நடப்பு நிகழ்வுகள் – 31 ஜனவரி 2023
தேசிய செய்திகள்
ஜி 20 சர்வதேச நிதிக் கட்டிடக்கலை பணிக்குழு கூட்டம் சண்டிகரில் நடைபெறுகின்றது
- இந்திய தலைமைத்துவத்தின் கீழ் முதல் G20 சர்வதேச நிதிக் கட்டிடக்கலை பணிக்குழு கூட்டம் 2023 ஜனவரி 30-31 தேதிகளில் சண்டிகரில் நடைபெறுகின்றது.
- இக்கூட்டத்தில் ஏழை மற்றும் பாதிக்கப்படக்கூடிய நாடுகளுக்கு அதிகபட்ச ஆதரவை வழங்குவதற்கான வழிகளை ஆராய்வதில் கவனம் செலுத்துகிறது மற்றும் சர்வதேச நிதி கட்டமைப்பின் ஸ்திரத்தன்மை மற்றும் ஒருங்கிணைப்பை மேம்படுத்துவதற்கான வழிகள் மற்றும் 21 ஆம் நூற்றாண்டின் உலகளாவிய சவால்களை எதிர்கொள்வதற்கு அதை எவ்வாறு கையாள்வது என்பது குறித்து விவாதிக்கப்படவுள்ளது.
G20 ஆற்றல் மாற்றக் குழு கூட்டம் பெங்களூரில் நடைபெறவுள்ளது
- பெங்களுருவில் G20 இன் ஆற்றல் மாற்றக் குழு கூட்டம் (ETWG) பிப்ரவரி 5 முதல் 7,2023 வரை நடைபெறுகின்றது.
- “முதல் கூட்டத்தில் ஆறு முன்னுரிமைப் பகுதிகளில் கவனம் செலுத்தப்படுகிறது.
- தொழில்நுட்ப இடைவெளிகளை நிவர்த்தி செய்வதன் மூலம் ஆற்றல் மாற்றம்,
- ஆற்றல் மாற்றத்திற்கான குறைந்த விலை நிதி,
- ஆற்றல் பாதுகாப்பு மற்றும் பன்முகப்படுத்தப்பட்ட விநியோகச் சங்கிலிகள்,
- ஆற்றல் திறன்,
- தொழில்துறை குறைந்த கார்பன் மாற்றங்கள் மற்றும் பொறுப்பான நுகர்வு,
- எதிர்காலத்திற்கான எரிபொருள்கள் மற்றும் தூய்மையான எரிசக்திக்கான உலகளாவிய அணுகல் மற்றும் நியாயமான, மலிவு மற்றும் உள்ளடக்கிய ஆற்றல் மாற்றம் பாதை” ஆகியவை குறித்து விவற்றஹிக்கப்படவுள்ளது.
மாநில செய்திகள்
சூப்பர்சைட் மற்றும் மொபைல் காற்றின் தர கண்காணிப்பு நிலையம் டெல்லியில் தொடங்கப்பட்டது
- டெல்லியில் காற்று மாசுபாட்டின் ஆதாரங்களைக் கண்டறிய நிகழ்நேர மூல பகிர்வு ஆய்வுக்காக ஒரு ‘சூப்பர்சைட்’ மற்றும் நடமாடும் காற்றின் தர கண்காணிப்பு நிலையத்தை டெல்லி முதல்வர் அரவிந்த் கெஜ்ரிவால் 30 ஜனவரி 2023 அன்று திறந்து வைத்தார்.
- மாசு அளவுகள் மற்றும் காற்றின் திசை, ஈரப்பதம் மற்றும் வெப்பநிலை உள்ளிட்ட பிற அளவுருக்களைக் கண்காணிக்கவும், டெல்லியில் மாசுபாட்டின் ஆதாரங்களை நிகழ்நேரத்தில் கண்டறியவும் கருவிகள் தளத்தில் நிறுவப்பட்டுள்ளன.
ஒடிசாவின் புதிய சுகாதார அமைச்சராக நிரஞ்சன் பூஜாரி பதவியேற்றார்
- ஒடிசாவில் முதலமைச்சர் நவீன் பட்நாயக்கின் அமைச்சரவையின் சுகாதார அமைச்சரான நபா தாஸ், 29 ஜனவரி 2023 அன்று ஜார்சுகுடாவில் உள்ள பிரஜராஜ்நகரில் துப்பாக்கியால் சூட்டுக் லொள்ளப்பட்டார்.
- மேலும் ஒடிசாவின் சுகாதாரம் மற்றும் குடும்ப நலத்துறை அமைச்சர் நபா கிஷோர் தாஸ் சுட்டுக் கொல்லப்பட்டதை அடுத்து; ஒடிசாவின் புதிய சுகாதார அமைச்சராக நிதியமைச்சர் நிரஞ்சன் பூஜாரி நியமிக்கப்பட்டுள்ளார்.
2022-ம் ஆண்டு ஜம்மு &காஷ்மீரில் ‘ஹர் காவ்ன் ஹரியாலி‘ திட்டத்தின் கீழ் 90 லட்சம் மரக்கன்றுகள் நடப்பட்டுள்ளன.
- ஜம்மு மற்றும் காஷ்மீர் அரசின் லட்சிய முயற்சியான ‘ஹர் காவ்ன் ஹரியாலி’ 2022-ம் நிதியாண்டில் 90 லட்சம் மரக்கன்றுகளை நடவு செய்ததை பதிவு செய்துள்ளது.
- ஜம்மு காஷ்மீர் முழுவதும் நிலையான வளர்ச்சியை உறுதி செய்வதற்கும் காலநிலை நீதியை ஊக்குவிப்பதற்கும் ‘பசுமை ஜம்மு மற்றும் காஷ்மீர்’ என்ற தொலைநோக்குப் பார்வைக்கு நோக்கி ஜம்மு காஷ்மீர் அரசு இந்த முயற்சியைத் தொடங்கியது.
நியமனங்கள்
செக் குடியரசின் புதிய அதிபராக பீட்டர் பாவெல் தேர்வு
- வடக்கு அட்லாண்டிக் ஒப்பந்த அமைப்பின் (NATO) இராணுவக் குழுவின் முன்னாள் தலைவரான பீட்டர் பாவெல், செக் குடியரசின் புதிய அதிபராகப் பதவியேற்றுள்ளார்.
- 61 வயதான பாவெல், பில்லியனர் ஆண்ட்ரேஜ் பாபிஸை ரன்-ஆஃப் வாக்கெடுப்பில் தோற்கடித்து, அவர் புதிய செக் அதிபராக தேந்தெடுக்கப்பட்டுள்ளார், செக் புள்ளியியல் அலுவலகத்தின்படி, முன்னாள் இராணுவ ஜெனரலான பாவெல் 58 சதவீதத்திற்கும் அதிகமான வாக்குகளைப் பெற்று அதிபராக தேந்தெடுக்கப்பட்டார்.
NMDC நிறுவனம் குத்துச்சண்டை வீராங்கனை நிகத் ஜரீனை அதன் பிராண்ட் தூதராக நியமித்துள்ளது
- NMDC ஒரு தேசிய சுரங்கத் தொழிலாளி மற்றும் இந்தியாவின் மிகப்பெரிய இரும்புத் தாது உற்பத்தியாளர் நிறுவனம் ஆகும். அந்நிறுவனத்தில் உலக குத்துச்சண்டை சாம்பியன் நிகாத் ஜரீனுடன் NMDC பிராண்ட் தூதராக பிரதிநிதித்துவப்படுத்த ஒரு ஒப்பந்தம் (MoA) கையெழுத்திடப்பட்டுள்ளது.
- நாட்டிற்கு பெருமை சேர்ப்பதில் தங்கள் உறுதிப்பாட்டை பகிர்ந்து கொள்ளும் ஒருவரால் பிரதிநிதித்துவப்படுத்தப்படுவதை அந் நிறுவனம் தேர்வு செய்துள்ளது.
தொல்லியல் ஆய்வுகள்
தமிழ்நாட்டில் மதுரையில் 16ம் நூற்றாண்டை சேர்ந்த நடுகற்கள் கண்டறியப்பட்டுள்ளன
- மதுரை திருமங்கலம் பகுதியில் ஆய்வாளர்கள் மேற்கொண்ட ஆய்வில் ஒரே பலகை கல்லில் அமைந்த 4 நடுகற்கள் மற்றும் ஒரு சூலகல் கண்டறியப்பட்டன, இவை 16ம் நூற்றாண்டை சேர்ந்த நடுகற்கள் என ஆய்வாளர்கள் தெரிவித்தனர்.
- இந்த நடுகற்களில் ஆண், பெண் நடுகல் சிற்பங்களானவை நின்றநிலையில் காட்டப்பட்டிருப்பதால் இப்பகுதி மக்கள் இந்த நடுகற்களை வேடன், வேடச்சி என்ற பெயரில் வழிபட்டு வருகின்றனர் என்றும் ஆய்வாளர்கள் தெரிவித்தனர்.
புத்தக வெளியீடு
“When they conversed” என்ற புத்தகத்தை மத்திய இணை அமைச்சர் வெளியிட்டார்
- டாக்டர். எல். முருகன், மாநில தகவல் மற்றும் ஒலிபரப்பு மற்றும் மீன்வளம், கால்நடை பராமரிப்பு மற்றும் பால்வளத்துறை அமைச்சர், புதுதில்லியில் உள்ள அரசியலமைப்பு சங்கத்தில் சாதனா ஷங்கர் எழுதிய ” When they conversed ” என்ற புத்தகத்தை வெளியிட்டார்.
- இந்த புத்தகமானது, சமகாலப் பிரச்சனைகள் மற்றும் மக்களின் வாழ்க்கையை மாற்றும் கருத்துகளைக் கையாள்வதில் ஆசிரியரால் வெளியிடப்பட்ட கட்டுரைகள் மற்றும் வலைப்பதிவு இடுகைகளின் தொகுப்பாகும்.
விளையாட்டு செய்திகள்
19 வயதுக்கு உட்பட்டோருக்கான மகளிர் டி20 உலகக்கோப்பை போட்டி
- 19 வயதுக்கு உட்பட்டோருக்கான மகளிர் டி20 உலகக்கோப்பை போட்டிகள் தென் ஆப்பிரிக்காவில் நடைபெற்றது.
- இத்தொடரில் இந்தியா – இங்கிலாந்து இடையே நடைபெற்ற இறுதி போட்டியில் இங்கிலாந்தை 7 விக்கெட் வித்தியாசத்தில் வீழ்த்தி 19 வயதிற்கு உட்பட்டோருக்கான மகளிர் டி20 சாம்பியன் பட்டத்தை இந்தியா வென்றது.
உலகக் கோப்பை ஹாக்கி போட்டி 2023
- 15ஆவது உலகக் கோப்பை ஹாக்கி தொடர் ஜனவரி 13ம் தேதி தொடங்கி ஜனவரி 29-ம் தேதி வரை ஒடிசாவில் உள்ள புவனேஸ்வர் மற்றும் ரூர்கேலாவில் நடைபெற்றது.
- இத்தொடரில் ஜெர்மனி மற்றும் பெல்ஜியம் இடையே நடைபெற்ற இறுதி போட்டியில் பெனால்டி சூட் அவுட் முறையில் பெல்ஜியம் அணியை வீழ்த்தி ஜெர்மன் அணி 3-வது முறையாக கோப்பையை வென்றுள்ளது.
இளைஞர் விவகாரங்கள் மற்றும் விளையாட்டு அமைச்சகம் KIYG 2023க்கான செயலியை அறிமுகப்படுத்தியுள்ளது
- இளைஞர் விவகாரங்கள் மற்றும் விளையாட்டு அமைச்சகம் Khelo India Games என பெயரிடப்பட்ட சிறப்பு மொபைல் செயலியை அறிமுகப்படுத்தியுள்ளது, முதல் முறையாக Khelo India Youth Games க்கான பயன்பாடு செயலி தொடங்கப்பட்டது.
- இந்த செயலி மூலம் பங்கேற்பாளர்கள், பயிற்சியாளர்கள், துணைப் பணியாளர்கள், விளையாட்டு வீரர்களின் பெற்றோர்கள் மற்றும் விளையாட்டுப் போட்டிகளில் பங்கேற்கும் அனைத்து மாநில அதிகாரிகளும், விளையாட்டை பற்றிய அனைத்துத் தகவல்களையும், செயலி மூலம் கிடைக்கும் வகையில் வடிவமைக்கப்பட்டுள்ளது.
ஆஸ்திரேலிய ஓபன் டென்னிஸ் 2023
- 2023-ம் ஆண்டின் முதல் ‘கிராண்ட்ஸ்லாம்’ போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடந்து வருகிறது.
| விளையாட்டின் பெயர் | விளையாடிய நபர்கள் | வெற்றி பெற்றவர்கள் | |
| ஆடவர் ஒற்றையர் இறுதிப்போட்டி | நோவக் ஜோகோவிச் (செர்பியா) | சிட்சிபாஸ் (கிரீஸ்) | நோவக் ஜோகோவிச் |
| ஆடவர் இரட்டையர் இறுதிப்போட்டி | ஆஸ்திரேலியாவின் ஜேசன் குப்லர் – ரின்கி ஹிஜிகடா | மொனாக்கோவின் நீஸ், போலந்தின் ஜேன் | ஜேசன்குப்லர் – ரின்கி ஹிஜிகடா |
| பெண்கள் இரட்டையர் இறுதிப்போட்டி | செக் குடியரசின் பாப்போரா கிரெஜ்சிகோவா – கேடரினா சினியாகோவா | ஜப்பானின் ஷூகோ அயோமா – இனா ஷிபஹாரா | பாப்போரா கிரெஜ்சிகோவா – கேடரினா சினியாகோவா |
முக்கிய தினம்
தியாகிகள் தினம் (ஷாஹீத் திவாஸ்) 2023
- இந்திய நாட்டிற்காக தங்கள் இன்னுயிர்களை தியாகம் செய்த அனைத்து சுதந்திரப் போராட்ட வீரர்களுக்கும் அஞ்சலி செலுத்துவதற்காக தியாகிகள் தினம் அல்லது ஷஹீத் திவாஸ் இந்தியாவில் ஜனவரி 30, 2023 அன்று,அனுசரிக்கப்பட்டது.
- தேசத் தந்தை மகாத்மா காந்தியின் நினைவு நாள் ஷஹீத் திவாஸ் அல்லது தியாகிகள் தினமாக அனுசரிக்கப்படுகிறது, மேலும் அந்நாளில் அவரது தத்துவம் அகிம்சை, சத்தியத்திற்கான போராட்டம் (சத்யாகிரகம்) மற்றும் அரசியல் மற்றும் தனிமனித சுதந்திரம் (ஸ்வராஜ்) ஆகிய கொள்கைகளை நினைவு கூறும் வகையில் அனுசரிக்கப்படுகிறது.
