பழனியில் கும்பாபிஷேகம், தைப்பூசம் முன்னிட்டு சிறப்பு ரயில் – தெற்கு ரயில்வே அறிவிப்பு!
பழனி முருகன் கோயிலில் தைப்பூசத்தை முன்னிட்டு கோவை – திண்டுக்கல் இடையே சிறப்பு ரயில் இயக்கப்பட உள்ளதாக ரயில்வே நிா்வாகம் சாா்பில் தெரிவிக்கப்பட்டுள்ளது.
சிறப்பு ரயில்:
பழனி முருகன் கோயிலில் கும்பாபிஷேகம் மற்றும் தைப்பூசத்தை முன்னிட்டு ஏராளமான பக்தர்கள் வருகை புரிவார்கள் என்பதால் பயணிகளின் நலன் கருதி சிறப்பு ரயில் இயக்க வேண்டும் என பயணிகள் தொடா்ந்து கோரிக்கை வைத்து வந்தனர். இந்த நிலையில், கோவை – திண்டுக்கல் இடையே சிறப்பு ரயில் இயக்கப்படுவதாக தெற்கு ரயில்வே அறிவிப்பை வெளியிட்டுள்ளது.
Telegram Updates for Latest Jobs & News – Join Now
மேலும் இது தொடா்பாக வெளியிட்ட அறிவிப்பில், பழனி முருகன் கோயிலில் கும்பாபிஷேகம் மற்றும் தைப்பூசத்தை முன்னிட்டு, கோவை – திண்டுக்கல் இடையே வருகிற ஜனவரி 27, 28, 29 மற்றும் பிப்ரவரி 4, 5, 6 ஆகிய தேதிகளில் சிறப்பு ரயில்கள் இயக்கப்படுவதாக தெரிவிக்கப்பட்டுள்ளது. மேற்கண்ட தேதிகளில் காலை 9.20 மணிக்கு கோவையில் இருந்து புறப்பட்டு காலை 11.43 மணிக்கு பழனியை சென்றடையும்.
BCC ஆவண பட சர்ச்சை .. நீடிக்கும் மாணவர்கள் போராட்டம் – பல்கலைக்கு 144 தடை உத்தரவு!
அதன்பின்பு பிற்பகல் 1 மணிக்கு திண்டுக்கல் சென்றடையும் என தெரிவிக்கப்பட்டுள்ளது. இதேபோல, மறுமார்க்கத்தில் திண்டுக்கல்-கோவை சிறப்பு ரயில், மேற்கண்ட தேதிகளில் திண்டுக்கல்லில் இருந்து பிற்பகல் 2 மணிக்கு புறப்பட்டு மதியம் 3 மணிக்கு பழனியை சென்றடையும் என அறிவிக்கப்பட்டுள்ளது. இந்த சிறப்பு ரயிலானது, கிணத்துக்கடவு, போத்தனூா், கோமங்கலம், பொள்ளாச்சி, மைவாடி சாலை, உடுமலைப்பேட்டை, புஷ்பத்தூா், பழனி, மடத்துக்குளம், ஒட்டன்சத்திரம், சத்திரப்பட்டி உள்ளிட்ட ரயில் நிலையங்களில் நின்று செல்லும் என்று அறிவிக்கப்பட்டுள்ளது.
