபர் அவர்களின் பிறந்த நாளை நினைவுகூரும் வகையில் ஜூலை 18 உலகக் கேட்கும் தினமாக அனுசரிக்கப்படுகிறது. மேலும் அவரது உலக சவுண்ட்ஸ்கேப் திட்டம் 1970 களில் ஒலி சூழலியல் பற்றிய அடிப்படை யோசனைகள் மற்றும் நடைமுறைகளை உருவாக்கியது. எனவே, உலகக் கேட்பதற்கான நாள் நமது உலகத்தைப் புரிந்துகொள்வதில் ஷாஃபர் அளித்த பங்களிப்பை அங்கீகரிக்க அனுசரிக்கப்படுகிறது.
தேசிய செய்திகள்
அருணாச்சல பிரதேசம்
அருணாச்சல பிரதேசத்தில் 2880 மெகாவாட் திபாங் திட்டத்திற்கு சி.சி.இ.ஏ ஒப்புதல் அளித்துள்ளது
- பொருளாதார விவகாரங்களுக்கான அமைச்சரவைக் குழு, சி.சி.இ.ஏ 1600 கோடி ரூபாய் செலவில் அருணாச்சல பிரதேசத்தில் 2880 மெகாவாட் திபாங் பல்நோக்கு திட்டத்திற்கு ஒப்புதல் அளித்துள்ளது. தகவல் மற்றும் ஒளிபரப்புத்துறை அமைச்சர் பிரகாஷ் ஜவடேகர், கட்டிமுடித்த பிறகு இந்த அணை 278 மீட்டர் உயரமுள்ள நாட்டின் மிக உயரமான அணையாக இருக்கும் என்று தெரிவித்தார்.
மத்திய பிரதேசம்
தெருவில் உள்ள பசுக்களுக்கு மத்திய பிரதேசம் ‘வீட்டுத்திட்டம்’ தொடங்க உள்ளது
- கவுஷாலா திட்டத்தின் ஒரு பகுதியாக மத்திய பிரதேச மாநில அரசு தெருவில் உள்ள 7 லட்சம் பசுக்கள் மற்றும் காளைகளை கிராமங்களுக்கு அருகிலுள்ள தங்குமிடங்களுக்கு மாற்ற திட்டமிட்டுள்ளது. மத்தியப்பிரதேசத்தில் 7 லட்சம் விலங்குகள் தங்குவதற்கு 1,000 தங்குமிடங்கள் ஏற்பாடு செய்யப்படவுள்ளன.
வணிகம் & பொருளாதாரம்
அமெரிக்காவிற்கு 1,239 டன் மூல சர்க்கரை ஏற்றுமதி செய்ய இந்தியா அனுமதி
- அமெரிக்காவிற்கு 1,239 டன் மூல சர்க்கரையை அதன் கட்டண விகித ஒதுக்கீட்டின் (TRQ) கீழ் ஏற்றுமதி செய்ய இந்திய அரசாங்கம் அனுமதி அளித்துள்ளது.இது ஏற்றுமதிக்கு ஒப்பீட்டளவில் குறைந்த கட்டணத்தை அனுபவிக்க உதவுகிறது. டி.ஆர்.கியூ என்பது ஒப்பீட்டளவில் குறைந்த கட்டணத்தில் அமெரிக்காவிற்குள் நுழையும் ஏற்றுமதிக்கான ஒதுக்கீடு ஆகும். ஒதுக்கீட்டு தொகையை அடைந்த பிறகு, கூடுதல் இறக்குமதிக்கு அதிக கட்டணம் வசூலிக்கப்படும் .
இந்தியாவின் மொத்த உள்நாட்டு உற்பத்தியின் வளர்ச்சி கணிப்பை 7% ஆக ஏடிபி வங்கி குறைக்கிறது
- ஆசிய அபிவிருத்தி வங்கி (ஏடிபி) நம் நாட்டில் நிலவும் நிதி பற்றாக்குறையின் தொடர்ச்சியாக நடப்பு ஆண்டிற்கான இந்தியாவின் மொத்த உள்நாட்டு உற்பத்தியின் வளர்ச்சி கணிப்பை 7% ஆக குறைத்துள்ளது. மேலும் தெற்காசிய பிராந்தியத்தைப் பொறுத்தவரையில், இந்தியாவின் கண்ணோட்டம் வலுவாக இருப்பதாக ஏடிபி கூறியது.இதன் தொடர்ச்சியால் நம் நாட்டின் மொத்த உள்நாட்டு வளர்ச்சி 2019 இல் 6.6% ஆகவும், 2020 ஆம் ஆண்டில் 6.7% ஆகவும் இருக்கும் என்று எதிர்பார்க்கப்படுகிறது.
புரிந்துணர்வு ஒப்பந்தம் & அமைச்சரவை ஒப்புதல்
அமைச்சரவை 15 வது நிதி ஆணையத்தின் பதவிக்காலத்தை நவம்பர் 30 வரை நீட்டித்தது
- பதினைந்தாம் நிதி ஆணையத்தின் பதவிக்காலத்தை இந்த ஆண்டு நவம்பர் 30 வரை நீட்டிக்க அமைச்சரவை ஒப்புதல் அளித்துள்ளது. 2020-2025 காலத்திற்கான சீர்திருத்த பரிந்துரைகளை இறுதி செய்வதற்கான புதிய விசயங்களை கருத்தில் கொண்டு நிதி கணிப்புகளுக்கான ஒப்பிடத்தக்க பல்வேறு மதிப்பீடுகளை ஆணையம் ஆராய இந்த கால் நீட்டிப்பு உதவும் என்பது குறிப்பிடத்தக்கது.
- பதினைந்தாம் நிதி ஆணையம் 2017 நவம்பர் 27 ஆம் தேதி ஜனாதிபதியால் அமைக்கப்பட்டது. 2020 ஏப்ரல் 1 முதல் தொடங்கவுள்ள ஐந்து ஆண்டு காலத்தை உள்ளடக்கிய திட்டக்குறிப்பு விதிமுறைகள் குறித்த அறிக்கையை அக்டோபர் 30 ஆம் தேதிக்குள் சமர்ப்பிக்க உள்ளது.
தேசிய மருத்துவ ஆணையம் அமைக்க அமைச்சரவை ஒப்புதல் அளித்தது
- தேசிய மருத்துவ ஆணைய மசோதா, 2019 க்கு மத்திய அமைச்சரவை ஒப்புதல் அளித்துள்ளது. இந்திய மருத்துவ கவுன்சிலுக்கு பதிலாக ஒரு தேசிய மருத்துவ ஆணையத்தை அமைப்பதற்கும், இந்திய மருத்துவ கவுன்சில் சட்டம் 1956ஐ ரத்து செய்வதற்கும் இந்த மசோதா ஒப்புதல் அளித்தது. இந்த மசோதாவின் அம்சங்கள், பொதுவான இறுதி ஆண்டு எம்.பி.பி.எஸ் தேர்வுகள் இனிமேல் தேசிய வெளியேறும் சோதனை (NEXT) என நடத்தப்படும், இது உரிமத் தேர்வாகவும், முதுகலை மருத்துவப் படிப்புக்கான நுழைவுக்காகவும், வெளிநாட்டு மருத்துவ பட்டதாரிகளின் ஸ்கிரீனிங் சோதனைக்காகவும் இருக்கும் என்பது குறிப்பிடத்தக்கது.
விருதுகள்
நம்பமுடியாத இந்தியா பிரச்சாரம், 2019 பாட்டா தங்க விருதை வென்றது
- 2018-19 ஆம் ஆண்டில் சுற்றுலா அமைச்சகத்தால் உலகளவில் வெளியிடப்பட்ட நம்பமுடியாத இந்தியா “நம்பமுடியாத உங்களை கண்டுபிடி” “Find the Incredible You” பிரச்சாரம் “சந்தைப்படுத்தல் – முதன்மை அரசு இலக்கு” பிரிவில் பாட்டா (பசிபிக் ஆசியா பயண சங்கம்) 2019 தங்க விருதைப் பெற்றுள்ளது.இந்த ஆண்டின் விருதுகள் உலகளவில் 78 நிறுவனங்கள் மற்றும் தனிநபர்களிடமிருந்து 198 உள்ளீடுகளை ஈர்த்துள்ளது .
விளையாட்டு செய்திகள்
ஹிமா தாஸ் 15 நாட்களில் நான்காவது தங்கம் வென்றார்
- செக் குடியரசில் நடந்த தாபோர் தடகளக் கூட்டத்தின் 200 மீட்டர் ஓட்டப்பந்தயத்தில் வென்று, ஸ்டார் இந்தியன் ஸ்ப்ரிண்டர் ஹிமா தாஸ் பதினைந்து நாட்களில் தனது நான்காவது தங்கப் பதக்கத்தை வென்றார்.
டோக்கியோ ஒலிம்பிக் டெஸ்ட் போட்டியில் தீபிகா குமாரி வெள்ளி வென்றார்
- 2020 ஆம் ஆண்டு டோக்கியோ ஒலிம்பிக் டெஸ்ட் போட்டியில் இந்தியாவில் முதலிடத்தில் உள்ள வில்வித்தை வீராங்கனையான தீபிகா குமாரி வெள்ளிப் பதக்கம் வென்றார். ஜூன், 2018 இல் சால்ட் லேக் சிட்டியில் நடந்த உலகக் கோப்பையின் மூன்றாம் கட்டத்தில் தங்கம் வென்றதுக்கு பிறகு உலக போட்டிகளில் தீபிகாவின் முதல் தனிநபர் இறுதிப் போட்டி இதுவாகும்.
PDF Download
நடப்பு நிகழ்வுகள் – ஜூலை 18, 2019 video – Click Here
2019 மாதாந்திர நடப்பு நிகழ்வுகள் Download
2018 முக்கிய நடப்பு நிகழ்வுகளுக்கு
To Follow Channel –கிளிக் செய்யவும்
Whatsapp Group -ல் சேர – கிளிக் செய்யவும்
Telegram Group -ல் சேர – கிளிக் செய்யவும்