SBI வங்கியில் மூத்த குடிமக்களுக்கான சிறப்பு FD திட்டம் – வட்டி விகிதம், நன்மைகள் விளக்கம்!
ஸ்டேட் பேங்க் ஆப் இந்தியா (SBI) வங்கியில் மூத்த வாடிக்கையாளர்களுக்கு கொடுக்கப்படும் சிறப்பு FD திட்டத்தை செயல்படுத்துவதற்கான காலக்கெடு அடுத்த ஆண்டு மார்ச் மாதம் வரை நீட்டிக்கப்படுள்ள நிலையில் இதன் வட்டி விகிதம், நன்மைகள் குறித்த விவரங்களை இப்பதிவில் தெரிந்து கொள்ளலாம்.
காலக்கெடு நீட்டிப்பு
இந்தியாவின் மிகப்பெரிய பொதுத்துறை வங்கி நிறுவனமான ஸ்டேட் பேங்க் ஆப் இந்தியா (SBI) தனது மூத்த வாடிக்கையாளர்களுக்கான ‘SBI வாராந்திர மூத்த குடிமக்கள் கால வைப்பு திட்டம்’ என்ற சிறப்பு நிரந்தர வைப்பு திட்டத்தை (FD) கடந்த ஆண்டு மே மாதத்தில் அறிமுகப்படுத்தியது. இந்த திட்டம் துவங்கப்பட்ட முதல் சில மாதங்கள் வரையும் இது ஆயுள் கால சலுகைகளை கொண்டதாக இருந்தது. இத்திட்டம் 2020ம் ஆண்டு செப்டம்பர் மாதத்துடன் முடிவடைவதாகவும் அறிவிக்கப்பட்டது. ஆனால் கடந்த ஆண்டு இந்தியாவில் ஏற்பட்ட கொரோனா தொற்று நோய் காரணமாக இந்த காலக்கெடு பல முறை நீட்டிக்கப்பட்டது.
தமிழகத்தில் 1 முதல் 5ம் வகுப்பு வரை பள்ளிகள் திறப்பு கிடையாது? அரசுக்கு புதிய கோரிக்கை!
இந்த காலக்கெடு கடைசியாக மார்ச் 31, 2022 வரை நீட்டிக்கப்பட்டது. இது தொடர்பாக SBI வங்கியின் அதிகாரப்பூர்வ இணையதளத்தில், ‘SBI வங்கியின் மூத்த குடிமக்களுக்கான “SBI Wecare” வைப்புத் திட்டம் 31 மார்ச், 2022 வரை நீட்டிக்கப்பட்டுள்ளது. இந்த சலுகை 60 வயது மற்றும் அதற்கு மேற்பட்ட அனைத்து மூத்த குடிமக்கள் மற்றும் SBI ஓய்வூதியதாரர்களுக்கு பொருந்தும் விகிதம் 0.50 சதவீதம் அதிகமாக இருக்கும்’ என குறிப்பிட்டிருந்தது. இப்போது SBI மூத்த வாடிக்கையாளர்களுக்கு அளிக்கும் FD திட்டத்தின் சில நன்மைகள் குறித்து விவரமாக தெரிந்து கொள்வோம்.
SBI WECARE திட்டத்தின் நோக்கம்:
மூத்த குடிமக்களின் FD வைப்புத்தொகைக்கு கூடுதல் வட்டி வழங்குவதன் மூலம் அவர்களின் உள்நாட்டு கால வைப்புத்தொகையை பாதுகாக்கும் நோக்கத்துடன் இது உருவாக்கப்பட்டுள்ளது. இத்திட்டத்தின் கீழ், மூத்த குடிமக்கள் பிரிவில் வரும் SBI வாடிக்கையாளர்கள், அதாவது 60 வயது மற்றும் அதற்கு மேற்பட்டவர்கள், 5 வருடங்கள் கொண்ட FD கணக்குகளுக்கு தற்போதுள்ள 50 அடிப்படை புள்ளிகளுக்கு மேல் 30 அடிப்படை புள்ளிகள் அதாவது 80 அடிப்படை புள்ளிகளை பெறுவார்கள்.
EPFO பயனர்கள் கவனத்திற்கு – ஆவணங்கள் இன்றி ஒரே நாளில் 1 லட்ச ரூபாய் பெறலாம்!
அதே நேரத்தில் பொது மக்களின் ஐந்து வருட FDகளுக்கு 5.4 சதவீத வட்டி விகிதமும் வழங்கப்படுகிறது. இப்போது சிறப்பு FD திட்டத்தின் கீழ் ஒரு மூத்த குடிமகனது FD க்கு பொருந்தும் வட்டி விகிதம் சுமார் 6.20 சதவீதமாக இருக்கும். இந்த விகிதங்கள் அனைத்தும் ஜனவரி 8, 2021 முதல் நடைமுறைக்கு வந்துள்ளது. இப்போது நீங்கள் முன்கூட்டியே வைப்புத்தொகையை திரும்பப் பெற முடிவு செய்தால், கூடுதல் பிரீமியம் செலுத்தப்படாமல் போகலாம். மேலும் நீங்கள் 0.50% அபராதம் செலுத்த வேண்டியிருக்கும்.
SBI ‘WECARE’ திட்டத்தின் திருத்தப்பட்ட விகிதங்களை பொறுத்தளவு:
- 7 நாட்கள் முதல் 45 நாட்கள் – 3.4 சதவீதம்
- 46 நாட்கள் முதல் 179 நாட்கள் – 4.4 சதவீதம்
- 180 நாட்கள் முதல் 210 நாட்கள் வரை – 4.9 சதவீதம்
- 211 நாட்கள் முதல் 1 வருடத்திற்கும் குறைவாக – 4.9 சதவீதம்
- 1 வருடம் முதல் 2 வருடங்களுக்கும் குறைவாக – 5.5 சதவீதம்
- 2 ஆண்டுகள் முதல் 3 வருடங்களுக்கும் குறைவாக – 5.6 சதவீதம்
- 3 ஆண்டுகள் முதல் 5 வருடங்கள் வரை – 5.8 சதவீதம்
- 5 ஆண்டுகள் மற்றும் 10 ஆண்டுகள் வரை – 6.2 சதவீதம்
பொது குடிமக்களுக்கான SBI FD விகிதங்களை பொறுத்தளவு:
- 7 நாட்கள் முதல் 45 நாட்கள் – 2.9 சதவீதம்
- 46 நாட்கள் முதல் 179 நாட்கள் – 3.9 சதவீதம்
- 180 நாட்கள் முதல் 210 நாட்கள் வரை – 4.4 சதவீதம்
- 211 நாட்கள் முதல் 1 வருடத்திற்கும் குறைவாக – 4.4 சதவீதம்
- 1 வருடம் முதல் 2 வருடங்களுக்கும் குறைவாக – 5 சதவீதம்
- 2 ஆண்டுகள் முதல் 3 வருடங்களுக்கும் குறைவாக – 5.1 சதவீதம்
- 3 ஆண்டுகள் முதல் 5 வருடங்கள் வரை – 5.3 சதவீதம்
- 5 ஆண்டுகள் மற்றும் 10 ஆண்டுகள் வரை – 5.4 சதவீதம்
SBI ‘WECARE’ திட்டத்தின் அம்சங்கள் மற்றும் பலன்கள்:
இந்தத் திட்டத்தின் சிறப்பம்சங்களில் முக்கியமானது என்னவென்றால், வெவ்வேறு கால இடைவெளிகளில் கால வைப்புத்தொகைக்கு வட்டி செலுத்தலாம். இது மாதம் அல்லது காலாண்டாக இருக்கலாம். முதிர்வு காலத்தில் சிறப்பு கால வைப்புகளுக்கும் இதை பயன்படுத்தலாம். TDSன் அனைத்து வட்டி மற்றும் நிகரமும் வாடிக்கையாளரின் கணக்கில் நேரடியாக வரவு வைக்கப்படும் என்பதையும் கவனத்தில் கொள்ள வேண்டும். வருமான வரி சட்டத்தின் படி இந்த TDS பொருந்தும். இந்த திட்டம் புதிய வைப்புகளுக்கு கிடைக்கிறது என்பதும் கவனிக்கத்தக்கது. அதாவது, நீங்கள் முதல் முறையாக ஒரு FD கணக்கை தொடங்குகிறீர்கள் என்றால் முதிர்ச்சியடைந்த வைப்புத்தொகையை புதுப்பிக்கலாம்.
அதிகபட்ச வைப்பு தொகை:
2 கோடி என்ற அளவுகோலின் கீழ் வரும் எந்த தொகைக்கும் இத்திட்டத்தை பயன்படுத்தலாம். இதற்கான அதிகபட்ச பதவிக்காலம் 10 ஆண்டுகள் ஆகும்.