ஆதார் கார்டில் போட்டோவை மாற்றுவது எப்படி? எளிய வழிமுறைகள் இதோ!
நாடு முழுவதும் உள்ள அனைத்து இந்திய குடிமகனுக்கும் தனித்துவ அடையாள அட்டையாக ஆதார் அட்டை வழங்கப்பட்டுள்ளது. அத்தகைய ஆதார் அட்டையில் இருக்கும் அவரவர் முகம் சிலருக்கு சரியாக தெரியாத வகையில் அமைந்துள்ளது. அதனை மாற்றும் முறை குறித்த முழு விபரங்களையும் இந்த பதிவில் காணலாம்.
போட்டோ மாற்றம்:
மத்திய அரசு இந்தியாவில் உள்ள அனைத்து குடிமகனுக்கும் தனித்துவ அடையாள அட்டையாக ஆதார் அட்டை வழங்கியுள்ளது. இந்த அடையாள அட்டை அரசு மற்றும் தனியார் நிறுவனங்கள் என அனைத்து விதமான செயல்பாடுகளுக்கும் முக்கியத்துவம் வாய்ந்ததாக கருதப்பட்டுள்ளது. இந்த ஆதார் அட்டை குழந்தைகள் முதல் பெரியவர் வரை அனைவருக்கும் முக்கியமானது மற்றும் கட்டாயமானது என்று இந்திய அரசு அறிவித்துள்ளது. இந்த அடையாள அட்டையில் ஒரு தனி நபரின் பெயர், பிறந்த தேதி, போட்டோ மற்றும் முகவரி உள்ளிட்ட விபரங்கள் குறிப்பிடப்பட்டிருக்கும்.
தமிழகத்தில் அரசு விழாக்கள் நடத்த தடை, கூடுதல் கட்டுப்பாடுகள் – முக்கிய கோரிக்கை!
அவ்வாறு குறிப்பிடப்பட்ட விபரங்களில் ஏதேனும் தவறுகள் இருந்தால் அதனை ஆன்லைன் மூலம் மாற்றம் அல்லது திருத்தம் செய்து கொள்ளலாம். இத்தகைய வசதியை இந்திய தனித்துவ அடையாள ஆணையம் நடைமுறைப்படுத்தியுள்ளது. ஆனால் இவற்றில் இரண்டு விபரங்களை மட்டும் ஆதார் சேவை மையம் அல்லது ஆதார் சேவா கேந்திராவிற்கு சென்று தான் மாற்றம் மேற்கொள்ள முடியும். அவை மொபைல் எண் மற்றும் போட்டோ ஆகும். மற்ற விபரங்களையும் ஒரு குறிப்பிட்ட வரைமுறையோடு மட்டுமே மாற்றம் செய்யமுடியும். அந்த வகையில் போட்டோ மாற்றம் செய்வதற்கான வழிமுறைகள் குறித்து இந்த பதிவில் பின்வருமாறு காணலாம்.
ஆதாரில் போட்டோ மாற்றம் செய்வதற்கான எளிய வழிமுறைகள்:
1. முதலில் ஆதாரில் போட்டோ மாற்றம் செய்வதற்கு https://uidai.gov.in/my-aadhaar/get-aadhaar.html என்ற ஆதாரின் அதிகாரபூர்வ இணையதளத்தில் இருக்கும் படிவத்தை பூர்த்தி செய்து அதனை ஆதார் சேவை மையம் அல்லது ஆதார் சேவா கேந்திராவிற்கு நேரில் சென்று கொடுக்க வேண்டும்.
2. அந்த படிவத்தில் ஆதார் போட்டோ மாற்றம் செய்வதற்கான விபரங்களை மட்டும் பூர்த்தி செய்தால் போதுமானது.
3. பின்னர் ஆதார் சேவை மைய அதிகாரி உங்களை புகைப்படம் எடுத்து அதனை பதிவேற்றம் செய்வார். இதற்கு ரூ.25 + GST வசூலிக்கப்படும். அதன்பின் உங்களுக்கு URN நம்பர் மற்றும் ஒப்புகை சீட்டு கொடுக்கப்படும்.
4. இந்த URN நம்பர் வைத்து https://uidai.gov.in/my-aadhaar/get-aadhaar.html என்ற இணையதளத்திற்கு சென்று உங்களது விண்ணப்பத்தின் நிலையை தெரிந்து கொள்ளலாம்.
5. இந்த சேவை மேற்கொள்ளும் செயல்முறைக்கு 90 நாட்கள் வரை ஆகலாம்.
6. அதன்பின் https://uidai.gov.in/my-aadhaar/get-aadhaar.html என்ற இணையதளத்திற்கு சென்று URN நம்பரை பதிவிட்டு உங்களது ஆதாரை பதிவிறக்கம் செய்து பிரிண்ட் அவுட் எடுத்துக் கொள்ளலாம்.