அனைத்து பள்ளி மாணவர்கள் கவனத்திற்கு – இனி வெள்ளிக்கிழமைகளில் விடுமுறை!
ஜார்கண்ட் மாநிலத்தின் ஒரு குறிப்பிட்ட மாவட்டத்தில் மட்டும் முஸ்லிம்கள் அதிகளவு வசித்து வருவதால் அங்குள்ள அரசுப்பள்ளிகளில் வெள்ளிக்கிழமைகள் தோறும் வார இறுதி விடுமுறையை கடைபிடிக்க மாநில அரசு அனுமதி அளித்துள்ளது.
வார இறுதி விடுமுறை
ஜார்கண்ட் மாநிலத்தில் உள்ள ஜம்தாரா மாவட்டத்தில் முன்னெப்போதும் இல்லாத வகையில் முஸ்லீம் இனத்தின் மக்கள் தொகை அதிகரித்து இருப்பதால் பல அரசுப் பள்ளிகள் வெள்ளிக்கிழமை முதல் ஞாயிற்றுக்கிழமை வரைக்கும் வார இறுதி விடுமுறையை மாற்றியுள்ளதாக தகவல்கள் வெளியாகியுள்ளது. அதாவது, இம்மாவட்டத்தில் வசிக்கும் முஸ்லிம் சமூகத்தை சேர்ந்தவர்கள் பாடசாலை அதிகாரிகளை வற்புறுத்தியதை அடுத்து இந்த தீர்மானம் எடுக்கப்பட்டுள்ளதாக தெரிவிக்கப்பட்டுள்ளது.
தமிழகத்தில் அடுத்த நான்கு நாட்களுக்கு கனமழை – வானிலை மையம் அறிவிப்பு!
இது குறித்த அறிக்கையின்படி, படிப்படியாக ஜம்தாராவில் உள்ள 100க்கும் மேற்பட்ட அரசுப் பள்ளிகள் மத அடிப்படையில் (ஜும்மா) வெள்ளிக்கிழமை முதல் வார விடுமுறையாக கடைபிடிக்கத் தொடங்கியுள்ளன. இப்போது, மாநிலக் கல்வித்துறையின் அதிகாரப்பூர்வ தரவுகளின்படி, ஜம்தாராவில் உள்ள 1084 அரசுப் பள்ளிகளில் 15 பள்ளிகள் மட்டுமே உருது நடுத்தர பள்ளிகளாக செயல்படுகின்றன. இங்குள்ள முஸ்லீம் ஆசிரியர்கள் பலரும் வெள்ளிக்கிழமைகள் தோறும் ஜும்மா தொழுகைக்காக பள்ளிக்கு வருவதை தவிர்க்கிறார்கள்.
Exams Daily Mobile App Download
இதை கருத்தில் கொண்டு ஜம்தாராவில் உள்ள 100க்கும் மேற்பட்ட அரசுப்பள்ளிகள் வெள்ளிக்கிழமைகளை வாராந்திர விடுமுறையாக அதிகாரப்பூர்வமாக நியமித்துள்ளன. இது குறித்து அரசுப் பள்ளி ஆசிரியர் ஒருவர் கூறுகையில், ஆரம்பத்தில் குறைந்த எண்ணிக்கையிலான மாணவர்களின் பெற்றோர்கள் வெள்ளிக்கிழமையை வார விடுமுறை நாளாக கடைப்பிடிக்க வேண்டும் என்று பள்ளி நிர்வாகத்திடம் கோரிக்கை விடுத்தனர். இருப்பினும், இது குறித்து உடனடி கூட்டத்தை நடத்திய அதிகாரிகள் வாராந்திர விடுமுறையில் மாற்றத்தை மேற்கொள்ள உத்தரவுகளை பிறப்பித்துள்ளனர் என குறிப்பிட்டுள்ளார்
