தொடர்ந்து வாடிக்கையாளர்களை இழக்கும் Netflix – விரைவில் குறைந்த கட்டணத்தில் புதிய திட்டங்கள்!
ஓடிடி நிறுவனமான நெட்ஃபிளிக்ஸ் அண்மைக்காலமாக நிறைய சப்ஸ்கிரைபர்களை இழந்து வருகிறது. இதனால், குறைந்த கட்டணத்தில் பிளான்களை அறிமுகப்படுத்த நெட்ஃபிளிக்ஸ் ஏற்கனவே திட்டமிட்டு சில நிறுவனங்களுடன் பேச்சுவார்த்தை நடத்தி வருவது குறிப்பிடத்தக்கது.
சரிவை சந்திக்கும் Netflix:
உலக அளவில் பிரபலமான ஓடிடி தளமான நெட்ஃபிளிக்ஸ் நிறுவனம் கடந்த சில மாதங்களாக நெருக்கடியை சந்தித்து வருகிறது. முதலில் ஏராளமான பயனர்களை நெட்ஃபிக்ஸ் நிறுவனம் இழந்தது. மேலும், வருவாய் இழப்பு, செலவுகள் அதிகரிப்பு போன்ற பிரச்சினைகளையும் நெட்ஃபிளிக்ஸ் சந்தித்து வருகிறது. இதையடுத்து சப்ஸ்கிரைபர்களை அதிகரிப்பதற்காக நெட்ஃபிளிக்ஸ் குறைந்த கட்டணம் கொண்ட புதிய திட்டத்தை அறிமுகப்படுத்த உள்ளது. இந்த குறைந்த கட்டண திட்டத்தில் சப்ஸ்கிரைபர்கள் ஷோக்களை கண்டு ரசிக்கலாம், அதே சமயம் கூடுதல் வருவாய் ஈட்டுவதற்காக விளம்பரங்களை ஒளிபரப்ப திட்டமிட்டுள்ளது. இதற்காக மைக்ரோசாஃப்ட் நிறுவனத்துடன் நெட்ஃபிளிக்ஸ் கரம் கோர்த்து உள்ளது.
Exams Daily Mobile App Download
நெட்ஃபிளிக்ஸ் நிறுவனம் பயனர்களையும், வருவாயையும் இழப்பதற்கு மிக முக்கிய காரணம், பயனர்கள் தங்கள் நெட்ஃபிளிக்ஸ் பாஸ்வோர்டை மற்றவர்களுடன் பகிர்ந்துகொள்வதே என நெட்ஃபிளிக்ஸ் தெரிவித்துள்ளது. மேலும் நிறுவனம் சந்தைப்படுத்தல் மற்றும் சமூக ஊடகங்கள் போன்ற பகுதிகளில் பணியாளர்கள் மற்றும் ஒப்பந்தத் தொழிலாளர்களை பணி நீக்கம் செய்வதன் மூலம் செலவுகளைக் குறைத்து வருகிறது. மேலும் பாஸ்வேர்ட் பகிர்வதை தடுக்க நடவடிக்கை எடுக்கப்படும் எனவும் ஏற்கனவே நெட்ஃபிளிக்ஸ் நிறுவனம் தெரிவித்திருந்தது. இந்நிலையில், பாஸ்வோர்டை பகிரும் பயனர்களிடம் கட்டணம் வசூலிக்க புதிய அம்சத்தை நெட்ஃபிக்ஸ் அறிமுகப்படுத்தியுள்ளது. இத்திட்டம் விரைவில் அமலுக்கு வரும் என எதிர்பார்க்கப்படுகிறது.
இந்திய ஆயில் கார்ப்பரேஷன் லிமிடெட் (IOCL) நிறுவனத்தில் ரூ.1,80,000/- சம்பளத்தில் வேலை !
அண்மைய காலாண்டில் Netflix சுமார் 970,000 வாடிக்கையாளர்களை இழந்தது குறிப்பிடத்தக்கது. தற்போது அதன் தளத்தில் 221 மில்லியனுக்கும் குறைவான பயனீட்டாளர்கள் உள்ளனர். இருப்பினும் பங்குச் சந்தையில் Netflix பங்குகளின் விலை அதிகரித்திருக்கிறது. நிறுவனத்தின் முதலீட்டாளர்கள் அதன் மீது இன்னமும் நம்பிக்கை வைத்திருப்பதை அது காட்டுகிறது. மேலும் சந்தாதாரர்களை மீண்டும் ஈர்க்கவும் புதியவர்களை ஈர்க்கவும் ஒரு தைரியமான நடவடிக்கையாக, நெட்ஃபிளிக்ஸ் இந்த வார இறுதியில் திரையரங்குகளில் குறைந்த வெளியீட்டிற்குப் பிறகு ஆக்ஷன் த்ரில்லரான தி கிரே மேனை ஸ்ட்ரீம் செய்ய உள்ளது. இத்திரைப்படம் $200 மில்லியன் செலவாகும் என அறிவிக்கப்பட்டது, இது நெட்ஃபிளிக்ஸ் வரலாற்றில் மிகவும் விலையுயர்ந்த திரைப்படமாகும்.
