இரவு 11 மணி முதல் காலை 6 மணி வரை இரவு ஊரடங்கு அமல் – மாநில அரசு உத்தரவு!
உத்தரபிரதேச அரசு மாநிலத்தில் கோவிட் -19 தொற்று நோய் குறைந்து வருவதை முன்னிட்டு இரவு ஊரடங்கு உத்தரவு நேரத்தை குறைத்தும், மற்ற கட்டுப்பாடுகளில் தளர்வுகளும் அளிக்கப்பட்டுள்ளது.
ஊரடங்கு தளர்வுகள்:
உத்தரபிரதேசத்தில் சனிக்கிழமை நிலவரப்படி 1,776 பேருக்கு புதிதாக கொரோனா தொற்று உறுதி செய்யப்பட்டுள்ளது. இது மாநிலத்தில் செயலில் உள்ள பாதிக்கப்பட்டவர்களின் எண்ணிக்கையை 15,276 ஆக அதிகரித்துள்ளது. கடந்த 24 மணி நேரத்தில் 3,101 பேர் தொற்று பாதிப்பில் இருந்து குணமடைந்துள்ளனர். ஆனால் தொற்று பாதிப்பு காரணமாக மாநிலத்தில் 10 பேர் உயிரிழந்துள்ளனர். தினசரி கோவிட்-19 வழக்குகள் குறைந்து வருவதைக் கருத்தில் கொண்டு, உத்தரப் பிரதேச அரசு இப்போது இரவு ஊரடங்கு உத்தரவு நேரத்தை ஒரு மணி நேரம் தளர்த்தியுள்ளது.
TNPSC தேர்வெழுத தயாராகும் அனைவருக்கும் முக்கிய அறிவிப்பு – பிப்ரவரி 28 கடைசி நாள்!
முன்னதாக கொரோனா வைரஸின் ஓமிக்ரான் மாறுபாடு நாடு முழுவதும் அதிகரித்து வந்த காரணத்தால் இரவு 10 மணி முதல் காலை 6 மணி வரை இரவு ஊரடங்கு உத்தரவு அமலில் இருந்து வந்தது. தற்போது புதிதாக தினமும் இரவு 11 மணி முதல் காலை 6 மணி வரை அமலில் இருக்கும் என்று மாநில அரசு தனது உத்தரவில் தெரிவித்துள்ளது. வெள்ளிக்கிழமை மாநில அரசு திருத்தப்பட்ட கோவிட்-19 வழிகாட்டுதல்களை வெளியிட்டது. புதிய வழிகாட்டுதல்களின்படி, மாநிலத்தில் உள்ள பள்ளிகள் அனைத்து வகுப்புகளுக்கும் (நர்சரி முதல் 12 ஆம் வகுப்பு வரை) நாளை பிப்ரவரி 14ம் தேதி முதல் மீண்டும் திறக்கப்படும்.
தமிழகத்தில் அஞ்சல் ஆயுள் காப்பீடு முகவா் வேலை – பிப்.22 கடைசி நாள்! 10ம் வகுப்பு தேர்ச்சி போதும்!
மேலும், தனியார் மற்றும் அரசு அலுவலகங்கள் முழு அளவில் செயல்பட அனுமதிக்கப்படுகிறது. உணவகங்கள், சினிமா அரங்குகள் மற்றும் ஹோட்டல்களும் திறக்க அனுமதிக்கப்பட்டுள்ளன. மக்கள் அனைத்து சூழ்நிலைகளிலும் கொரோனா நோய் தடுப்பு விதிமுறைகளை முழுமையாக கடைபிடிக்க அறிவுறுத்தப்பட்டுள்ளனர். நோய் தொற்று குறைந்துள்ள பல மாநிலங்களிலும் கல்வி நிலையங்கள் படிப்படியாக திறக்கப்பட்டு வருவது குறிப்பிடத்தக்கது.
