ஜனவரி 24 நடப்பு நிகழ்வுகள்

ஜனவரி 24 நடப்பு நிகழ்வுகள்

இந்தியா

1. பெட்ரோல், டீசல் விலை உயர்வுக்கு எதிர்ப்பு தெரிவித்து வேலைநிறுத்தம்: கேரளாவில் போக்குவரத்து முடக்கம்

• கேரளாவில், பெட்ரோல் மற்றும் டீசல் விலை உயர்வை கண்டித்து போக்குவரத்து தொழிற்சங்கங்கள் நடத்தி வரும் போராட்டத்தால், போக்குவரத்து முடங்கியுள்ளது.
• தினசரி விலை நிர்ணயம் செய்யும் திட்டம் அமலுக்கு வந்தபிறகு, பெட்ரோல், டீசல் விலை தொடர்ந்து உயர்ந்து வருகிறது. இந்த விலையேற்றம் வாகன ஓட்டிகள் மத்தியில் கடும் அதிருப்தியை ஏற்படுத்தியுள்ளது. பெட்ரோல், டீசல் விலையை குறைக்க வேண்டும் என பொதுமக்கள் கோரிக்கை விடுத்து வருகின்றனர். உற்பத்தி வரியை குறைக்கும்படி நிதி அமைச்சகத்தை எண்ணெய் அமைச்சகம் கேட்டுக் கொண்டுள்ளது
• தமிழகத்தில் இருந்து கேரளா செல்லும் பேருந்துகளும் நிறுத்தப்பட்டுள்ளன. கேரள மாநில போக்குவரத்து கழக சங்கங்கள்ளும் இந்த வேலை நிறுத்தத்துக்கு ஆதரவு தெரிவித்துள்ளதால், அரசு பேருந்துகளும் இயங்கவில்லை.
• தனியார் பேருந்துகளும் நிறுத்தி வைக்கப்பட்டுள்ளன. போக்குவரத்து முடங்கியுள்ளதால் பயணிகள் கடும் பாதிப்படைந்துள்ளனர். இதனால் இயல்பு வாழ்க்கையும் முடங்கியுள்ளது

2. பயணிகளை கண்காணிக்க சிஐஎஸ்எப் வீரர்கள் உடையில் கேமரா 59 விமான நிலையங்களில் விரைவில் அமல்

• விமான நிலையத்தில் பணியாற்றும் மத்திய தொழிலகப் படை (சிஐஎஸ்எப்) வீரர்கள் உடையில் வரும் மார்ச் மாதத்துக்குள் கேமரா பொருத்தப்படவுள்ளது. பயணிகளைக் கண்காணிக்க இது மிகவும் உதவியாக இருக்கும் என எதிர்பார்க்கப்படுகிறது.
• நாட்டிலுள்ள 59 விமானநிலையங்களில் இந்தத் திட்டம் செயல்படுத்தப்படவுள்ளது
• இதுகுறித்து சிஐஎஸ்எப் உதவி இன்ஸ்பெக்டர் ஜெனரல் ஹேமேந்திர சிங் கூறும்போது, “இதுதொடர்பாக உத்தரபிரதேச போலீஸ் டிஜிபியுடன், சிஐஎஸ்எப் டிஜிபி ஓ.பி.சிங் பேச்சுவார்த்தை நடத்தியுள்ளார்.
• சில நேரங்களில் சிஐஎஸ்எப் வீரர்களுடன் பயணிகள் தேவையில்லாமல் விவாதம் செய்து பிரச்சினையை ஏற்படுத்துவார்கள். அவர்களை சோதனை செய்யும்போது, சில பயணிகள் கெட்ட வார்த்தைகளால் சிஐஎஸ்எப் வீரர்களை திட்டி கீழ்த்தரமாக நடந்துகொள்வார்கள். அதுபோன்ற நேரங்களில் உண்மையில் என்ன நடந்தது என்பதை அறிய இந்த கேமராக்கள் நமக்கு உதவி செய்யும்.
• சிஐஎஸ்எப் வீரர்கள் மீது புகார் வரும்போது இந்த கேமராவில் பதிவான காட்சி, ஒலியைக் கொண்டு யார் மீது தவறு என்பதை நிரூபிக்க முடியும். இனிமேல் கேமரா உதவியுடன் சிஐஎஸ்எப் அதிகாரிகள் தங்களது கடமையை பயமில்லாமலும், தடையில்லாமலும் செய்ய முடியும். கேமராக்களை வாங்கும் பணி தற்போது நடைபெற்று வருகிறது. வரும் மார்ச்சுக்குள் இந்தப் பணிகள் முடியும்.
• மும்பை, டெல்லி விமானநிலையங்களில் சோதனை அடிப்படையில் கேமராக்களைப் பயன்படுத்தினோம். இந்த சோதனை முயற்சி வெற்றிகரமாகவும், திருப்திகரமாகவும் கடந்த வாரம் நடந்து முடிந்துள்ளது. இதைத் தொடர்ந்து 59 விமான நிலையங்களில் செயல்படுத்தவுள்ளோம்” என்றார்.

3. ஏப்ரல் 1-ம் தேதி முதல் வெளி மாநில ரசாயன காய்கறிகளுக்கு அனுமதியில்லை: சிக்கிம் முதல்வரின் புதுமை திட்டம்

• ரசாயனத்தை பயன்படுத்தி விளைவிக்கப்பட்ட தானியங்கள் மற்றும் காய்கறிகளுக்கு ஏப்ரல் 1-ம் தேதிக்கு பிறகு அனுமதியில்லை என அறிவித்துள்ள சிக்கிம் முதல்வர் பவன் குமார் சாம்லிங் இதற்காக சிறப்பு திட்டத்தையும் செயல்படுத்தவுள்ளார்.
• இந்தியாவிலேயே முற்றிலும் இயற்கை வேளாண்மைக்கு மாறிய பெருமையைப் பெற்றிருக்கிறது சிக்கிம். இம்மாநில மக்கள் ரசாயன உரங்கள் மற்றும் பூச்சிக்கொல்லி மருந்துகள் இல்லாமல் விவசாயம் செய்து வருகின்றனர். அம்மாநில முதல்வர் பவன் குமார் சாம்லிங் முயற்சியால், நவீன முறை விவசாயத்திற்கு மாற்றாக, பாரம்பரிய விவசாய முறையை கடைபிடித்து வருகின்றனர் .

4. மத்திய பிரதேச மாநில ஆளுநராக பதவியேற்றார் ஆனந்திபென் படேல்

வங்கி

1. வருமான வரி விலக்கினை ரூ.3 லட்சமாக உயர்த்த வேண்டும்: ஸ்டேட் பேங்க் ஆப் இந்தியா அறிக்கை

• ஏழாவது சம்பள கமிஷன் அமல்படுத்தப்பட்டிருக்கிறது. இதனால் வருமான வரி விலக்கினை 3 லட்ச ரூபாயாக உயர்த்தலாம் என ஸ்டேட் பேங்க் ஆப் இந்தியா அறிக்கை மூலம் தெரிவித்திருக்கிறது. தற்போது 2.5 லட்ச ரூபாய் வரை வரி செலுத்த தேவையில்லை. இந்த வரம்பினை ரூ.3 லட்சமாக உயர்த்தலாம் என எஸ்பிஐ தெரிவித்திருக்கிறது.
• இது தொடர்பாக எஸ்பிஐ மேலும் கூறியிருப்பதாவது: வருமான வரி விலக்கினை உயர்த்தும் பட்சத்தில் 75 லட்சம் மக்கள் பயனடைவார்கள். அதேபோல வீட்டுக்கடனுக்கான வட்டி செலுத்துபவர்களுக்கு தற்போது 2 லட்சம் ரூபாய் வரை விலக்கு வழங்கப்பட்டிருக்கிறது. இந்த வரம்பினையும் 2.50 லட்சம் ரூபாயாக உயர்த்தலாம். இதன் மூலம் வீட்டுக்கடன் வாங்கி இருக்கும் 75 லட்சம் நபர்கள் பயனடைவார்கள்.
• பிப்ரவரி 1-ம் தேதி நிதி அமைச்சர் அருண் ஜேட்லி பட்ஜெட்டை தாக்கல் செய்ய உள்ளார். 1990-91-ம் ஆண்டு வருமான வரி விலக்கு ரூ.22,000 ஆக இருந்தது. இந்த தொகை படிப்படையாக உயர்த்தப்பட்டு வந்தது. கடந்த 2014-15-ம் நிதி ஆண்டில் ரூ.2.5 லட்சமாக உயர்த்தப்பட்டது.-பிடிஐ

2. 20 வங்கிகளுக்கு ரூ.88 ஆயிரம்கோடி முதலீட்டு நிதி: எந்தெந்த வங்கிகளுக்கு எவ்வளவு?- மத்திய அரசு அறிவிப்பு

வணிகம்

1. 11000 புள்ளிகளில் நிப்டி பிஎஸ்இ சென்செக்ஸ் 36000 புள்ளிகளை கடந்தது

• பங்குச்சந்தையின் ஏற்றும் நேற்றும் தொடர்ந்தது. முதல் முறையாக நிப்டி 11000 புள்ளிகளை தாண்டியும், சென்செக்ஸ் முதல் முறையாக 36000 புள்ளிகளை தாண்டியும் முடிந்தது. 2018-19-ம் நிதி ஆண்டில் உலகின் வேகமாக வளரும் பொருளாதாரமாக இந்தியா இருக்கும் என சர்வதேச செலாவணி நிதியம் கணிப்பு தெரிவித்திருக்கிறது.
• இதனால் ஏற்றம் நேற்றும் இருந்தது. நேற்றைய வர்த்தகத்தின் முடிவில் சென்செக்ஸ் 341 புள்ளிகள் உயர்ந்து 36139 புள்ளியில் முடிவடைந்தது. ஆனால் வர்த்தகத்தின் இடையே 36170 புள்ளிகள் வரை சென்றது. 35000 புள்ளியில் இருந்து ஐந்து வர்த்தக தினங்களில் சென்செக்ஸ் 1000 புள்ளிகள் உயர்ந்திருக்கிறது
• ரூ.1 லட்சம் கோடி உயர்வு நேற்றைய பங்குச்சந்தை வர்த்தகம் காரணமாக முதலீட்டாளர் சொத்து மதிப்பு ரூ.1 லட்சம் கோடி அளவுக்கு உயர்ந்திருக்கிறது. பிஎஸ்இ-யில் பட்டியலிடப்பட்ட நிறுவனங்களின் சொத்துமதிப்பு ரூ.1 லட்சம் கோடி உயர்ந்து ரூ.156.56 லட்சம் கோடியாக இருக்கிறது. சென்செக்ஸ் பட்டியலில் உள்ள 30 பங்குகளில் 24 பங்குகள் உயர்ந்து முடிந்தன.

2. இந்தியாவில் விற்பனையில் முதல் 10 இடத்தில் இருக்கும் கார்கள்

• கடந்த டிசம்பர் மாதத்தில், கார் விற்பனையில் முதல் பத்து இடங்களில் மாருதி மற்றும் ஹூண்டாய் நிறுவன தயாரிப்புகள் அதிக அளவில் இடம் பிடித்துள்ளன.
• கடந்த 2017ம் ஆண்டு டிசம்பரில் கார் விற்பனை, முந்தைய 2016ம் ஆண்டு டிசம்பரை ஒப்பிடுகையில் அதிகரித்துள்ளது. இதில், மாருதி  நிறுவனத்தின் அல்டோ (Alto) மாடல் கார் முதலிடம் பிடித்துள்ளது.
• இரண்டாவது இடத்தில் உள்ள மாருதி நிறுவனத்தின் சிடன் டிஸயர் (sedan Dzire) 14,643 கார்கள் விற்பனையாகியுள்ளன. மாருதி நிறுவனத்தின்  Baleno மூன்றாவது இடத்தில் உள்ளது.
• ஹுண்டாய் நிறுவனத்தின் கிராண்டி 10 (Grandi10) கார் 12,955 கார்களுடன் நான்காவது இடத்தில் உள்ளது. மாருதி நிறுவனத்தின் வேகன் ஆர் 11,800 கார்கள் விற்பனையுடன் ஐந்தாவது இடத்தில் உள்ளது.
• சொகுசு காரான வித்ரா பிரீஸா (Vitara Brezza) ஆறாவது இடத்தில் உள்ளது. ஹூண்டாய் நிறுவனத்தின் எலைட் ஐ 20 (Elite i20)  ஏழவாது இடத்தில் உள்ளது. ஸ்விப்ட் (Swift) கார்களுடன் எட்டாவது இடத்தில் உள்ளது. ரெனால்டு நிறுவனத்தின் கிவித் (Kwid) கார்களுடனும், ஹுண்டாய் நிறுவனத்தின் கிரீட்டா (Creta) கார்கள் விற்பனையாகியுள்ளன.

3. இந்தியாவின் பொருளாதார வளர்ச்சி 7.4% ஆக அதிகரிக்கும்: சர்வதேச நிதியம் மதிப்பீடு

• இந்தியாவின் பொருளாதார வளர்ச்சி 2018ம் ஆண்டில் 7.4 சதவீதமாக அதிகரிக்கும் என சர்வதேச நிதியம் மதிப்பிட்டுள்ளது.
• சுவிட்சர்லாந்து நாட்டின் டாவோஸ் நகரில் உலக பொருளாதார மாநாடு நடைபெற்று வருகிறது. இதில் சர்வதேச நிதியம் சார்பில் உலக அளவில் பொருளாதார சூழல் குறித்த அறிக்கை சமர்பிக்கப்பட்டது.
• அந்த அறிக்கையில்‘இந்தியாவில் பண மதிப்பு நீக்கம், ஜிஎஸ்டி வரி விதிப்பு உள்ளிட்ட காரணங்களால், 2017ம் ஆண்டில் பொருளாதார வளர்ச்சி சரிவை சந்தித்தது. இதனால் 2017ல் பொருளாதார வளர்ச்சி 6.7 ஆக மட்டுமே இருந்தது. ஆனால் தற்போது இந்தியாவில் பொருளாதார வளர்ச்சி மேம்பட்டுள்ளது.
• இந்தியாவின் வர்த்தக சந்தையும், உற்பத்தியும் அதிகரித்து வருகிறது. இதனால் பொருளாதார வளர்ச்சி தொடர்ந்து அதிகரிக்க வாய்ப்புள்ளது’’ என அதில் தெரிவிக்கப்பட்டுள்ளது

4. பெட்ரோல் விலை மீண்டும் உயர்வு

5. ரூபாய் மதிப்பு உயர்வு

• அமெரிக்க டாலருக்கு எதிரான இந்திய ரூபாயின் மதிப்பு இன்று 13  காசுகள் உயர்ந்து 63.65 ரூபாயாக இருந்தது.
• வெளிநாட்டு முதலீட்டு நிறுவனங்கள் இந்திய பங்குச்சந்தைகளில் முதலீடு செய்து வருகின்றன. இதன் தாக்கத்தால் டாலர் மதிப்பு குறைந்து, இந்திய ரூபாயின் மதிப்பு உயர்ந்தது. இன்றைய காலை நேர வர்த்தகத்தின்படி, அமெரிக்க டாலருக்கு எதிரான இந்திய ரூபாயின் மதிப்பு 13 காசுகள் உயர்ந்து 63.65 ரூபாயாக இருந்தது

தமிழகம்

1. பிப். 4-ல் ஓஎம்ஆர் மாரத்தான்

• ரோட்டரி கிளப் ஆஃப் சென்னை அப்ஸ்கேல் அமைப்பின் சார்பில் ஓஎம்ஆர் மாரத்தான் போட்டி வரும் பிப்ரவரி 4-ம் தேதி பழைய மகாபலிபுரம் சாலை சுற்றுப் பகுதிகளில் நடைபெற உள்ளது.
• 3, 5 மற்றும் 10 கி.மீ. பிரிவுகளில் போட்டிகள் நடைபெறவுள்ளன. பந்தய தொலைவை நிறைவு செய்யும் அனைவருக்கும் பதக்கம் வழங்கப்பட உள்ளது.
• இந்தத் போட்டியில் கலந்துகொள்வதற்கான நுழைவுக் கட்டணம் ரூ.750 ஆகும். மாணவர்களுக்கு சலுகை கட்டணமாக ரூ.500 நிர்ணயிக்கப்பட்டுள்ளது. மாரத்தான் போட்டியின் வாயிலாக கிடைக்கும் தொகையை ஓஎம்ஆர் பகுதியில் பின்தங்கிய நிலையில் உள்ள அரசு பள்ளிகளில் பயிலும் மாணவர்களின் கல்வி, சுகாதாரம், உடல் ஆரோக்கியம் ஆகியவற்றை மேம்படுத்த நடவடிக்கை எடுக்கப்படும் என ரோட்டரி கிளப் ஆஃப் சென்னை அப்ஸ்கேல் அமைப்பின் ஆளுநர் சீனிவாசன் தெரிவித்தார் .

2. அரசு கொள்கை முடிவில் தலையிட முடியாது: பேருந்து கட்டண உயர்வு விவகாரத்தில் சென்னை உயர் நீதிமன்றம் கருத்து

• தமிழக அரசின் பேருந்து கட்டண உயர்வில் தலையிட முடியாது என்று கூறி சென்னை உயர் நீதிமன்றம் திட்டவட்டமாக தெரிவித்துள்ளது. இது தொடர்பான மனுவையும் தள்ளுபடி செய்தது.
• போக்குவரத்து தொழிலாளர்களின் ஊதிய உயர்வு, டீசல் விலை உயர்வு, பராமரிப்பு, உதிரிபாகங்கள் விலை உயர்வு போன்றவற்றைக் காரணம் காட்டி தமிழக அரசு  எந்தவொரு முன்னறிவிப்பும் இன்றி 19ம் தேதி நள்ளிரவில் முடிவுசெய்து ஜன. 20-ம் தேதி முதல் அரசு பஸ்களின் கட்டணத்தை உயர்த்தியுள்ளது
• இந்த மனுவை விசாரித்த நீதிபதிகள், “தமிழக அரசு பேருந்து கட்டணத்தை திடீரென உயர்த்தினாலும் அரசின் கொள்கை முடிவுகளில் நீதிமன்றம் தலையிட முடியாது. ஊதிய உயர்வு தொடர்பாக போக்குவரத்து தொழிலாளர்கள் மேற்கொண்ட வேலை நிறுத்த போரட்டத்தினால் சாமானிய மக்கள் பெரிதும் பாதிக்கப்பட்டனர். அவர்களின் கோரிக்கையை நிறைவேற்றவே பேருந்து கட்டணத்தை தமிழக அரசு உயர்த்தியுள்ளது.
• எனினும் பேருந்து கட்டண உயர்வை மக்களிடம் அறிவித்த தமிழக அரசு, தனியார் மற்றும் அரசு பேருந்துகளில் எந்த அளவுக்கு கட்டண உயர்த்தப்பட்டுள்ளது என்பதை மக்களிடம் முறையாக தெரியப்படுத்த வேண்டும்” என்று கூறி பொதுநல மனுக்களை தள்ளுபடி செய்தனர்.

3. உரிமம் இல்லாமல் விளம்பரப் பலகை வைத்தால் 3 ஆண்டு சிறை: சென்னை மாநகராட்சி எச்சரிக்கை

• உரிமம் இல்லாமல் விளம்பரப் பலகைகள் வைக்கும் தனியார், விளம்பர நிறுவனங்கள் மீது மூன்று ஆண்டுகள் சிறை தண்டனை அல்லது ஒரு விளம்பர பலகைகக்கு ரூபாய். பத்தாயிரம் வீதம் அபாரதம் என பெருநகர சென்னை மாநகராட்சி அறிவித்துள்ளது.
• அவ்வாறு விளம்பரபடுத்தியது தெரியவந்தால் காவல் நிலையத்தில் புகார் தெரிவித்து முதல் தகவல் அறிக்கை பதிவு செய்து அதன் பொருட்டு மூன்று ஆண்டுகள் சிறை தண்டனை அல்லது அனுமதியில்லாமல் வைக்கப்பட்ட ஒரு விளம்பரப் பலகைகக்கு ரூபாய். பத்தாயிரம் வீதம் (ரூ.10,000/-) தண்ட தொகையாகவே அல்லது இரண்டும் சேர்ந்தோ நடவடிக்கை மேற்கொள்ளப்படும் .
• அவ்வாறு உரிமம் இல்லாமல் விளம்பரப் பலகை அமைக்க கட்டிடத்தின் உரிமையாளர் அனுமதிக்கும் பட்சத்தில் பெருநகர சென்னை மாநகராட்சியால் கட்டிடத்தின் உரிமையாளர் மீது உரிய நடவடிக்கைகள் மேற்கொள்ளப்படும் என எச்சரிக்கப்படுகிறது.”

விளையாட்டு

1. இந்தியா – தென் ஆப்பிரிக்கா 3-வது டெஸ்ட்: டாஸ் வென்ற இந்திய அணி பேட்டிங்; வீரர்கள் தேர்வில் இரு மாற்றம்