வீட்டில் இருந்தே வேலை (WFH) செய்பவர்கள் கவனத்திற்கு – எளிய உடற்பயிற்சிகள்!
இன்றைய காலகட்டத்தில் கணினி மற்றும் மொபைல்போன் பயன்பாடு அதிகரித்துள்ளதால் மக்கள் கழுத்து வலியால் அவதிப்பட்டு வருகின்றனர். அதை சரி செய்யும் 2 பயிற்சிகள் கீழே கொடுக்கப்பட்டுள்ளன.
கழுத்து வலி:
நாடு முழுவதும் கொரோனா தாக்கம் தீவிரமாக இருந்து வந்த நிலையில் ஊரடங்கு அமல்படுத்தப்பட்டது. இதன் காரணமாக முன்னணி நிறுவனங்கள் ஊழியர்களை வீட்டிலிருந்து பணிபுரிய ஆணையிட்டது. இதனால் பலருக்கு கழுத்து மற்றும் முதுகு வலி என பல்வேறு பிரச்சனைகள் ஏற்பட்டுள்ளது. அவ்வாறு ஏற்பட்டுள்ள கழுத்து வலி தொடரும் பட்சத்தில் தோள்பட்டை, கழுத்து தொடர்பான பிற உறுப்புகளில் வலி ஏற்படும் அபாயத்தை அதிகரிக்கும் என கூறப்பட்டது. தற்போது இளைஞர்களிடையே மொபைல் போன் பயன்படுத்தும் விகிதம் அதிகரித்து வருவதால் பெரும்பாலானோர் இந்த வலியால் அவதிப்பட்டு வருகின்றனர்.
தமிழகத்தில் பள்ளி மாணவர்களுக்கு வழக்கம் போல தேர்வுகள் – அமைச்சர் முக்கிய அறிவிப்பு!
இது குறித்து விளக்கிய மருத்துவர் லூக் குடின்ஹோ, அனைவரும் தங்கள் கழுத்தை பல மணி நேரம் கீழ்நோக்கி வைத்திருக்கும் போது வலி மற்றும் வீக்கத்தால் பாதிக்கப்படலாம் என கூறியுள்ளார். எந்த அசைவும் இல்லாமல் கழுத்தை ஒரே இடத்தில் நீண்ட நேரம் வைத்திருந்தால் அது பிடிப்புகள், விறைப்பு, குறைந்த இரத்த அழுத்தம் மற்றும் தசை பிடிப்பு போன்றவற்றுக்கு வழிவகுக்கும் என்றும் அவர் கூறியுள்ளார். இந்த கழுத்து வழியில் இருந்து விடுபடுவதற்கான இரண்டு வழிமுறைகளை அவர் கூறியுள்ளார்.
பயிற்சி 1:
இடது கையை, வலது தோளில் வைக்க வேண்டும். அந்த சமயம் தோள்பட்டை மேல் எழும்பாமல் இருப்பது கட்டாயம். பின் தலையை வலது தோள்பட்டை நோக்கி திருப்ப வேண்டும். இந்த நிலையில் சிறிது நேரம் வைத்திருக்க வேண்டும். அதன்பின் கைகளை வலது தோள்பட்டை நோக்கி நகர்த்த வேண்டும். அந்த சமயம் தோள்பட்டை மேல் எழும்பாமல் இருப்பது கட்டாயம். அதே நிலையில் சிறிது நேரம் இருக்க வேண்டும். இந்த பயிற்சியினை வேகமாக செய்வதால் கழுத்தில் வலி அல்லது சுளுக்கு ஏற்படும் அபாயம் உள்ளது. எனவே இதனை மெதுவாக செய்ய வேண்டும்.
பயிற்சி 2:
கழுத்துக்குப் பின்னால் கைகள் ஓட்டும் நிலையில் வைக்க வேண்டும். முகத்தை சற்று மேலே தூக்க வேண்டும். பின் முழங்கைகளை பின்புறமாக ஒட்ட வைக்க முயற்சி செய்ய வேண்டும்.கைகளின் இரு முனைகள், தோள்கள், மேல் முதுகு மற்றும் மார்பு முழுவதும் நீட்டப்பட வேண்டும். 10 வினாடிகள் வரை இந்த நிலையில் இருந்து பின்பு ஓய்வெடுக்க வேண்டும். இந்த பயிற்சியினை மெதுவாக செய்யுமாறு அறிவுறுத்தப்படுகிறது.
