தமிழகத்தில் அக்.23 முதல் சிறப்பு அரசு பேருந்துகள் இயக்கம் – சுபமுகூர்த்த நாட்கள் எதிரொலி!
தமிழகத்தில் ஐப்பசி மாதத்தில் வரும் சுபமுகூர்த்த நாட்களான அக்டோபர் 24 மற்றும் 25ம் தேதிகளில் மக்கள் அதிகளவு பயணிக்க வசதியாக கூடுதலாக சிறப்பு பேருந்துகளை இயக்க போக்குவரத்து கழகம் திட்டமிட்டுள்ளது.
சிறப்பு பேருந்துகள்:
தமிழகத்தில் சில குறிப்பிட்ட தமிழ் மாதங்களில் குடும்ப விழாக்களை மக்கள் திட்டமிடுவதை தவிர்த்து விடுவார்கள். அதேபோல், புரட்டாசி மாதம் முடிந்து தற்போது ஐப்பசி மாதம் தொடங்கியுள்ளது. ஐப்பசி மாதத்தில் பொதுவாக திருமணம் உள்ளிட்ட சுபகாரியங்களை மக்கள் திட்டமிடுவார்கள். இந்த மாதத்தில் முகூர்த்த நாட்களின் எண்ணிக்கையும் அதிகமாக உள்ளது. இந்நிலையில், கடந்த ஆண்டு முதல் கொரோனா பரவல் காரணமாக அனைத்து விழாக்கள் மற்றும் பண்டிகைகளில் மக்கள் அதிக அளவில் கூடுவதற்கு அரசு தடை விதித்தது.
UPSC அரசு வேலை தேடுபவர்களின் கவனத்திற்கு – ஹெல்ப்லைன் எண் அறிமுகம்!
இதனால் குடும்பத்தில் நடக்கும் பல விழாக்களில் அனைவரும் கலந்து கொள்ள முடியாத சூழல் இருந்தது. தற்போது கொரோனா பாதிப்புகள் குறைந்து நிகழ்ச்சிகளில் கலந்து கொள்ளும் நபர்களின் எண்ணிக்கையை அரசு உயர்த்தியுள்ளது. இந்நிலையில், தற்போது ஐப்பசி மாதத்தின் முதல் முகூர்த்த தேதியாக அக்.24 & 25 ஆம் ஆகிய நாட்கள் வருகிறது. இந்த நாட்களில் பொதுமக்கள் பலரும் தங்களின் உறவினர்கள், நண்பர்கள் இல்ல திருமணத்திற்கு அதிகளவு செல்வார்கள். இதனால் மாநில தலைநகரான சென்னையில் இருந்து பல்வேறு பகுதிகளுக்கும் சிறப்பு பேருந்துகளை இயக்க விழுப்புரம் போக்குவரத்து கழகம் முடிவு செய்துள்ளது.
PF கணக்கு வைத்திருப்பவர்கள் கவனத்திற்கு – ரூ.7 லட்சம் ஃப்ரீ இன்சூரன்ஸ், விவரங்கள் இதோ!
எனவே சென்னையில் இருந்து விழுப்புரம், திருவண்ணாமலை, வேலூர், வந்தவாசி, ஆரணி, புதுச்சேரி மற்றும் காஞ்சிபுரம் உட்பட பல்வேறு நகரங்களுக்கு 200 சிறப்பு பேருந்துகள் வரும் அக்டோபர் 23, 24 மற்றும் 25ம் தேதிகளில் இயக்க திட்டமிடப்பட்டுள்ளது. மேலும் பயணிகளின் எண்ணிக்கை அதிகரிப்பதை பொறுத்து சிறப்பு பேருந்துகளின் எண்ணிக்கையை அதிகரிக்க போக்குவரத்து கழக அதிகாரிகள் முடிவு செய்துள்ளனர்.
