EPFO கணக்கு வைத்திருப்போருக்கான முக்கிய அறிவிப்பு – நாமினிகளை சேர்ப்பது எப்படி?
பிஎஃப் கணக்கு வைத்திருப்பவர்கள் அனைத்து PF பலன்களை பெற பிஎஃப் கணக்குடன் நாமினியை இணைப்பதை EPFO கட்டாயமாக்கியுள்ளது. தற்போது எப்படி ஆன்லைன் மூலமாகவே நாமினிகளை இணைப்பது என்பதை காணலாம்.
நாமினி அப்டேட்:
ஊழியர் வருங்கால வைப்பு நிதி அமைப்பு (EPFO) இந்த திட்டத்தின் கீழ் இணைந்துள்ள சந்தாதாரர்களின் வேட்புமனுவை தாக்கல் செய்யும்படி அறிவுறுத்தி வருகிறது. இது மட்டுமல்லாமல் பிஎஃப் கணக்கு வைத்திருப்பவர்கள் கண்டிப்பாக தங்களது கணக்கில் நாமினிகளை இணைக்க வேண்டும் என்பதை EPFO கட்டாயமாக்கியுள்ளது. நாமினிகளை இணைக்காவிட்டால் பிஎஃப் கணக்கு வைத்திருப்பவர்கள் PF பலன்களை பெற முடியாது. ஓய்வூதிய அமைப்பின் கூடுதல் பலன்களைப் பெற விரும்பினால் EPFO ன் இணையதளத்தில் எளிதாக வேட்புமனு தாக்கல் செய்யலாம்.
திருப்பதி தரிசனம் செல்லும் பக்தர்கள் கவனத்திற்கு – 20 சிறப்பு ரயில்கள் இயக்கம்!
தற்போது EPFO ஒரு புதிய விதியை அமல்படுத்தியுள்ளது. புதிய நியமனத்திற்கு விண்ணப்பிக்கும் முன்பு அல்லது ஏற்கனவே இருக்கும் நியமனத்தை மாற்றுவதற்கு முன்பு EPF கணக்கில் சுயவிவரப் படத்தைச் சேர்க்க வேண்டும். தற்போது எப்படி EPF நியமனத்தை ஆன்லைனில் தாக்கல் செய்யலாம் என்பதை காணலாம். முதலில் EPFO ன் அதிகாரபூர்வமான இணையதள முகவரியான epfindia.gov.in என்கிற பகுதிக்கு செல்ல வேண்டும். பின்பு, அதில் உள்ள சேவை என்கிற பகுதியை கிளிக் செய்யவும்.
Exams Daily Mobile App Download
பின்னர் உறுப்பினர் UAN ஆன்லைன் சேவை (OCS/OTP) என்பதைக் கிளிக் செய்து UAN மற்றும் கடவுச்சொல்லை பதிவிட்டு உள்ளே நுழையவும். பின்பு, மேனேஜ் டேப் என்பதன் கீழ் உள்ள இ-நாமினேஷன் என்ற பகுதியை கிளிக் செய்யவும். குடும்ப அறிவிப்பைப் புதுப்பிக்க ஆம் என்கிற விருப்பத்தை தேர்வு செய்யவும். இதனையடுத்து ஆதார் எண், வங்கி விவரங்கள், முகவரி மற்றும் புகைப்படம் போன்ற அனைத்து விவரங்களையும் உள்ளிட வேண்டும். பின்பு, நாமினேஷன் விவரங்கள்’ என்பதை கிளிக் செய்து, சேவ் இபிஎஃப் நியமனம் என்பதைக் கிளிக் செய்யவும். ஆதார் எண்ணுடன் இணைக்கப்பட்ட மொபைல் எண்ணிற்கு OTP வரும். அதனையும் உள்ளிட்ட பிறகு நாமினிகளை சேர்த்துவிடலாம்.
