EPFO சந்தாதாரர்கள் கவனத்திற்கு – EPF/EPS நியமன தாக்கல் செய்வதற்கான எளிய வழிமுறைகள்!

EPFO சந்தாதாரர்கள் கவனத்திற்கு – EPF/EPS நியமன தாக்கல் செய்வதற்கான எளிய வழிமுறைகள்!

ஊழியர் வருங்கால வைப்பு நிதி (Employees’ Provident Fund) என்பது தொழிலாளர்களுக்கு அரசு வழங்கும் சமூகப் பாதுகாப்புத் திட்டத்தில் ஒன்றாகும். EPFO அமைப்பு, அனைத்து PF கணக்காளர்களும் குடும்பம் அல்லது நாமினிக்கான சமூகப் பாதுகாப்பை உறுதி செய்வதற்காக UAN மூலம் ஆன்லைனில் இ-நாமினேஷனை தாக்கல் செய்யும்படி அதன் உறுப்பினர்களைக் கேட்டுக் கொண்டுள்ளது.

EPFO:

தொழிலாளர்களுக்கு ஓய்வுக்காலத்தில் பயனளிக்கும் விதமாக தொழிலாளர் வருங்கால வைப்பு நிதி திட்டம் செயல்படுத்தப்பட்டு வருகிறது. இது ஒரு நீண்ட கால சேமிப்பு திட்டமாகும். இத்திட்டத்தின் மூலம் தொழிலாளர்களுக்கு ஓய்வின் போது அவர்களது வருங்கால வைப்பு நிதியில் சேமிக்கப்பட்ட சேமிப்புத் தொகை வட்டியுடன் அளிக்கப்படுகின்றன. இதற்காக தொழிலாளர்கள் அவர்கள் பணியாற்றும் காலத்தின்போது, மாதந்தோறும் சம்பளத்தில் பிடித்தம் செய்யப்பட்டு, அவரது வைப்பு நிதிக் கணக்கில் செலுத்தப்படுகிறது.

ஓய்வூதிய நிதி அமைப்பான EPFO ன் பல்வேறு நன்மைகளைப் பெற, உறுப்பினர்கள் தங்கள் இ-நாமினேஷன் செயல்முறையை முடிக்குமாறு வலியுறுத்தப்பட்டுள்ளது. அந்த வகையில் EPFO அமைப்பு இதுவரை இ-நாமினேஷனைத் தாக்கல் செய்வதற்கான காலக்கெடுவை நிர்ணயிக்கவில்லை, இருப்பினும், ஒவ்வொருவரும் தங்கள் குடும்பங்களுக்கு சமூகப் பாதுகாப்பை வழங்க மின்-நாமினேஷனைத் தாக்கல் செய்யுமாறு EPFO அமைப்பு வலியுறுத்தி இருக்கிறது. இப்போது ஒரு EPF உறுப்பினர் மின்-நாமினேஷனைத் தாக்கல் செய்வதற்கான கோரிக்கையை ஆன்லைனில் UAN போர்ட்டல் மூலம் செய்யலாம்.

தமிழகத்தில் ஆகஸ்ட் 23ம் தேதி ‘இந்த’ பகுதிகளில் மின்தடை – முக்கிய அறிவிப்பு வெளியீடு!

மின் நியமனத்தின் நன்மைகள்:

• இ-நாமினேஷனைத் தாக்கல் செய்த பிறகு, ஒரு EPFO உறுப்பினர் இறந்தால் அவர்களது குடும்ப உறுப்பினர்கள் ஆன்லைன் தீர்வைக் கோரலாம் என்று EPFO தெரிவித்துள்ளது.
• PF, ஓய்வூதியம் மற்றும் ரூ.7 லட்சம் வரையிலான காப்பீட்டுக்கான ஆன்லைன் பேமெண்ட், பேப்பர்லெஸ் மற்றும் விரைவான க்ளைம் செட்டில்மெண்ட் தகுதியான நாமினிகளுக்கு வழங்கப்படும்.
• வருங்கால வைப்பு நிதி (PF), ஓய்வூதியம் (EPS), மற்றும் காப்பீடு (EDLI) பலன்களைப் பெற, ஒருவரின் EPF கணக்கில் மின் நியமனம் செய்யப்பட வேண்டும்.
• ஆன்லைனில் EPF பரிந்துரையை தாக்கல் செய்வதற்கான 10 எளிய வழிமுறைகள்:
• EPFO இணையதளத்திற்குச் சென்று ‘சேவைகள்’ பகுதிக்குச் செல்லவும்.
• ‘ஊழியர்களுக்கான’ பகுதியைக் கண்டறிந்து, ‘உறுப்பினர் UAN/ஆன்லைன் சேவை’ என்பதைக் கிளிக் செய்யவும்.
• இப்போது UAN மற்றும் கடவுச்சொல் மூலம் உள்நுழையவும்.
• ‘நிர்வகி’ தாவலின் கீழ், ‘இ-நாமினேஷன்’ என்பதைத் தேர்ந்தெடுக்கவும்.
• இப்போது ‘விவரங்களை வழங்கு’ தாவல் தோன்றும், ‘சேமி’ என்பதைக் கிளிக் செய்யவும்.
• உங்கள் குடும்ப அறிவிப்பைப் புதுப்பிக்க ‘ஆம்’ என்பதைக் கிளிக் செய்து, உங்கள் குடும்ப உறுப்பினர்களின்
  ஆதார், பெயர், பிறந்த தேதி, பாலினம், உறவு, முகவரி, வங்கிக் கணக்கு விவரங்கள் (விரும்பினால்), பாதுகாவலர் மற்றும் பாஸ்போர்ட் அளவு புகைப்படம் போன்ற விவரங்களைச் சேர்க்கவும்.
• ஒன்று அல்லது அதற்கு மேற்பட்ட குடும்ப உறுப்பினர்களைச் சேர்க்க, இப்போது ‘குடும்ப விவரங்களைச் சேர்’ என்பதைக் கிளிக் செய்யவும்.
• பங்குகளின் மொத்தத் தொகையை அறிவிக்க ‘நாமினேஷன் விவரங்கள்’ என்பதைக் கிளிக் செய்து, ‘சேவ் இபிஎஃப் நியமனம்’ என்பதைக் கிளிக் செய்யவும்.
• OTP ஐ உருவாக்க இப்போது ‘e-Sign’ என்பதைக் கிளிக் செய்து, ஆதாருடன் இணைக்கப்பட்ட உங்கள் மொபைல் எண்ணில் பெறப்பட்ட OTPயைச் சமர்ப்பிக்கவும்.
• EPF நியமன அறிவிப்புக்குப் பிறகு, உறுப்பினர்களால் சமர்ப்பிக்க வேண்டிய ஆவணங்கள் எதுவும் தேவையில்லை.
• இ-நாமினேஷனைச் சமர்ப்பிக்க, ஒரு உறுப்பினர் முதலில் தனது UAN கணக்கை UAN உறுப்பினர் போர்ட்டலில் செயல்படுத்த வேண்டும் மற்றும் அவரது UAN, உறுப்பினர் ஐடி, நிறுவன ஐடி, பெயர், பிறந்த தேதி, தந்தை/ மனைவி பெயர், உறவு, இணைந்த தேதி ஆகியவற்றை உறுதி செய்ய வேண்டும். ஆன்லைனில் நியமன விவரங்களைப் பெறுவதற்கு உறுப்பினர் ஒவ்வொரு நாமினிக்கும் ஒரு KYC விவரங்களைச் சமர்ப்பிக்க வேண்டும், மேலும் அனைத்து PF/ EDLI பரிந்துரைக்கப்பட்டவர்களின் மொத்தப் பங்கு 100% சமமாக இருக்க வேண்டும்.

TNPSC Online Classes