தற்காலிக வனக் காவலர்களுக்கு ரூ.11,820 ஆக சம்பள உயர்வு – கோரிக்கை ஏற்பு!
தமிழகத்தில் கூடலூர் வன கோட்ட பகுதியில் மனித – வனவிலங்கு மோதல்களை கட்டுப்படுத்தும் விதமாக தற்காலிக வன ஊழியர்கள் நியமிக்கப்பட்டுள்ளனர். அவர்களுக்கு தற்போது தமிழக அரசு ஊதியத்தை உயர்த்தி உத்தரவிட்டுள்ளது.
ஊதிய உயர்வு:
தமிழகத்தில் கூடலூர் வனக்கோட்டம் கேரளா மற்றும் கர்நாடகா எல்லைப் பகுதியில் அமைந்துள்ளது. இந்த கூடலூர் வன கோட்ட பகுதியில் வன ஊழியர் பணியிடங்கள் 40க்கும் மேல் காலியாக உள்ளது. இந்த வனபகுதியில் யானை கூட்டம் அதிக அளவில் காணப்படுகிறது. அதனால் இந்த பகுதியில் பணிபுரியும் வன ஊழியர்கள் வனத்தை காப்பது மட்டுமல்லாது மனித – வன விலங்கு மோதல்களை தடுக்கும் முக்கிய பணிகளில் ஈடுபடுத்தப்பட்டு வருகின்றனர்.
தமிழகத்தில் தீபாவளி கொண்டாட சொந்த ஊர் சென்றோர் கவனத்திற்கு – 17,719 சிறப்பு பேருந்துகள்!
இதனை தடுக்கும் விதமாக கூடலுார் வனக்கோட்டத்தில் யானை விரட்டும் பணியில் தற்காலிக வேட்டை தடுப்பு காவலர்கள், யானை விரட்டும் குழு காவலர்கள் என 90 பேர் தற்காலிகமாக நியமிக்கப்பட்டுள்ளனர். அவர்கள் காலம், நேரம் பார்க்காமல் பணியாற்றி வருவதால் மனித – வன விலங்கு மோதல் ஓரளவு தடுக்கப்பட்டு வருகிறது. இவ்வாறு தற்காலிகமாக நியமிக்கப்பட்டுள்ள 90 யானை விரட்டும் காவலர்களுக்கு மாதம் தலா ரூ.6,750 சம்பளமாக வழங்கப்பட்டு வருகிறது.
CBSE 10, 12ம் வகுப்பு மாணவர்களுக்கு முக்கிய அறிவிப்பு – நவ.9ம் தேதி நுழைவுச்சீட்டு வெளியீடு!
நீண்ட நாட்களாக இந்த சம்பளம் குடும்ப செலவுகளுக்கு போதுமானதாக இல்லை, சம்பள உயர்வு வழங்குமாறு அரசுக்கு வலியுறுத்தி வந்துள்ளனர். அதனை தொடர்ந்து கடந்த ஆறு மாத காலமாக அவர்களுக்கு சம்பளம் ஏதும் வழங்கவில்லை. இந்நிலையில் தமிழக அரசு தற்போது அவர்களது கோரிக்கையை ஏற்று ஊதிய உயர்வு வழங்கியுள்ளது. தற்போது அவர்களுக்கு ரூ.11,820 ஊதியம் வழங்க அறிவிப்பு வெளியிடப்பட்டுள்ளது. மேலும் நிலுவையில் இருந்த 6 மாத ஊதியத்தில் முதல் 2 மாத ஊதியத்தையும் சேர்த்து தற்போது வழங்கியுள்ளது. அதனால் யானை விரட்டும் காவலர்கள் மகிழ்ச்சியில் உள்ளனர்.
