ரேஷன் அட்டைதாரர்கள் கவனத்திற்கு – மேரா ரேஷன் செயலி அறிமுகம்! முக்கிய விவரங்கள் இதோ!
இந்தியாவில் ‘ஒரே நாடு ஒரே ரேஷன் கார்டு’ திட்டத்தின் கீழ் உருவாக்கப்பட்ட மேரா ரேஷன் செயலியின் மூலம் பயனர்கள் தாங்கள் இருக்கும் இடங்களுக்கு அருகில் இருக்கும் ரேஷன் கடைகளை கண்டறியும் சேவைகள் அறிமுகம் செய்யப்பட்டுள்ளன.
ரேஷன் கடைகள்
நாடு முழுவதும் உள்ள அனைத்து ரேஷன் கார்டுதாரர்களையும் ஒன்றாக இணைக்கும் பொருட்டு மத்திய அரசு ‘ஒரே நாடு ஒரே ரேஷன் கார்டு’ திட்டத்தை செயல்படுத்தி வருகிறது. இது தவிர வேலை நிமித்தமாக வேறு மாநிலங்களுக்கு செல்லும் ஊழியர்கள் ரேஷன் பொருட்களை தடையில்லாமல் பெற்றுக்கொள்ளவும் இந்த ஒரே நாடு ஒரே ரேஷன் கார்டு திட்டம் துவங்கப்பட்டுள்ளது. இதன் மூலம் இந்தியாவில் உள்ள எந்தவொரு குடிமகனும் நாட்டில் எங்கு வேண்டுமானாலும் ரேஷன் பொருட்களை பெற்றுக் கொள்ளலாம்.
தடுப்பூசி செலுத்திக் கொள்ளாத அரசு ஊழியர்கள் கவனத்திற்கு – அதிரடி அறிவிப்பு வெளியீடு!
இதற்காக, ரேஷன் கார்டில் பதிவு செய்யப்பட்ட நபர்கள் மட்டுமே பயோமெட்ரிக் செயல்முறையை மேற்கொள்ள முடியும். அதே நேரத்தில், அரசாங்கம் சில நாட்களுக்கு முன்பு மேரா ரேஷன் என்ற புதிய செயலியை அறிமுகப்படுத்தி இருக்கிறது. இதன் மூலம் பயனர் ஒருவர் தங்களது வீட்டிற்கு அருகில் உள்ள ரேஷன் டீலரின் முகவரியை அறிந்து அங்கு சென்று ரேஷன் பொருட்களை எடுத்துக் கொள்ள முடியும். இந்த செயலியின் முக்கிய அம்சங்கள் குறித்த விவரங்களை இப்பதிவில் காணலாம்.
- மேரா ரேஷன் மொபைல் ஆப் இந்தி மற்றும் ஆங்கிலம் உள்ளிட்ட இரண்டு மொழிகளில் உள்ளது. இதன் பயன்பாடு மிகவும் எளிதானது.
- இந்த செயலியின் மூலம் உங்களுக்கு கோதுமை மற்றும் அரிசி எவ்வளவு வழங்கப்படுகிறது என்பதை அறிந்து கொள்ளலாம்.
- அதன் விலை என்ன, எவ்வளவு பெறப்பட்டது, இன்னும் எவ்வளவு பெற வேண்டும், ரேஷன் கார்டில் எவ்வளவு வினியோகம் செய்யப்பட்டுள்ளது, வீட்டைச் சுற்றி எத்தனை ரேஷன் டீலர்கள் உள்ளனர் என அனைத்தையும் தெரிந்து கொள்ளலாம்.
- இந்த ரேஷன் கார்டு டீலரையும் நீங்களே மாற்றிக் கொள்ளலாம்.
- தவிர உங்கள் வீட்டிலிருந்து எந்த டீலர் எவ்வளவு தொலைவில் இருக்கிறார் என்ற தகவலையும் இது வழங்குகிறது.
- டீலரின் உரிம எண் மற்றும் பெயர், முகவரி அனைத்தையும் இதில் காணலாம்.
ரேஷன் கார்டுடன் ஆதார் எண் இணைக்கப்பட்டுள்ளதா இல்லையா என்பதையும் - இதில் சரிபார்க்க முடியும்.
- நாடு முழுவதும் நீங்கள் எங்கு சென்றாலும், உங்களுக்கு அருகிலுள்ள டீலர்களைப் பற்றிய தகவல்களை இதில் பெற முடியும்.
- இந்த முழு அமைப்பும் Google Maps உடன் இணைக்கப்பட்டுள்ளது.
இப்போது இந்த ரேஷன் பயன்பாட்டை பதிவிறக்க:
- முதலில் கூகுள் ப்ளே ஸ்டோரில் என்னுடைய ரேஷன் என்று டைப் செய்து தேட வேண்டும்.
- இந்த செயலியை உங்கள் மொபைலில் பதிவிறக்கம் செய்து கொள்ளலாம்.
மொபைல் செயலியில் பதிவு செய்ய விருப்பம் உள்ளவர்கள் உங்கள் ரேஷன் கார்டு எண்ணை உள்ளிட வேண்டும். - இப்போது உங்கள் ரேஷன் கார்டு தொடர்பான அனைத்து தகவல்களும் இங்கே காண்பிக்கப்படும்.
- ரேஷன் கார்டு உறுப்பினர்களின் எண்ணிக்கை பற்றிய தகவல்களுடன் ஆதார் எண்ணும் தெரியும்.
- மொபைல் செயலியில் உள்ள தகுதி விருப்பத்தை தேர்வு செய்யும் போது, ரேஷன் கார்டு எண் குறித்து கேட்கப்படும்.
- அந்த எண்ணை உள்ளிட்ட பிறகு, உங்கள் ரேஷன் கார்டு இந்த திட்டத்தின் கீழ் உள்ளதா இல்லையா என்பது உங்களுக்குத் தெரியும்.
- Velaivaippu Seithigal 2021
