அனைத்து ரேஷன் அட்டைதாரர்களுக்கும் ஹாப்பி நியூஸ் – மேரா ரேஷன் செயலியின் அம்சங்கள்!
மேரா ரேஷன் செயலியானது புலம்பெயர்ந்த தொழிலாளர்களுக்காகவும், அவர்கள் வேலைக்காக மாறிக்கொண்டே இருக்க வேண்டிய சூழல் இருப்பதால் எந்த இடத்தில இருந்தும் பலனடைந்து கொள்ளும் வகையில் வடிவமைக்கப்பட்டுள்ளது.
மேரா ரேஷன் ஆப்:
புலம்பெயர்ந்த தொழிலாளர்களுக்கு உதவும் வகையில் மேரா ரேஷன் செயலியை இந்திய அரசு அறிமுகப்படுத்தியுள்ளது. மேரா ரேஷன் நுகர்வோர் விவகாரங்கள், உணவு மற்றும் பொது விநியோக அமைச்சகத்தால் தொடங்கப்பட்டுள்ளது. இந்த செயலி மத்திய ஒரு நாடு ஒரு ரேஷன் கார்டு (ONORC) அமைப்பின் ஒரு பகுதியாகும். மேரா ரேஷன் செயலியானது புலம்பெயர்ந்த தொழிலாளர்களுக்காகவும், அவர்கள் வேலைக்காக மாறிக்கொண்டே இருக்க வேண்டிய சூழல் இருப்பதால் எந்த இடத்தில இருந்தும் பலனடைந்து கொள்ளும் வகையில் வடிவமைக்கப்பட்டுள்ளது.
இந்தியாவில் 100க்கும் மேற்பட்டோர்க்கு ஓமைக்ரான் தொற்று உறுதி – மத்திய அரசு தகவல்!
இந்த செயலி தற்போது 32 மாநிலங்கள் மற்றும் யூனியன் பிரதேசங்களில் அமலாக்கப்பட்டுள்ளது. மீதமுள்ள மாநிலங்கள் விரைவில் சேர்க்கப்படும் என தெரிவிக்கப்பட்டுள்ளது. உணவு மற்றும் பொது விநியோகத் துறையின் செயலாளர் சுதன்ஷு பாண்டே, இந்த அமைப்பு முதலில் நான்கு மாநிலங்களில் ஆகஸ்ட் 2019 இல் தொடங்கப்பட்டது, பின்னர் கடந்த ஆண்டு டிசம்பரில் 32 மாநிலங்கள் மற்றும் யூனியன் பிரதேசங்களுக்கு அறிமுகப்படுத்தப்பட்டது. இப்போது பட்டியலில் இல்லாத மாநிலங்கள் அசாம், சத்தீஸ்கர், டெல்லி மற்றும் மேற்கு வங்காளம் ஆகியவை ஆகும்.
இப்போது இந்த அமைப்பு கிட்டத்தட்ட 69 கோடி தேசிய உணவுப் பாதுகாப்புச் சட்ட பயனாளிகளை கொண்டுள்ளது. இது இந்தியாவில் உள்ள NFSA மக்கள்தொகையில் 86% ஆகும், மேலும் ONORC அமைப்பின் கீழ் மாத சராசரியாக 1.5 முதல் 1.6 கோடி பரிவர்த்தனைகள் பதிவு செய்யப்படுகின்றன என்று பாண்டே கூறியுள்ளார். மேரா ரேஷன் பயன்பாட்டைப் பற்றி தெரிந்து கொள்ள வேண்டிய முக்கியமான விஷயங்கள் கீழே கொடுக்கப்பட்டுள்ளது.
முக்கிய தகவல்கள்:
- Mera Ration மொபைல் ஆப்ஸ் இப்போது ஆண்ட்ராய்டில் மட்டுமே உள்ளது. அனைத்து இந்திய குடிமக்களும் மானிய விலையில் உணவு தானியங்களைப் பெற, பயன்பாட்டில் தங்களைப் பதிவு செய்து கொள்ளலாம்.
- Mera Ration செயலியானது பயனர்கள் தங்களுக்கு என்ன உரிமை இருக்கிறது என்பதைச் சரிபார்க்கவும், அருகிலுள்ள ரேஷன் கடைகளைக் கண்டறியவும் அனுமதிக்கிறது. இது பயோமெட்ரிக் அங்கீகாரத்தையும் ஆதரிக்கிறது.
- மேரா ரேஷன் பயன்பாடு ஆதார் அடிப்படையிலான உள்நுழைவுடன் வருகிறது மற்றும் இந்தி மற்றும் ஆங்கிலம் இரண்டிலும் கிடைக்கிறது. 14 பிராந்திய மொழிகளுக்கான ஆதரவு விரைவில் வரும் என எதிர்பார்க்கப்படுகிறது.
- நீங்கள் Google Play Store இலிருந்து பயன்பாட்டைப் பதிவிறக்கலாம் மற்றும் பதிவிறக்கம் செய்யப்பட்டவுடன் உங்கள் ரேஷன் கார்டு விவரங்களைப் பயன்படுத்தி பதிவு செய்ய வேண்டும்.