TCS நிறுவனத்தில் இன்ஜினியரிங் பட்டதாரிகளுக்கு வேலைவாய்ப்பு – கைநிறைய சம்பளம்! விண்ணப்பங்கள் வரவேற்பு!
இந்தியாவில் கொரோனா பரவல் காரணமாக கடந்த 2 ஆண்டுகளாக பல்வேறு தொழில் துறையில் அதிக அளவு சரிவு ஏற்பட்டுள்ளது. ஆனால் ஊரடங்கு காலத்திலும் ஐடி பணியாளர்கள் வீட்டில் இருந்தபடியே வேலை செய்து வந்தனர். இந்த நிலையில் ஐடி துறை சார்பில் வேலைவாய்ப்பு அறிவிப்பு வெளியாகியுள்ளது.
பொறியியல் மாணவர்களுக்கு வேலைவாய்ப்பு:
இந்தியாவின் முன்னணி ஐடி நிறுவனமான TCS இன்ஜினியரிங் பட்டதாரிகளிடமிருந்து ஆஃப் கேம்பஸ் டிஜிட்டல் பணியமர்த்தலுக்கான விண்ணப்பங்களை வரவேற்கிறது.
விண்ணப்பதாரர் வயது வரம்பு: 18 முதல் 28 வயது வரை
தேர்வு முறை: விண்ணப்பதாரர்கள் ஆன்லைன் தேர்வு மற்றும் தனிப்பட்ட நேர்காணல் மூலம் தேர்ந்தெடுக்கப்படுகிறார்கள்.
சம்பள விவரம்: தேர்வு செய்யப்படும் இளங்கலை பட்டதாரிகளுக்கு ஆண்டுக்கு 7 லட்சம் வரை சம்பளம் வழங்கப்படும். முதுகலை பட்டதாரிகளுக்கு ஆண்டுக்கு 7.3 லட்சம் சம்பளம் வழங்கப்படும்.
விண்ணப்பதாரர் தகுதி வரம்பு: இளங்கலை அல்லது முதுகலை தொழில்நுட்பம் (B.Tech) அல்லது (M.Tech) / இளங்கலை அல்லது பொறியியல் முதுகலை (BE) அல்லது (ME) / கணினி பயன்பாடு மாஸ்டர் (MCA) / முதுநிலை அறிவியல் (M.Sc) மாணவர்கள் அங்கீகரிக்கப்பட்ட கல்லூரி / பல்கலைக்கழகத்தில் 2019, 2020, 2021 இல் பட்டம் பெற்றவர்கள் மட்டுமே விண்ணப்பிக்க தகுதியுடையவர்கள்.
விண்ணப்பதாரர்கள் 10, 12 ஆம் வகுப்பு, டிப்ளமோ (if applicable), பட்டப்படிப்பு மற்றும் முதுநிலைப் பட்டப்படிப்பில் குறைந்தபட்சம் 70% மொத்த மதிப்பெண்களைப் பெற்றிருக்க வேண்டும். விண்ணப்பதாரர்கள் எந்த வகையான பின்னடைவுகளையும் கொண்டிருக்கக் கூடாது மற்றும் குறிப்பிட்ட காலப்பகுதியில் படிப்பை முடித்திருக்க வேண்டும்.
மாநில அரசு ஓய்வூதியதரர்களுக்கு ஹாப்பி நியூஸ் – இனி ஆன்லைனில் உயிர்வாழ் சான்றிதழ்!
விண்ணப்பதாரர் பணி அனுபவம்: விண்ணப்பதாரர்கள் தகவல் தொழில்நுட்ப (IT) துறையில் குறைந்தபட்சம் 6 – 12 மாத பணி அனுபவம் பெற்றிருக்க வேண்டும்.
தேர்வு முறை: நிறுவனம் நடத்தும் இரண்டு சுற்றுகளின் அடிப்படையில் விண்ணப்பதாரர்கள் தேர்ந்தெடுக்கப்படுகிறார்கள். அவை, ஆன்லைன் எழுத்துத் தேர்வு மற்றும் தனிப்பட்ட நேர்காணல் ஆகும். எழுத்துத் தேர்வு ஆன்லைனில் நடத்தப்படும். தேர்வில், அட்வான்ஸ்டு கேண்டிடேட் ஆப்டிடியூட் (40 நிமிடங்கள்), வெர்பல் எபிலிட்டி (10 நிமிடம்), அட்வான்ஸ்டு கோடிங் (60 நிமிடம்) அடிப்படையில் பல கேள்விகள் இருக்கும்.
விண்ணப்பிக்கும் முறை: விண்ணப்பதாரர்கள் அதிகாரப்பூர்வ தளத்தில் கிடைக்கும் ஆன்லைன் விண்ணப்ப படிவத்தை நிரப்ப வேண்டும். உங்கள் விண்ணப்பத்தை சமர்ப்பித்த பிறகு, இங்கே ‘டிஜிட்டல் டிரைவ் க்கு விண்ணப்பிக்கலாம், இது ஒரு முக்கியமான படியாகும். விண்ணப்பதாரர் ஒரு முறை மட்டுமே விண்ணப்பிக்க வேண்டும். ஒன்றுக்கு மேற்பட்ட முறை விண்ணப்பித்தால் உங்கள் விண்ணப்பம் நிராகரிக்கப்படலாம்.விண்ணப்பதாரர்கள் TCS Resonance இலிருந்து ஆன்லைன் தேர்வுக்கு தயாராகலாம்.
விண்ணப்பிக்க கடைசி தேதி: பிப்ரவரி 25 ஆம் தேதிக்குள் விண்ணப்பிக்க வேண்டும்.