ஜனவரி 31 வரை ஊரடங்கு கட்டுப்பாடுகள் நீட்டிப்பு – மாநில அரசு அறிவிப்பு!
மேற்கு வங்க மாநிலத்தில் கோவிட் -19 வழக்கு எண்ணிக்கை அதிக அளவில் உறுதி செய்யப்பட்டு வருவதை கவனத்தில் கொண்டு கோவிட் -19 கட்டுப்பாடுகளை ஜனவரி 31 வரை நீட்டித்து, மாநில அரசு உத்தரவிட்டுள்ளது.
அரசு உத்தரவு:
மேற்கு வங்க அரசின் சுகாதார அறிக்கையின் படி வெள்ளிக்கிழமையான நேற்றைய கோவிட் -19 நோய் தொற்று பாதிப்பு எண்ணிக்கை 22,645 ஆக பதிவாகியுள்ளது. இது வியாழக்கிழமை 23,467 ஆக இருந்தது. கடந்த சில நாட்களாக மாநிலம் அதன் தினசரி கோவிட்-19 பாதிப்பு எண்ணிக்கையில் அதிக அளவில் பதிவாகி வருகிறது. இதனால் மேற்கு வங்க தலைமைச் செயலாளர் ஹெச்.கே.திவேதி மாநிலம் முழுவதுக்குமான கோவிட் 19 கட்டுப்பாடுகளை அறிவித்து, விதிமுறைகள் கண்டிப்பாக பின்பற்றப்படுவதை உறுதி செய்யுமாறு காவல்துறை, உள்ளாட்சி அமைப்புகள் மற்றும் மாவட்ட நிர்வாகங்களுக்கு உத்தரவிட்டுள்ளார்.
ஆசிரியர்களுக்கு மீண்டும் ரூ.32,000 வரை சம்பள உயர்வு – மாநில அரசு அறிவிப்பு!
இதனால் ஜனவரி 31ம் தேதி வரை கொரோனா கட்டுப்பாடுகளை நீட்டித்து அரசு உத்தரவிட்டுள்ளது. மேலும், இதற்கான வழிகாட்டுதல்களையும் வெளியிட்டுள்ளது. அதன்படி, ஓமைக்ரான் மாறுபாட்டைக் கருத்தில் கொண்டு கோவிட் தொடர்பான கட்டுப்பாடுகளை நீட்டிக்க முடிவு செய்யப்பட்டுள்ளதாக மாநில அரசு தனது புதிய உத்தரவில் தெரிவித்துள்ளது. இந்தியாவில் இதுவரை 6,041 ஓமைக்ரான் வழக்குகள் கண்டறியப்பட்டுள்ளன. ஜனவரி 3 முதல் அங்கு இரவு ஊரடங்கு உத்தரவு அமலில் உள்ளது. அனைத்து வகையான வெளிப்புற நடவடிக்கைகளும் இரவு 10 மணி முதல் காலை 5 மணி வரை தடைசெய்யப்படும். இருப்பினும், அத்தியாவசிய மற்றும் அவசர சேவைகளுக்கு விலக்கு அளிக்கப்பட்டுள்ளது.
பள்ளிகள் மீண்டும் திறக்கப்படுமா? கொரோனா பரவல் எதிரொலி! உண்மை நிலவரம் என்ன?
திருமண நிகழ்வுகளை அதிகபட்சமாக 200 நபர்கள் அல்லது இடத்தின் திறனில் 50% என்ற அளவில் நடத்தலாம். மாநிலத்தில் உள்ள அனைத்து அரசு அலுவலகங்களும், தனியார் அலுவலகங்களும் 50 சதவீத திறனில் தொடர்ந்து செயல்படும். ஊழியர்கள் வீட்டிலிருந்து வேலை செய்வதை ஊக்குவிக்குமாறு மாநில அரசு கேட்டுக் கொண்டுள்ளது. பள்ளிகள், கல்லூரிகள் மற்றும் பல்கலைக்கழகங்கள் உட்பட அனைத்து கல்வி நிறுவனங்களும் தொடர்ந்து மூடப்பட்டிருக்கும். இருப்பினும், ஒரு நேரத்தில் 50 சதவீத திறனுடன் மட்டுமே நிர்வாக நடவடிக்கைகள் அனுமதிக்கப்படுகின்றன.
உணவகங்கள், பார்கள், திரையரங்குகள் ஒரே நேரத்தில் 50 சதவீத திறனுடன் செயல்படலாம். வழக்கமான செயல்பாட்டு நேரத்தின்படி 50 சதவீத இருக்கை வசதியுடன் மெட்ரோ சேவைகள் கிடைக்கும். உள்ளூர் ரயில்களும் இதேபோன்ற நெறிமுறையைப் பின்பற்றப்பட்டு இரவு 10 மணி வரை இயக்கப்படும் என்று தெரிவிக்கப்பட்டுள்ளது.
Velaivaippu Seithigal 2021
To Subscribe => Youtube Channel கிளிக் செய்யவும்
To Join => Whatsapp கிளிக் செய்யவும்
To Join => Facebook கிளக் செய்யவும்
To Join => Telegram Channel கிளிக் செய்யவும்
