EPFO கணக்கு வைத்திருப்போர் கவனத்திற்கு – PF இருப்பை எப்படி சரிபார்க்கலாம்? முழு விவரம் இதோ!
EPFO ஒவ்வொரு ஆண்டும் PF வட்டி விகிதத்தை அறிவிக்கிறது. இந்நிலையில் ஊழியர்கள் தங்கள் EPF கணக்குகளில் ஏற்றப்பட்டுள்ள வட்டியின் இருப்பை தெரிந்துகொள்ள சில ஆன்லைன் மற்றும் ஆஃப்லைன் வழிமுறைகளை பின்பற்றலாம். இதற்கான 4 எளிய வழிமுறைகளை இப்பதிவில் தெரிந்து கொள்ளலாம்.
PF இருப்பு:
வருங்கால வைப்பு நிதி, அதிக வருமானத்திற்கான மிக முக்கியமான முதலீட்டு விருப்பங்களில் ஒன்றாக அறியப்படுகிறது. இருப்பினும், சமீபத்தில், மத்திய அரசால் PF மீதான வட்டி விகிதம் 8.5% லிருந்து 8.1% ஆக குறைக்கப்பட்டுள்ளது.
SMS மூலம் பேலன்ஸ் சரிபார்க்க:
PF இருப்பை SMS மூலம் சரிபார்க்க “EPFOHO UAN ENG” என்று டைப் செய்து 7738299899 என்ற எண்ணுக்கு SMS அனுப்பினால் போதும். அதன் பிறகு கடைசி PF பங்களிப்பு மற்றும் மொத்த PF இருப்புடன் SMS ஒன்றைப் பெறுவீர்கள். இப்போது, யுஏஎன் வழங்காமல் அல்லது இணையச் சேவை இல்லாத பட்சத்தில் பிஎஃப் இருப்பை சரிபார்க்கவும் இந்த முறை உதவும். இருப்பினும், சந்தாதாரர்கள் பதிவு செய்யப்பட்ட மொபைல் எண்ணிலிருந்து மட்டுமே எஸ்எம்எஸ் அனுப்ப வேண்டும் என்பதை உறுதி செய்யவும்.
EPFO இணையதளம் மூலம் சரிபார்க்க:
- EPFO இணையதளம் வழியாக PF இருப்பைச் சரிபார்க்க முதலில் அதிகாரப்பூர்வ இணையதளத்திற்கு செல்லவும்.
- அங்கு ஊழியர் பிரிவின் கீழ் உள்ள ‘உறுப்பினர் பாஸ்புக்’ என்பதை கிளிக் செய்யவும்
- உங்கள் UAN மற்றும் கடவுச்சொல்லுடன் உள்நுழையவும்
- அதன்பிறகு நீங்கள் பெற்ற பிஎஃப் வட்டியுடன் பிஎஃப் பாஸ்புக்கை காண்பீர்கள்.
- உங்களின் UAN உடன் ஒன்றுக்கும் மேற்பட்ட PF கணக்குகள் இணைக்கப்பட்டிருந்தால், அந்தக் கணக்குகளுக்கான விவரங்களையும் நீங்கள் பார்க்க முடியும்.
Exams Daily Mobile App Download
- இருப்பைச் சரிபார்க்க, நீங்கள் குறிப்பிட்ட உறுப்பினர் ஐடியை கிளிக் செய்ய வேண்டும்.
- உமாங் ஆப் மூலம் PF இருப்பை சரிபார்க்க:
- நீங்கள் Play Store அல்லது App Store லிருந்து அந்த பயன்பாட்டைப் பதிவிறக்க வேண்டும்.
- இதில் உரிமைகோரல் நிலை, உங்கள் வாடிக்கையாளரின் (KYC) நிலையை அறிதல் போன்ற EPF விவரங்களை நீங்கள் சரிபார்க்கலாம்.
UAN இல்லாமல் PF இருப்பைச் சரிபார்த்தல்:
- UAN இல்லாமல், நீங்கள் epfoservices.in/epfo/ என்ற தளத்திற்குச் சென்று, அலுவலக இணைப்பைக் கிளிக் செய்வதற்கு முன் மாநிலத்தைத் தேர்வுசெய்யலாம்.
- அங்கு நீங்கள் PF கணக்கு எண், பெயர் மற்றும் பதிவு செய்யப்பட்ட மொபைல் எண் ஆகியவற்றை வைக்க வேண்டும்.
- அதன் பிறகு, உங்கள் இருப்பைச் சரிபார்க்க ‘சமர்ப்பி’ விருப்பத்தை கிளிக் செய்யவும்